Ağsu Rayon Məhkəməsi Qərardad — İş №2(016)-571/2023

Azərbaycan Respublikası adından QƏRARDAD Ağsu rayonu İş № 2(016)-571/2023 19.06.2023 AĞSU RAYON MƏHKƏMƏSİ Hakim Əsgərov Anar Əlifağa oğlunun sədrliyi, Xalıqov Cavanşir Fayıq oğlunun katibliyi, İddiaçı X1 iştirakı ilə, İddiaçılar X3, X4, X6, X7 və X2 cavabdeh X5 qarşı “vərəsəliyin qəbul edilməsi” tələbinə dair mülki işə məhkəmə iclasında baxaraq, məhkəmə MÜƏYYƏN ETDİ: İddiaçı iddia ərizəsi ilə məhkəməyə müraciət edərək miras haqqının müəyyən edilməsi barədə vərəsənin qəbul ediməsi üçün qətnamə çıxarılmasını xahiş etmişdir. İddiaçı X3 məhkəmə iclasında çıxış edərək bildirdi ki, o, atası rəhmətə gedəndən sonra anasını aparıb saxlamış, Qəşəm onun xəbəri olmadan ona məxsus olan 1 inək və 3 balasını satmışdır. Anası rəhmətə gedəndən sonra Qəşəm həmin evdə yaşayıb, halhazırda da yaşayır və onları evə buraxmır. Ev Ağsu rayonu, Çiyni kəndində yerləşir. Qəşəm 2000-ci ildən etibarən həmin evdə yaşayır. Bu səbəblərdən iddia tələbinin təmin olunmasını xahiş etdi. Digər iddiaçılar və cavabdeh məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq məhkəmə iclasına gəlməmiş, gəlməmələrinin səbəbi barədə məhkəməyə heç bir məlumat verməmişlər Məhkəmə iş materiallarını araşdırıb hesab edir ki, mülki iş baxılmamış saxlanılmalıdır. Belə ki, iddia ərizəsində iddiaçıların yaşayış yeri və ya olduğu yer, yazışmaların aparılmasının istənildiyi digər ünvan göstərilməmişdir. Azərbaycan Respublikası Mülki Prosessual Məcəlləsinin (bundan sonra mətndə - MPM) 149.2.2-ci maddəsinə əsasən, iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. MPM-in 259.0 və 259.0.12-ci maddələrinə əsasən, ərizə bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.1.2-ci və ya 150.1.3-cü maddələrində göstərilən sənədlər əlavə edilmədən verildikdə iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda məhkəmə ərizəni baxılmamış saxlayır. Yuxarıda göstərilənlərə və MPM-in 263, 264, 268 və 269-cu maddələrinə əsasən, məhkəmə QƏRARA ALDİ: İddiaçılar X3, X4, X6, X7 və X2 cavabdeh X5 qarşı “vərəsəliyin qəbul edilməsi” tələbinə dair 2(016)-571/2023 nömrəli mülki iş baxılmamış saxlanılsın. Qərardaddan rəsmi qaydada verildikdən sonra 10 (on) gün müddətində Ağsu Rayon Məhkəməsinə şikayət verilə bilər. Sədrlik edən Anar Əsgərov