Ağcabədi Rayon Məhkəməsi Qətnamə — İş №2(017)-167/2023

Azərbaycan Respublikası adından QƏTNAMƏ Ağcabədi rayonu İş № 2(017)-167/2023 19.06.2023 AĞCABƏDİ RAYON MƏHKƏMƏSİ Hakim Ləzimov Sulduz Paşa oğlunun sədrliyi, Muradov Malik Maarif oğlunun katibliyi, Ərizəçi iştirakı ilə, Ərizəçi hüquq müəyyənedici sənədin şəxsə məxsus olması faktın müəyyən edilməsinə dair mülki işə məhkəmənin inzibati binasında açıq məhkəmə iclasında baxaraq, məhkəmə müəyyənetdi: Ərizəçi məhkəməyə ərizə ilə müraciət edərək, Ağcabədi rayon Aqrar İslahat Komissiyasının 15 yanvar 1998-ci il tarixli, 01 saylı qərarına əsasən onlara, yəni ailə üzvlərinə və ona kənd təsərrüfatı məhsullarının istehsalı üçün 1,78 hektar pay torpaq sahəsinin verilməsini, bu barədə JN 512 saylı, 60807018 kodla Torpağa Mülkiyyət Hüququna dair Dövlət Aktının verilməsini, X1nın Xəlilova olmasına baxmayaraq, səhvən Əsgərova kimi, mərhum qayınanası X3 ata adı Bəhrəm olmasına baxmayaraq, səhvən Bəhram kimi qeyd edilməsini, halbuki bütün sənədlərdə onun soyadı Xəlilova, mərhum qayınanasının ata adı Bəhrəm kimi qeyd olunmasını, Dövlət Aktında onun soyadının və mərhum qayınanasının ata adının düzgün yazılmaması mülkiyyətlə bağlı hüquqlarının həyata keçirilməsində çətinlik yaratmasını göstərib, məhkəmədən ərizənin təmin edilməkə, hüquq müəyyənedici sənədin, yəni Ağcabədi rayon Aqrar İslahat Komissiyasının 15 yanvar 1998-ci il tarixli, 01 nömrəli qərarı ilə verilmiş torpağa mülkiyyət hüququna dair JN- 512 saylı, 60807018 kod nömrəli Dövlət Aktının ona və mərhum qayınanasına məxsus olması faktının müəyyən ounmasına dair məhkəmədən qətnamə çıxarılmasını xahiş etmişdir. Məhkəmə iclasında Ərizəçi ərizəni müdafiə edərək izahatında göstərdi ki, o, xx xxxx 1963-cü il tarixdə anadan olmuş və hazırda Ağcabədi rayonunun Hüsülü kəndində yaşayır. Ağcabədi rayon Aqrar İslahat Komissiyasının 15 yanvar 1998-ci il tarixli, 01 saylı qərarına əsasən ailə üzvlərinə və ona kənd təsərrüfatı məhsullarının istehsalı üçün 1.78 hektar pay torpaq sahəsi verilmiş və həmin qərara əsasən onlara Torpağa Mülkiyyət Hüququna dair JN-512 saylı, 60807018 kod nömrəli Dövlət Aktı verilmişdir. X1 Xəlilova olmasına baxmayaraq, səhvən Əsgərova kimi və mərhum qayınanasının ata adı Bəhrəm əvəzinə səhvən Bəhram kimi qeyd edilmişdir. Ona məxsus bütün digər sənədlərdə onun soyadı Xəlilova, mərhum qayınanasının ata adı Bəhrəm kimi göstərilmişdir. Məhkəmədən ərizənin təmin edilməkə, hüquq müəyyənedici sənədi, yəni Ağcabədi rayon Aqrar İslahat Komissiyasının 15 yanvar 1998-ci il tarixli, 01 saylı qərarı ilə verilmiş torpağa mülkiyyət hüququna dair JN-512 saylı, 60807018 kod nömrəli Dövlət Aktının ona, yəni Ərizəçi və mərhum qayınanası X5 məxsus olması faktının müəyyən ounmasına dair məhkəmədən qətnamə çıxarılmasını xahiş etdi. Maraqlı şəxs Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin 6 saylı ərazi idarəsinə məhkəmənin vaxtı və yeri barədə lazımi qaydada məlumat verilməsinə baxmayaraq, Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin 6 saylı ərazi idarəsinin nümayəndəsi məhkəmə iclasına gəlməmiş və gəlməməsinin səbəbləri barədə məhkəməyə heç bir məlumat verməmişdir. Məhkəmə bu halda Azərbaycan Respublikası Mülki Prosessual Məcəlləsinin 185.6-ci maddəsinin tələbinə əsasən, işə maraqlı şəxsin nümayəndəsinin iştirakı olmadan baxılmasını mümkün hesab etdi. Məhkəmə iclasında şahid qismində dindirilən X13 izahat verərək göstərdi ki, Ərizəçi onun qonşusudur. Qonşusu Yeganənin soyadı həqiqətən Xəlilovadır. Yeganənin mərhum qayınanasının ata adı Bəhrəmdir. X28 Yeganənin soyadı Xəlilova əvəzinə səhvən Əsgərova, mərhum qayınanası X3 ata adı isə səhvən Bəhram kimi qeyd edilmişdir. İş materiallarında olan şəxsiyyət vəsiqəsinin surətindən görünür ki, Ərizəçi xx xxxx 1963-cü il tarixdə anadan olmuş və hazırda Ağcabədi rayonunun Hüsülü kəndində yaşayır. İş materiallarında olan JN-512 saylı, 60807018 kod nömrəli Torpağa Mülkiyyət Hüququna dair Dövlət aktından görünür ki, X20, X8, X14, X6 və X15 Ağcabədi rayon Aqrar İslahat Komissiyasının 15 yanvar 1998-ci il tarixli, 01 nömrəli qərarı ilə kənd təsərrüfatı məhsulları istehsalı üçün 1,78 hektar pay torpaq sahəsi verilmişdir. İş materiallarında olan Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 6 saylı Beyləqan Ərazi idarəsi tərəfindən verilmiş 03 noyabr 2022-ci il tarixli mülkiyyət hüququnun qeydiyyatından imtina edilməsi barədə məktubdan görünür ki, JN- 512 saylı, 60807018 kod nömrəli Torpağa mülkiyyət hüququna dair Dövlət aktı sənədində hüquq sahiblərindən X7 dəyişdirilərək Xəlilova (ikahdan əvvəl Rüstəmova) Yeganə Adil qızı kimi və X4 dəyişdirilərək X2 qeyd edilməsi ərazi idarəsinin səlahiyyətlərinə aid olmadığından icrası mümkün olmamış və qeyd olunan uyğunsuzluq faktının təsdiqlənməsi məqsədi ilə müvafiq məhkəmə instansiyasına müraciət etmək tövsiyyə olunmuşdur. İş materiallarında olan nikahın bağlanması haqqında şəhadətnamənin surətindən görünür ki, X22 ilə X16 arasında nikah 01 oktyabr 1986-cı il tarixdə 194 saylı akt qeydi ilə rəsmiləşdirilmişdir. (Nikahdan sonra qadın Xəlilova soyadını qəbul etmişdir.) İş materiallarında olan ölüm haqqında şəhadətnamənin surətindən görünür ki, X9 13 aprel 1999-cu il tarixdə vəfat etmişdir. Azərbaycan Respublikası MPM-in 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birlikərin, siyasi partiyaarın bileti, hərbi sənədlər, pasport və müvafiq icra orqanları tərəfindən verilən şəhadətnamələrdən başqa) həmin şəxsə məxsus olması faktını müəyyən edir. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təstiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə araşdırılması zamanı müəyyən edildi ki, ərizəçi Xəlilova X18 rayonunda anadan olmuş, hazırda da Ağcabədi rayonunun Hüsülü kəndində yaşayır. Ağcabədi rayon Aqrar İslahat Komissiyasının 15 yanvar 1998-ci il tarixli, 01 nömrəli qərarı ilə verilmiş 1.78 hektar torpaq sahəsinə dair Dövlət Aktında Ərizəçi soyadı Xəlilova əvəzinə səhvən Əsgərova kimi, mərhum X3 ata adı Bəhrəm əvəzinə səhvən Bəhram kimi göstərilmişdir. Qeyd olunanlara əsasən məhkəmə belə nəticəyə gəlir ki, Ağcabədi rayon Aqrar İslahat Komissiyasının 15 yanvar 1998-ci il tarixli, 01 saylı qərarı ilə verilmiş torpaq sahəsi haqqında olan sənəd Ərizəçi və mərhum qayınanası X5 məxsus olması ilə bağı hüquqi fakt müəyyən edilməlidir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə görə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə müvafiq olaraq məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 233.1-ci maddəsində göstərilir ki, məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Yuxarıda göstərilənlərə əsasən, Azərbaycan Respublikası MPM-nin 213-214, 216- 220 və 307-311-ci maddələrini rəhbər tutub, məhkəmə qətetdi: Ərizə təmin edilsin. X17, X7, X10, X4 və X11 adlarına Ağcabədi rayonunun Hüsülü kəndi ərazisindən kənd təsərrüfatı məhsulları istehsalı üçün verilmiş 1.78 hektar pay torpaq sahəsi ilə əlaqədar 15 yanvar 1998-ci il tarixli, 01 nömrəli qərarı ilə JN-512 saylı, kod 60807018 nömrəli Torpağa Mülkiyyət Hüququna dair Dövlət Aktında göstərilən X21 qeydinin Ərizəçi və mərhum X12 qeydinin X5 məxsus olması faktı müəyyən edilsin. Qətnamədən rəsmi qaydada verildiyi gündən bir ay müddətində Ağcabədi rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti vermək olar. Sədrlik edən : Sulduz Ləzimov