Ağcabədi Rayon Məhkəməsi Qətnamə — İş №2(017)-2372/2024

Azərbaycan Respublikası adından QƏTNAMƏ Ağcabədi rayonu İş № 2(017)-2372/2024 27.12.2024 AĞCABƏDİ RAYON MƏHKƏMƏSİ Hakim Nuriyev Rəşad Mövsüm oğlunun sədrliyi, Məhkəmə iclasının katibi X3, İddiaçı iştirakı ilə, İddiaçı cavabdeh Ağcabədi Regional “ASAN XİDMƏT” mərkəzində Notariat Ofisinə qarşı mirasın qəbulu üçün müddətin uzadılması tələbinə dair mülki işə açıq məhkəmə iclasında baxaraq, məhkəmə M ü ə y y ə n e t d i: İddiaçı cavabdeh Ağcabədi Regional “ASAN XİDMƏT” mərkəzində Notariat Ofisinə qarşı iddia ərizəsi ilə məhkəməyə müraciət edərək 20 may 2010-cu il tarixdə vəfat etmiş atası X4 və 14 mart 2014-cü il tarixdə vəfat etmiş anası X1 miras qalmış Ağcabədi şəhəri ərazisində yerləşən 0,0701 ha torpaq sahəsi və X4 miras qalmış xx.xx.2016-cı il tarixli 1427 nömrəli arxiv arayışında göstərilən 0,05 ha torpaq sahəsinə vərəsəlik hüququ haqqında şəhadətnamə alınması üçün qanunla müəyyənləşdirilmiş müddətin uzadılması barədə qətnamə çıxarılmasını məhkəmədən xahiş etmişdir. Məhkəmə baxışı zamanı İddiaçı iddianı müdafiə edərək izahatında göstərdi ki, 20 may 2010-cu il tarixdə vəfat etmiş atası X4 və 14 mart 2014-cü il tarixdə vəfat etmiş anası X1 Ağcabədi şəhəri ərazisində yerləşən 0,0701 ha torpaq sahəsi və xx.xx.2016-cı il tarixli 1427 nömrəli arxiv arayışında göstərilən 0,05 ha torpaq sahəsi miras qalmışdır. Hazırda həmin torpaq sahəsini öz adına rəsmiləşdirmək üçün Ağcabədi Regional “ASAN XİDMƏT” mərkəzində Notariat Ofisinə ərizə ilə müraciət etmişdir. Lakin, ona vərəsəlik hüququ haqqında şəhadətnamə alınması üçün müəyyən olunmuş müddətin buraxılması göstərilərək Ağcabədi regional “Asan Xidmət” Mərkəzində notariat ofisinin 19 sentyabr 2024-cü il tarixli, 1440 saylı və 19 sentyabr 2024-cü il tarixli, 1439 saylı məktubları ilə notariat hərəkətinin aparılmasından imtina edilmişdir. Ona görə də göstərdiklərini nəzərə alaraq iddiasının təmin olunması barədə qətnamə çıxarılmasını məhkəmədən xahiş etdi. Məhkəmə baxışı zamanı cavabdeh Ağcabədi Regional “ASAN XİDMƏT” mərkəzində Notariat Ofisinin nümayəndəsi məhkəməyə ərizə ilə müraciət edərək mülki işə onun iştirakı olmadan baxılmasını xahiş etmişdir. Məhkəmə mülki işə cavabdeh Ağcabədi Regional “ASAN XİDMƏT” mərkəzində Notariat Ofisinin nümayəndəsinin iştirakı olmadan baxılmasını mümkün hesab etmişdir. İşdə olan və məhkəmə iclasında elan edilmiş Daşınmaz Əmlakən Dövlət Kadastrı və Reyestri Publik Hüquqi Şəxsin 6 saylı Beyləqan ərazi idarəsi tərəfindən verilmiş “Hüququn ölmüş şəxsə məxsus olması haqqənda dövlət reyestrinin” arayışından görünür ki, X4 və X1 Ağcabədi şəhəri ərazisində yerləşən 0,0701 ha torpaq sahəsi miras qalmışdır. İşdə olan və məhkəmə iclasında elan edilmiş Ağcabədi Rayon Dövlət Arxivinin 23 noyabr 2016-cı il tarixli, 1427 saylı arxiv arayışından görünür ki, X5 adına 0,05 ha torpaq sahəsi qeydiyyatdır. İşdə olan və məhkəmə iclasında elan edilmiş ölüm haqqında şəhadətnamənin surətindən görünür ki, X8 20 may 2010-cu il tarixdə ölmüşdür. İşdə olan və məhkəmə iclasında elan edilmiş ölüm haqqında şəhadətnamənin surətindən görünür ki, X7 14 mart 2014-cü il tarixdə ölmüşdür. İşdə olan və məhkəmə iclasında elan edilmiş Ağcabədi Regional “ASAN XİDMƏT” mərkəzində Notariat Ofisinin 19 sentyabr 2024-cü il tarixli, 1440 saylı və Ağcabədi Regional “ASAN XİDMƏT” mərkəzində Notariat Ofisinin 19 sentyabr 2024-cü il tarixli, 1439 saylı məktubundan görünür ki, İddiaçı Ağcabədi Regional “ASAN XİDMƏT” mərkəzində Notariat Ofisinə ərizə ilə müraciət edərək atası X5 20 may 2010-cu il tarixdə, anası X2 14 mart 2014-cü tarixdə vəfat etdiyini, atası X4 və anası X1 miras qalmış Ağcabədi şəhəri ərazisində yerləşən 0,0701 ha torpaq sahəsinə və xx.xx.2016-cı il tarixli 1427 nömrəli arxiv arayışında göstərilən 0,05 ha torpaq sahəsinə qanun üzrə vərəsəlik hüququ haqqında şəhadətnamə verilməsini xahiş etmiş və qanun üzrə vərəsəlik hüququ haqqında şəhadətnamə alınması üçün müəyyən olunmuş müddət buraxıldığı üçün notariat hərəkətlərinin aparılmasından imtina olunmuşdur. Məhkəmə iddiaçıının izahatını dinləyib, işə əlavə edilmiş sənədləri tədqiq edib belə hesab edir ki, iddia əsaslı olduğundan təmin edilməlidir. Belə ki, Azərbaycan Respublikası Mülki Məcəlləsinin 1246-cı maddəsinə əsasən vərəsə vərəsəliyə çağırıldığını bildiyi və ya bilməli olduğu gündən üç ay ərzində mirası qəbul edə bilər. Miras açıldığı gündən altı ay keçdikdən sonra mirasın qəbuluna yol verilmir. Həmin Məcəllənin 1248.1-ci maddəsinə əsasən mirasın qəbul edilməsi üçün müəyyənləşdirilmiş müddəti məhkəmə, gecikdirmənin səbəbini üzrlü sayarsa, uzada bilər. İş materialları ilə müəyyən edilmişdir ki, X8 20 may 2010-cu il tarixdə, X7 14 mart 2014-cü il tarixdə ölmüşlər və X4 və X1 Ağcabədi şəhəri ərazisində yerləşən 0,0701 ha torpaq sahəsi və X4 0,05 ha torpaq sahəsi miras qalmışdır. İddiaçı həmin mirasa vərəsəlik hüququ haqqında şəhadətnamə alınması üçün Ağcabədi Regional “ASAN XİDMƏT” mərkəzində Notariat Ofisinə müraciət etsə də, vərəsəlik hüququ haqqında şəhadətnamə alınması üçün müəyyənləşdirilmiş müddəti keçirdiyindən notariat hərəkətlərinin aparılmasından imtina olunmuşdur. Azərbaycan Respublikası Mülki Prosessual Məcəlləsinin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə, məhkəmə işə əlavə edilmiş sənədləri yuxarıda göstərilən qaydada tədqiq edərək belə nəticəyə gəlir ki, iddia təmin edilərək 20 may 2010-cu il tarixdə vəfat etmiş X4 və 14 mart 2014-cü il tarixdə vəfat etmiş X1 miras qalmış Ağcabədi şəhəri ərazisində yerləşən 0,0701 ha torpaq sahəsi və X4 miras qalmış xx.xx.2016-cı il tarixli 1427 nömrəli arxiv arayışında göstərilən 0,05 ha torpaq sahəsinə vərəsəlik hüququ haqqında şəhadətnamə alınması üçün qanunla müəyyənləşdirilmiş müddətin buraxılma səbəbi üzürlü sayılaraq uzadılmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq məhkəmə, Qətetdi: İddia təmin edilsin. 20 may 2010-cu il tarixdə vəfat etmiş X4 və 14 mart 2014-cü il tarixdə vəfat etmiş X1 miras qalmış Ağcabədi şəhəri ərazisində yerləşən 0,0701 ha torpaq sahəsi və X4 miras qalmış xx.xx.2016-cı il tarixli 1427 nömrəli arxiv arayışında göstərilən 0,05 ha torpaq sahəsinə vərəsəlik hüququ haqqında şəhadətnamə alınması üçün qanunla müəyyənləşdirilmiş müddətin buraxılma səbəbi üzürlü sayılaraq uzadılsın. Qətnamədən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti vermək olar. Hakim: Rəşad Nuriyev