Abşeron Rayon Məhkəməsi Qətnamə — İş №2(012)-622/2023

Azərbaycan Respublikası adından QƏTNAMƏ Xırdalan şəhəri İş № 2(012)-622/2023 19.01.2023 ABŞERON RAYON MƏHKƏMƏSİ Hakim Abbasova Məlahət Aslan qızının sədrliyi, Əliyeva Afaq Əkbər qızının katibliyi, İddiaçı, Cavabdeh İB-nin nümayəndəsi Nümayəndə iştirakı ilə, İddiaçı Cavabdehnə qarşı borcun silinməsi tələbinə dair mülki işə açıq məhkəmə iclasında baxaraq, MÜƏYYƏN ETDİ: İddiaçı Cavabdehnə qarşı borcun silinməsi tələbinə dair iddia ərizəsi ilə Abşeron Rayon Məhkəməsinə müraciət edərək, Cavabdeh İB-nin əməkdaşları tərəfindən əsassız hesablanmış 1088,64 manat cərimə borcunun silinməsi barədə qətnamə qəbul edilməsini məhkəmədən xahiş etmişdir. İddia tələbi bununla əsaslandırılmışdır ki, o, Abşeron rayonu, Atyalı qəsəbəsində yerləşən evdə ailəsilə birlikdə yaşayır. Cavabdeh İB-nin əməkdaşları tərəfindən tərtib olunmuş ******* nömrəli 31 may 2022-ci il tarixli akta əsasən əraziyə baxış keçirilən zaman qeydiyyatsız təbii qazdan istifadə edildiyi aşkar olunmuş və ona 1088,64 manat cərimə yazılmışdır. Onun bu hadisədən uzun müddət xəbəri olmamışdır. Ona görə də qaz idarəsinə yaxınlaşmış, orada ona məlum olmuşdur ki, qeydiyyatsız qazdan istifadə etdiyinə cərimələnmişdir. Bu isə əsassızdır, çünki qonşuda aşkar olunan qeydiyyatsız təbii qazdan istifadə edilməsinə görə ona da cərimə yazılmışdır. Bunun ona heç bir aidiyyəti yoxdur və həmin cərimə tam silinməlidir. Məhkəmə iclasında İddiaçı iddia tələbini müdafiə edərək, onun təmin edilməsini xahiş etdi. O bildirdi ki, qonşusunun sayğacdan kənar qaz xəttinə qoşulmasına görə ona cərimənin tətbiq edilməsi qanunsuzdur. Cavabdeh İB-nin nümayəndəsi Nümayəndə məhkəmə iclasında iddia ilə razılaşmadı və onun rədd edilməsini xahiş etdi. Məhkəmə iclasında şahid kimi ifadə vermiş Şahid göstərdi ki, o, Bakı Regional Qaz İstismar Departamentində mühəndis vəzifəsində işləyir. Abonent kimi İddiaçı yaşadığı ünvanı tanıyır. Əraziyə onun və digər iki əməkdaşın iştirakı ilə baxış keçirilmişdir. Kənar xətt iddiaçının deyil, qonşunun sayğacına məxsusdur. Lakin mümkündür ki, iddiaçının və qonşusunun qaz xəttinə eyni yerdən kənar qoşulma baş versin. Məhkəmə tərəfləri dinləyib, şahidin ifadəsini və iş materiallarını nəzərdən keçirərək və məhkəmə iclasında tədqiq edilən sübutlara hüquqi qiymət verərək hesab edir ki, iddia təmin edilməlidir. Belə ki, Azərbaycan Respublikası Konstitutsiyasının 60-cı maddəsinin İ bəndinə əsasən hər kəsin hüquq və azadlıqlarının məhkəmədə müdafiəsinə təminat verilir. Azərbaycan Respublikası Konstitutsiyasının 60-cı maddəsinin İİ bəndinə əsasən hər kəs dövlət orqanlarının, həmkarlar ittifaqlarının və digər ictimai birliklərin, vəzifəli şəxslərin qərar və hərəkətlərindən (yaxud hərəkətsizliyindən) məhkəməyə şikayət edə bilər. Mülki Prosessual Məcəllənin 4.1-ci maddəsinə əsasən bütün fiziki və hüquqi şəxslər özlərinin qanunla qorunan hüquq və azadlıqlarını, eləcə də maraqlarını qorumaq və təmin etmək məqsədi ilə qanunla müəyyən edilmiş qaydada məhkəmə müdafiəsindən istifadə etmək hüququna malikdirlər. Eyni zamanda MPM-nin 14.1-ci maddəsinə əsasən məhkəmə həqiqətə nail olmaq üçün işin hərtərəfli, tam və obyektiv tədqiqinə lazımi şərait yaradır. Bunun üçün məhkəmə işdə iştirak edən şəxslərə onların prosessual hüquq və vəzifələrini izah edir, görüləcək, yaxud görülməyəcək hərəkətlərin nəticələri barədə onları xəbərdar edir, onların prosessual hüquqlarının həyata keçməsinə kömək göstərir. İş materiallarında olan və məhkəmə baxışında tədqiq olunmuş; - Cavabdeh İB-nin əməkdaşları tərəfindən tərtib olunmuş təbii qazdan istifadə qaydalarının pozulması haqqında ******* saylı, xx.xx.2022-ci il tarixli aktdan görünür ki, Abşeron rayonu, Atyalı qəsəbəsində yaşayan abonent İddiaçı təbii qazdan qeydiyyatsız istifadə etdiyi aşkar olunmuşdur. - xx.xx.2022-ci il tarixli dəymiş ziyanın bərpasına dair tələbnamədən görünür ki, qaz işlədicilərindən PQ4-ün maksimal saatlıq qaz sərfi 1,2 kubmetr, orta günlük iş rejimi 24 saat və hesabat müddəti 90 gün, QSQ-nin maksimal saatlıq qaz sərfi 3 kubmetr, orta günlük iş rejimi 24 saat və hesabat müddəti 90 gün qəbul edilməklə itirilmiş qazın bərpası üçün hesabatın aparılması və hesablanmış məbləğin cəmi 9072 kubmetr üçün ödənilməsi qərara alınmışdır. - **********00025 saylı abonent saldosundan görünür ki, ailə tərkibi 4 nəfər olan İddiaçı - Abşeron rayonu, Müşfiqabad qəsəbəsi ünvanında xx.xx.2022-ci il tarixdə Zenner G4T SMART tipli sayğac quraşdırılmışdır. Cihazlar: 4 gözlü qaz plitələri (PQ-4)(1/1), aktlara görə abonentin borcu isə 1088,64 manat (2022-ci ilin may ayı) hesablanmışdır. Ödəniş oktyabr və noyabr 2022-ci il tarixdə cəmi 27,50 manat təşkil edir. - Cavabdeh İB-nin əməkdaşları tərəfindən tərtib olunmuş təbii qazdan istifadə qaydalarının pozulması haqqında ******* saylı, xx.xx.2022-ci il tarixli aktdan görünür ki, Abşeron rayonu, Atyalı qəsəbəsində yaşayan abonent X1 təbii qazdan qeydiyyatsız istifadə etdiyi aşkar olunmuşdur. - **********00018 saylı abonent saldosundan görünür ki, ailə tərkibi 4 nəfər olan X4 - Abşeron rayonu, Atyalı qəsəbəsi ünvanında xx.xx.2022-ci il tarixdə Zenner G4T SMART tipli sayğac quraşdırılmışdır. Cihazlar: 4 gözlü qaz plitələri (PQ-4)(1/1), aktlara görə abonentin borcu isə 1088,64 manat (2022-ci ilin may ayı) hesablanmışdır. Ödəniş iyul 2022-ci il tarixdə cəmi 2 manat təşkil edir. Məhkəmə iddia tələbi ilə bağlı aşağıdakıları qeyd edir. “Qaz təchizatı haqqında” Azərbaycan Respublikası Qanununun 11-ci maddəsinin 6cı bəndinə müvafiq olaraq qaz paylayıcısı ilə istehlakçı arasında qazın alqı-satqısı müqavilə əsasında həyata keçirilir. Qaz paylayıcısı ilə istehlakçı arasında qazın alqı-satqı müqaviləsinin nümunəsi, qazın qiyməti, şəbəkəyə qoşulma və şəbəkədən ayırma şərtləri, qazın keyfiyyəti (təzyiq və təchizatın etibarlılığı), qazın dəyərinin ödəmə şərtləri və digər məsələlər qazdan istifadə qaydaları ilə tənzimlənir. Qazdan istifadə qaydaları müvafiq icra hakimiyyəti orqanı tərəfindən müəyyən edilir. Azərbaycan Respublikası Nazirlər Kabinetinin 12 may 2011-ci il tarixli, 80 saylı Qərarı ilə təsdiq olunmuş Qazdan istifadə Qaydalarına müvafiq olaraq qaz sayğacı ilə təchiz edilmə, onun quraşdırılması və dəyişdirilməsi fiziki şəxs olan istehlakçıya münasibətdə qaz paylayıcısı hesabına, hüquqi şəxs olan istehlakçıya münasibətdə isə öz vəsaiti hesabına həyata keçirilir (4.2). Fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı, hüquqi şəxslərin qaz sayğaclarının işlək vəziyyətdə saxlanılmasına görə cavabdehliyi isə özləri daşıyırlar (4.8). Zədələnmiş qaz sayğacının (hesablama mexanizmlərinin sıradan çıxması, baxış pəncərəsinin sınması, qoruyucu plombların qırılması, texniki nasazlıqlar və s.) təmir olunması, həmin sayğacın dövlət yoxlanmasından keçirilməsi, dəyişdirilməsi və quraşdırılması müraciət edildiyi gündən başlayaraq 15 iş günündən gec olmayaraq bu Qaydaların 4.2-ci bəndinə uyğun olaraq qaz paylayıcısı tərəfindən həyata keçirilir (4.9). İş materialları ilə müəyyən edilir ki, iddiaçının yaşayış evindəki qaz xəttinə xx.xx.2022-ci il tarixdə Zenner G4T SMART tipli sayğac quraşdırılmışdır. Bundan öncə isə, yəni 31 may 2022-ci il tarixdə Cavabdeh İB-nin əməkdaşları tərəfindən Abşeron rayonu, Atyalı qəsəbəsində yaşayan abonentlər İddiaçı və X2 təbii qazdan qeydiyyatsız istifadə etdiyi aşkar olunmuşdur. Cavabdeh İB-nin əməkdaşları tərəfindən bu barədə müvafiq aktlar tərtib edilmişdir. Aktlara əlavə edilmiş fotoşəkillərdən görünür ki, bir fakta görə hər iki abonentə cərimə tətbiq edilmişdir. Məhkəmə iclasında müəyyən edildi ki, qonşusunun sayğacdan kənar xəttə qoşulması faktına görə İddiaçı Cavabdeh İB-nin əməkdaşları tərəfindən tətbiq edilən cərimə əsassızdır, çünki bu hala görə o, cavabdeh qarşısında məsuliyyət daşımır. İşdən görünür ki, iddiaçının təbii qazdan dəyərini ödəmədən istifadə etməsi, yəni onun qaz xəttinə qeyri-qanuni qoşulması öz təsdiqini tapmır. Belə olan halda isə məhkəmə abonentə tətbiq edilmiş cərimənin silinməsi barədə iddianın əsaslı olması qənaətinə gəlir. Məhkəmə iclasında akt tədqiq edilərkən aktın 3 nəfər Cavabdeh İB-nin əməkdaşları tərəfindən tərtib edildiyi və aktda hal şahidlərinin iştirakının təmin olunmadığı müəyyən olundu ki, bu da aktın qüsurlu tərtib edilməsinin göstəricisidir. Göründüyü kimi, cavabdehin sübut kimi göstərdiyi akt qüsurlu olduğundan sübut kimi qəbul edilməməlidir və bütün bunlar iddiaçının qaz xəttinə qeyri-qanuni qoşulmasını tamamilə inkar edir. Yaranmış vəziyyətdə fiziki şəxs olan iddiaçının yaşadığı ünvanda quraşdırılmış qaz xəttinə iddiaçı tərəfindən müdaxilə edildiyini sübut etmək vəzifəsi cavabdehin üzərinə düşmüş, lakin cavabdeh bununla bağlı mötəbər sübutlar təqdim edə bilməmişdir. Halbuki MPM-in 77-ci maddəsinə müvafiq olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. MPM-in 77-ci maddəsinin tələbinə görə sübut edilməli hallar dedikdə həmin hallara mübahisəli hüquq münasibətinin mövcudluğu ilə əlaqədar olan faktlar və cavabdeh tərəfindən iddiaçının hüququnun pozulmasını və mübahisələndirilməsini təsdiqləyən faktlar başa düşülür. Azərbaycan Respublikasının MPM-in 81-ci maddəsinə əsasən, qanuna və ya digər normativ hüquqi aktlara əsasən müəyyən sübutetmə vasitələri ilə təsdiq edilməli olan işin halları başqa sübutlarla təsdiq oluna bilməz. Məhkəmə qeyd olunanlara əsasən hesab edir ki, iddia əsaslı olduğundan təmin edilməli, cavabdeh tərəfindən iddiaçıya hesablanmış 1088,64 manat borc silinməlidir. Mülki Prоsеssuаl Məcəllənin 217.4-cü mаddəsinə əsаsən məhkəmə (hаkim) öz qətnаməsini yаlnız məhkəmə iclаsındа tədqiq оlunmuş sübutlаrlа əsаslаndırır. Həmin Məcəllənin 218.3-cü mаddəsinə əsаsən hаkim işdə iştirаk еdən şəхslərin vеrdiyi tələblər üzrə qətnаmə çıхаrır. Lаkin hаkim qаnundа göstərilən müstəsnа hаllаrdа iddiа tələblərindən kənаrа çıха bilər. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220 və 360-cı maddələrini rəhbər tutaraq, məhkəmə QƏT ETDİ: İddia təmin edilsin. İddiaçı yaşadığı Abşeron rayonunda yerləşən fərdi yaşayış evinə (abonent kodu: **********00025) dair Cavabdeh İB tərəfindən hesablanmış 1088,64 manat məbləğində borc silinsin. Qətnamədən rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Hakim: Məlahət Abbasova