Ağcabədi Rayon Məhkəməsi Qətnamə — İş №2(017)-191/2023

Azərbaycan Respublikası adından QƏTNAMƏ Ağcabədi rayonu İş № 2(017)-191/2023 27.02.2023 AĞCABƏDİ RAYON MƏHKƏMƏSİ Hakim Ləzimov Sulduz Paşa oğlunun sədrliyi, Muradov Malik Maarif oğlunun katibliyi, İddiaçı oğlunun iştirakı ilə İddiaçı cavabdeh «Azəriqaz» X1 X3 idarəsinə qarşı 07 noyabr 2017-ci il l tarixli, AKT ******* saylı və 31 may 2022-ci il tarixli, AKT ******* saylı aktların ləğv edilməsi və cərimənin silinməsi tələbinə dair mülki işə məhkəmənin inzibati binasında açıq məhkəmə iclasında baxaraq, məhkəmə müəyyənetdi: İddiaçı məhkəməyə iddia ərizəsi ilə müraciət edərək, iddia ərizəsində göstərmişdir ki, o, Ağcabədi şəhərində ailə üzvləri ilə birlikdə yaşayır. Onun yaşadığı evdə quraşdırılmış qaz sayğacı onun adınadır. O, Ağcabədi şəhərində olan yaşayış evində qaz çəkilən vaxtdan son illərə kimi qazdan istifadə etmiş və qaza görə heç bir borcları olmamışdır. Onun adına olan qaz sayğacına «Azəriqaz» X1 X3 idarəsinin Ağcabədi Xidmət Sahəsinin əməkdaşları tərəfindən borcu olmaya-olmaya qaz sayğacına görə 07 noyabr 2017-ci il tarixli, AKT ******* saylı və 31 may 2022-ci il tarixli, AKT ******* saylı aktlar yazılmışdır. Həmin aktlar guya sayğacın hesablama mexanizminin qapağı yan tərəfdən əzilib və daxili qulaqcıqlarında əzik-cızıq izlərinin olması ilə bağlı yazılmışdır. Lakin nə onun və nədəki ailə üzvləri tərəfindən sayğaca heç bir müdaxilə edilməmişdir. Onun adına olan qaz sayğacı evin hasarından çöldə quraşdırılmışdır. Onlar tərəfindən sayğac həmişə qorunmuş, heç bir müdaxilə edilməmişdir. Lakin buna baxmayaraq Tərtər X3 idarəsi məsələni düzgün araşdırmadan baş vermiş hadisəyə görə məsuliyyəti əsassız olaraq onun üzərinə qoymuş və 07 noyabr 2017-ci il tarixli, AKT ******* saylı akt əsasında 518 manat 40 qəpik və 31 may 2022-ci il tarixli, AKT ******* saylı akt əsasında onun üzərinə təkrar 518 manat 40 qəpik məbləğində cərimələr yazmışdır. O, həmin aktları düzgün və qanuni hesab etmir. Ona görə də Tərtər RQİİ-ti tərəfindən yazılmış 07 noyabr 2017-ci il tarixli, AKT ******* saylı və 31 may 2022-ci il tarixli, AKT ******* saylı aktların ləğv edilməsi və cərimələrin silinməsinə dair qətnamə çıxarılmasını məhkəmədən xahiş etmişdir. Məhkəmə iclasında İddiaçı iddia tələbini müdafiə edib, iddia ərizəsinin məzmununa uyğun izahat verərək məhkəmədən iddianın təmin olunmasını və cərimənin silinməsini xahiş etdi . Cavabdeh Tərtər RQİİ-nə məhkəmənin vaxtı və yeri barədə lazımi qaydada məlumat verilməsinə baxmayaraq, cavabdehin nümayəndəsi məhkəmə iclasına gəlməmiş və gəlməməsinin səbəbləri barədə məhkəməyə heç bir məlumat verməmişdir. Məhkəmə bu halda Azərbaycan Respublikası Mülki Prosessual Məcəlləsinin 185.6-cı maddəsinin tələbinə əsasən, işə cavabdehin nümayəndəsinin iştirakı olmadan baxılmasını mümkün hesab etdi. İş materiallarında olan «Azəriqaz» İB Tərtər RQİİ Ağcabədi XS-si tərəfindən tərtib edilmiş 07 noyabr 2017-ci il tarixli, AKT ******* saylı aktdan görünür ki, İddiaçı adına olan qaz sayğacın plastmas qapağın alt hissəsi deşici alətlə deşilməsi ilə bağlı dəymiş ziyan məbləği abunəçi tərəfindən ödənilməlidir. İş materiallarında olan «Azəriqaz» X1 X3 idarəsinin rəisi A.Musayev tərəfindən 22 noyabr 2017-ci il tarixdə təsdiq edimiş dəymiş ziyanın bərpasına dair tələbnamənin surətindən görünür ki, qaz sayğacının nominal qaz sərfi 1.2x5x180=1080 m3, 1.4x18x60=1512 m3 qəbul edilməklə itirilmiş qazın bərpası üçün hesabat aparılmalıdır. İş materiallarında olan «Azəriqaz» İB Tərtər RQİİ Ağcabədi XS-si tərəfindən tərtib edilmiş 31 may 2022-ci il tarixli, AKT ******* saylı aktdan görünür ki, İddiaçı adına olan qaz sayğacın hesablama mexanizminin qapağı yan tərəfdən əzilib və daxili qulaqcıqlarında əzik-cızıq izlərinin olması ilə bağlı dəymiş ziyan məbləği abunəçi tərəfindən ödənilməlidir. İş materiallarında olan «Azəriqaz» X1 X3 idarəsinin rəisi A.Muxtarov tərəfindən 31 may 2022-ci il tarixdə təsdiq edimiş dəymiş ziyanın bərpasına dair tələbnamənin surətindən görünür ki, qaz sayğacının nominal qaz sərfi 4 m3 orta günlük iş rejimi 12 saat və hesabat müddəti 90 gün qəbul edilməklə itirilmiş qazın bərpası üçün hesabat aparılmalı və 518 manat 40 qəpik məbləğində pul ödənilməlidir. İş materiallarına əlavə edilmiş şəxsiyyət vəsiqəsinin surətindən görünür ki, İddiaçı xx xxxxxx 1992-ci il tarixdə Ağcabədi rayonunun Avşar kəndində anadan olmuş və hazırda ünvan 1 ünvanda qeydiyyatda olmaqla yaşayır. Beləliklə, məhkəmə araşdırması zamanı müəyyən olundu ki, İddiaçı Ağcabədi şəhərində yaşayır. O, yaşadığı evdə olan qaz sayğacı onun adınadır. O, həmin evdə yaşayan zaman qaz pilətəsindən istifadə edir və vaxtlı-vaxtında da qaz pulunu ödəyib. Sayğaca baxış keçirilən zaman və akt tərtib edilib imzalanarkən cavabdehin nümayəndələri tərəfindən qanun pozuntusuna yol verilmişdir və həmin pozuntular aktın etibarsız hesab edilməsi üçün əsasdır. Belə ki, iş materiallarından, iddiaçının izahatından görünür ki, İddiaçı tərəfindən qaz sayğacına heç bir müdaxilə edilməmişdir. Lakin 07 noyabr 2017-ci il tarixli, AKT ******* saylı akt üzrə cərimə iddiaçı tərəfindən uzun müddət keçsədə iddia qaldırmadığı, həmçinin ödənişlər etdiyi üçün təmin edilməməlidir. 31 may 2022-ci il tarixli, AKT ******* saylı aktda isə göstərilən qaz sayğacının hesablama mexanizminin qapağı yan tərəfdən əzilib və daxili qulaqcıqlarında əzik-cızıq izlərinin aşkar olmasında İddiaçı heç bir təqsiri olmamış və onun tərəfindən mülki hüquq pozuntusu törədilməmişdir. Azərbaycan Respublikasının Nazirlər Kabinetinin 12 may 2011-ci il tarixli, 80 nömrəli Qərarı ilə təsdiq edilmiş «Qazdan istifadə Qaydaları»nın 3.4.3-cü bəndinə əsasən qaz qurğularının quruluşuna (konstruksiyasına) dəyişikliklər etmək istehlakçılara qadağandır. «Qazdan istifadə Qaydaları»nın 4.2-ci bəndinə əsasən məişət qaz qurğularının istifadəsi üçün qaz sayğacı qaz paylayıcısının vəsaiti hesabına, sənaye qaz qurğularının istifadəsi üçün isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir. Həmin Qaydaların 4.8-ci bəndinə əsasən fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı, hüquqi şəxslərin qaz sayğaclarının işlək vəziyyətdə saxlanılmasına görə cavabdehliyi isə özləri daşıyırlar. Qaydaların 4.9-cu bəndinə əsasən istehlakçının təqsiri olmadan zədələnmiş qaz sayğacının təmir olunması, texniki baxışdan keçirilməsi, dəyişdirilməsi (yenisi ilə əvəz edilməsi) və quraşdırılması bu Qaydaların 4.2-ci bəndinə uyğun olaraq zədələnmə istehlakçının təqsiri üzündən baş verdikdə isə istehlakçının vəsaiti hesabına qaz paylayıcısı tərəfindən həyata keçirilir. Məhkəmə hesab edir ki, İddiaçı cavabdeh tərəfindən iddia olunan mülki hüquq pozuntusunu törətməsi, yəni onun tərəfindən istifadəsi üçün quraşdırılmış qaz sayğacına müdaxilə edilməsi məhkəmə araşdırılması zamanı öz təsdiqini tapmadığından o, mülki məsuiyyət daşıya və mülki məsuliyyətə cəlb oluna bilməz. Azərbaycan Respublikası Mülki Məcəllənin 1096-cı maddəsində göstərilir ki, mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Məhkəmə iş üzrə toplanmış sübutlara hüquqi qiymət verərək belə nəticəyə gəlir ki, İddiaçı qaz sayğacının yararsız hala salınmasında təqsiri olmadığı üçün iddia tələbi qismən təmin edilərək, 07 noyabr 2017-ci il tarixli, AKT ******* saylı yazılmış akt üzrə cərimənin silinməsi barədə altı il ərzində iddiaçı tərəfindən iddia qaldırılmadığı və könüllü olaraq cərimədən ödənişlər etdiyi üçün rədd edilməlidir. Tərtər RQİİ-nin Ağcabədi XS-si tərəfindən aşkar olunmuş nöqsanlar barədə yazdıqları 31 may 2022-ci il tarixli, AKT ******* saylı aktı isə əsassız olduğu üçün ləğv edilməli və yazılmış cərimə silinməlidir. Azərbaycan Respublikası MPM-nin 14.2-ci maddəsində göstərilir ki, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsində göstərilir ki, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 78.1-ci maddəsinə əsasən sübutlar işdə iştirak edən şəxslər tərəfindən birinci instansiya məhkəməsinə təqdim edilir. Həmin Məcəllənin 88-ci maddəsində göstərilir ki, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4-cü maddəsində göstərilir ki, məhkəmə (hakim) öz qətnaməsini yalnız məhkəmə iclasında təsdiq olunmuş sübutlarla əsaslandırır. Həmin Məcəllənin 233.1-ci maddəsində göstərilir ki, məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Yuxarıda göstərilənlərə əsasən və Azərbaycan Respublikası MPM-nin 213-214, 216-220, 233-cü maddələrini rəhbər tutaraq, məhkəmə qətetdi: İddia qismən təmin edilsin. Cavabdeh Tərtər RQİİ-nin Ağcabədi XS-nin təbii qazdan istifadə qaydalarının pozulması haqqında İddiaçı barəsində yazılmış 31 may 2022-ci il tarixli, AKT ******* saylı akt ləğv edilsin və ona hesablanmış 518 manat 40 qəpik məbləğində cərimə silinsin. İddia tələbi qalan hissədə təmin edilməsin. Qətnamədən rəsmi qaydada verildiyi andan bir ay müddətində Ağcabədi rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Sədrlik edən : Sulduz Ləzimov