Ağcabədi Rayon Məhkəməsi Qətnamə — İş №2(017)-457/2023

Azərbaycan Respublikası adından QƏTNAMƏ Ağcabədi rayonu İş № 2(017)-457/2023 15.03.2023 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclasının katibi X10, Ərizəçi1 iştirakı ilə Ərizəçilər Ərizəçi1 və Ərizəçi2 “hüquqi əhəmiyyətli faktın müəyyən edilməsinə” dair ərizəsi üzrə mülki işə məhkəmənin binasında, açıq məhkəmə iclasında baxaraq, müəyyən etdi: Ərizəçilər Ərizəçi1 və Ərizəçi2 “hüquqi əhəmiyyətli faktın müəyyən edilməsinə” dair ərizə ilə məhkəməyə müraciət edərək JN 0067 kod 60811038 nömrəli dövlət aktının və JN 157A kod 60811038 nömrəli torpağın mülkiyyətə verilməsinə dair şəhadətnamənin onlara məxsus olması faktının müəyyən olunmasına dair qətnamə çıxarılmasını xahiş etmişlər. Məhkəmə iclasında Ərizəçi1 ərizəni müdafiə edərək bildirdi ki, torpağa mülkiyyət hüququna dair JN 0067 kod 60811038 nömrəli dövlət aktı və torpağın mülkiyyətə verilməsinə dair JN 157A kod 60811038 nömrəli şəhadətnamə ilə ona və ailə üzvlərinə müvafiq olaraq 10,48 ha kənd təsərrüfatı təyinatlı və 0,64 ha həyətyanı torpaq sahəsi verilmişdir. Həmin sənədlərdə onların adları: torpağa mülkiyyət hüququna dair JN 0067 kod 60811038 nömrəli dövlət aktında Ərizəçi1 əvəzinə X5 və X8 əvəzinə X9; torpağın mülkiyyətə verilməsinə dair JN 157A kod 60811038 nömrəli şəhadətnamədə Ərizəçi1 əvəzinə X5 və Ərizəçi2 əvəzinə X1 yazılaraq yanlışlığa yol verilmişdir. Bu da onlara verilmiş torpağa dair müəyyən sənədləşmə işlərinin aparılmasında çətinliklər yaradır. Odur ki, məhkəmədən ərizənin təmin edilməsini xahiş etdi. Digər Ərizəçi2 məhkəməyə ərizə göndərərək işə onun iştirakı olmadan baxılmasını xahiş etmişdir. Məhkəmə onun iştirakı olmadan işə baxılmasını mümkün hesab etmişdir. Məhkəmə iclasının vaxtı və yeri barədə xəbərdar olunmuş maraqlı şəxs Azərbaycan Respublikasının İqtisadiyyat Nazirliyi Yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsi 6 saylı Beyləqan Ərazi İdarəsinin nümayəndəsi məhkəmə iclasına gəlməmiş və gəlməməsinin səbəbləri barədə məlumat verməmişdir. Məhkəmə işə maraqlı şəxsin nümayəndəsinin iştirakı olmadan baxılmasını mümkün hesab edir. Məhkəmə ərizəçinin izahatını dinləyib, iş materiallarını araşdırıb hesab edir ki, ərizə əsaslı olduğundan təmin edilməlidir. Belə ki, iş materiallarında olan torpağa mülkiyyət hüququna dair JN 0067 kod 60811038 nömrəli dövlət aktının surətindən görünür ki, həmin dövlət aktında mülkiyyətçi kimi 10 nəfərin adı, o cümlədən X5 və X4 adları yazılmışdır. İş materiallarında olan torpağın mülkiyyətə verilməsinə dair JN 157A kod 60811038 nömrəli şəhadətnamənin surətindən görünür ki, həmin şəhadətnamədə mülkiyyətçi kimi 8 nəfərin adı, o cümlədən X5 və X2 adları yazılmışdır. İş materiallarında olan xx.xx.2023-cü il tarixli 22 nömrəli arayışdan görünür ki, torpağa mülkiyyət hüququna dair JN 0067 kod 60811038 nömrəli dövlət aktında göstərilən Ərizəçi1 ilə X5, Ərizəçi2 ilə X9 eyni şəxslərdir. İş materiallarında olan AZE 0******* nömrəli şəxsiyyət vəsiqəsinin və İ-jq 272611 nömrəli nikahın bağlanması haqqında şəhadətnamənin surətindən görünür ki, X7 xx.xx.1950-ci il tarixdə anadan olmuşdur və hazırda Ağcabədi rayonunun Köyük kəndində qeydiyyatdadır. Nikah bağlandıqdan sonra ona “Qəhrəmanova” soyadı verilmişdir. İş materiallarında olan AZE ******** nömrəli şəxsiyyət vəsiqəsinin və AZ-İ 240307 nömrəli nikah haqqında şəhadətnamənin surətindən görünür ki, X8 xx.xx.1987-ci il tarixdə anadan olmuşdur və hazırda Ağdam rayonunun Qasımlı kəndində qeydiyyatdadır. Nikah bağlandıqdan sonra ona “Abbasova” soyadı verilmişdir. Beləliklə, torpağa mülkiyyət hüququna dair JN 0067 kod 60811038 nömrəli dövlət aktında Ərizəçi1 ilə X3 və X8 ilə X4; torpağın mülkiyyətə verilməsinə dair JN 157A kod 60811038 nömrəli şəhadətnamədə Ərizəçi1 ilə X3, X8 ilə X2 eyni şəxs olduğu ərizəçinin izahatı, toplanmış və tədqiq edilmiş sübutların məcmusu, digər iş materialları ilə tamamilə təsdiq edilmişdir. Azərbaycan Respublikası MPM-in 307-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Azərbaycan Respublikası MPM-in 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Azərbaycan Respublikası MPM-nin 307.2.5-ci maddəsinə görə məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Azərbaycan Respublikası MPM-in 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Sadalanan qanunvericilik aktı normalarını hazırkı mülki işə tətbiq edən məhkəmə hesab edir ki, ərizə təmin edilməli, torpağa mülkiyyət hüququna dair JN 0067 kod 60811038 nömrəli dövlət aktının 10 nəfərə, torpağın mülkiyyətə verilməsinə dair JN 157A kod 60811038 nömrəli şəhadətnamənin 8 nəfərə, o cümlədən Ərizəçi1 və Ərizəçi2 məxsus olması barədə hüquqi əhəmiyyəti olan fakt müəyyən edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci və 360-cı maddələrini rəhbər tutaraq, məhkəmə qət etdi: Ərizə təmin edilsin. Torpağa mülkiyyət hüququna dair JN 0067 kod 60811038 nömrəli dövlət aktının 10 nəfərə, torpağın mülkiyyətə verilməsinə dair JN 157A kod 60811038 nömrəli şəhadətnamənin 8 nəfərə, o cümlədən Ərizəçi1 və Ərizəçi2 məxsus olması barədə hüquqi əhəmiyyəti olan fakt müəyyən edilsin. Qətnamədən rəsmi qaydada verildiyi gündən bir ay müddətinə Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim Etibar Quliyev