Ağcabədi Rayon Məhkəməsi Qətnamə — İş №2(017)-68/2025

Azərbaycan Respublikası adından QƏTNAMƏ Ağcabədi rayonu İş № 2(017)-68/2025 13.02.2025 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclasının katibi X5, İddiaçı nümayəndəsi X3 iştirakı ilə İddiaçı Cavabdehnə qarşı aktın ləğv edilməsi və cərimənin silinməsi tələbinə dair iddia ərizəsi üzrə mülki işə məhkəmənin binasında açıq məhkəmə iclasında baxaraq m ü ə y y ə n e t d i: İddiaçı Cavabdehnə qarşı aktın ləğv edilməsi və cərimənin silinməsi tələbinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı nümayəndəsi X4 iddianı müdafiə etdi və izahatında göstərdi ki, ailəsi ilə birlikdə Ağcabədi rayonunun Qaravəlli kəndində yaşayırlar. Qaz sayğacı atası İddiaçı adınadır. Həmişə istifadə etdikləri təbii qazın pulu vaxtında ödənmiş və bununla bağlı borc olmamışdır. Hər ayın sonunda nəzarətçi gəlib sayğaca baxış keçirərək bildiriş vermiş, həmin bildiriş əsasında işlənmiş təbii qazın pulu ödənmişdir. Cavabdeh təşkilat xx.xx.2023-cü il tarixli akt əsasında onları qaz sayğacı ilə bağlı 777,60 manat məbləğində cərimə etmiş, əsas kimi qaz sayğacına kənar müdaxilə olunduğu göstərilmişdir. Halbuki, onlar tərəfindən sayğaca heç bir müdaxilə olunmamışdır. Qaz sayğacı onların həyətindən kənarda, küçədə qurlaşdırılmışdır. xx.xx.2023-cü il tarixdə kənar şəxslər tərəfindən sayğacın şüşəsinin sındığını bilib, aidiyyəti qrumlara məlumat verilmişdir. Sayğacın kənar şəxslər tərəfindən süşəsinin sındırıldığı müəyyən olunmuşdur. Buna baxmayaraq atasının barəsində akt tərtib olunmuşdur. Onların sayğaca müdaxiləsi ilə əlaqədar qarşı tərəf məhkəməyə heç bir sübut təqdim edə bilməmişdir. Ona görə də iddianın təmin edilərək xx.xx.2023-cü il tarixli, ******* nömrəli aktın ləğv edilməsi, akt əsasında hesablanmış 777,60 manat pulun silinməsi barədə qətnamə çıxarılmasını xahiş etdi. Cavabdeh Azəriqaz” İstehsalat Birliyi məhkəmə iclasının yeri və vaxtı barədə lazımı qaydada xəbərdarlıq edilməsinə baxmayaraq nümayəndəsi məhkəmə iclasına gəlməmiş və gəlməmələrinin səbəbi barədə məhkəməyə məlumat verməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən işə cavabdehin nümayəndəsinin iştirakı olmadan baxılmasını mümkün hesab edir. Məhkəmə iddiaçının nümayəndəsinin izahatını dinləyib, iş materiallarındakı sənədləri tədqiq edərək və sübutlara Azərbaycan Respublikası MPM-nin 88-ci maddəsinə əsasən qiymət verərək hesab edir ki, iddia təmin edilməlidir. Belə ki, iş materiallarında olan Cavabdeh İB-nin nümayəndələri tərəfindən tərtib edilən Qaz sayğacının çıxarılması, quraşdırılması və istismara qəbulu haqqında xx.xx.2023-cü il tarixli aktdan görünür ki, istehlakçının evində quraşdırılmış 10355953 nömrəli sayğacın növbədənkənar dövlət yoxlaması üçün çıxarılmış və yerinə ******* nömrəli yeni sayğac quraşdırılmışdır. Sayğacın çıxarılma səbəbi - əvəzetmə kimi qeyd olunmuşdur. İş materiallarında olan təbii qazdan istifadə qaydalarının pozulması haqqında xx.xx.2023-cü il tarixli ******* nömrəli aktdan görünür ki, Cavabdeh İB-nin Ağcabədi Xidmət sahəsinin nümayəndələri tərəfindən istehlakçının evinə quraşdırılmış sayğacın hesablama mexanizminin qoruyucu şüşəsinin sındığı müəyyən edilmişdir. İstehlakçı akta imza etməkdən imtina etmişdir. İş materiallarına əlavə edilmiş X7 İstismar İdarəsinin rəisi A.Muxtarov tərəfindən xx.xx.2023-cü il tarixdə təsdiq edilmiş dəymiş ziyanın bərpasına dair tələbnamənin surətindən görünür ki, sənaye və məişət qaz sayğaclarını kalibrləmə laboratoriyasının Qaz sayğacının yoxlanılması barədə xx.xx.2023-cü il tarixli 14-2-2/3-5-12807/Q002 nömrəli aktına əsasən G-4 markalı 10355953 nömrəli sayğacın hesablama mexanizminin qoruyucu şüşəsinin sındığı müəyyən edilmişdir. İstehlakçının evində istifadə edilən itirilmiş qazın bərpası üçün aparılmış hesabata əsasən itirilmiş qazın cəmi 6480 kub metr həcmində müəyyən edilmiş və hesablanmış məbləğin, sayğaca görə dəymiş ziyanın ödənilməsinin təmin edilməli olduğu göstərilir. İş materiallarına əlavə edilmiş abonentin saldosundan görünür ki, 2023-cü il üzrə İddiaçı qazdan istifadə borcu, 2023-cü ilin dekabr ayında akt üzrə 777,60 manat məbləğində borcu vardır. İş materiallarında olan cinayət işinin başlanmasının rədd edilməsi barədə xx.xx.2023cü il tarixli qərarın surətindən görünür ki, xx.xx.2023-cü il tarixdə Ağcabədi rayon kənd sakini X4 DİN-nin 102 xidmətinə zəng edib, naməlum şəxs tərəfindən qaz sayğacının qəsdən sındırılması barədə məlumat verilmişdir. Aparılmış araşdırma zamanı müəyyən edilmişdir ki, naməlum şəxs və ya şəxslər xx.xx.2023-cü il tarixdə xx.xx.2023-cü il tarixə keçən gecə saatlarında Ağcabədi rayon Qaravəlli kənd sakini X3 yaşadığı fərdi yaşayış evinin çöl tərəfində daş hasara bərkidilmiş qaz sayğacının şüşəsini sındırılaraq sonuncuya 87,08 manat maddi ziyan vurulmuşdur. Ona görə də toplanmış materialda cinayət tərkibi olmaması əsası ilə cinayət işinin başlanılmasının rədd edilmiş, qaz sayğacının şüşəsini sındıran şəxs və ya şəxslərin tapılıb barəlrində İXM-nin 232-1-ci maddəsi ilə tədbir görülməsi üçün qərarın surəti aidiyyəti üzrə Ağcabədi RPŞ-nə İTB-nə göndərilmişdir. İnsan Hüquqlarının və X2 X1 6-cı maddəsinə görə hər kəs onun mülki hüququ və vəzifələri müəyyən edilərkən məhkəmə vasitəsi ilə ağlabatan müddətdə işinin ədalətli və açıq araşdırılması hüququna malikdir. Azərbaycan Respublikası MPM-nin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin məcəllənin 77.1-ci maddəsinə görə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 78.1-ci maddəsinə əsasən sübutlar işdə iştirak edən şəxslər tərəfindən birinci instansiya məhkəməsinə işin məhkəmədə baxılmağa hazırlanması yekunlaşana qədər təqdim edilir. Məhkəmə baxışı zamanı sübutların təqdim edilməsinə o halda yol verilir ki, bunun üçün əsaslar məhkəmə baxışı gedişində əmələ gəlmiş olsun və ya işdə iştirak edən şəxslər işin məhkəmədə baxılmağa hazırlanması yekunlaşana qədər sübutların təqdim edilməsinin onlardan asılı olmayan səbəblərə görə mümkün olmadığını əsaslandırsın. Məhkəmə iş üzrə araşdırılmış sübutlara hüquqi qiymət verərək hesab edir ki, İddiaçı təbii qazdan istifadə edir və vaxtlı-vaxtında da qazdan istifadəyə görə pulunu ödəyir. Sayğaca baxış keçirilən zaman və akt tərtib edilib imzalanarkən cavabdehin nümayəndələri tərəfindən qanun pozuntusuna yol verilmişdir və həmin pozuntular aktın etibarsız hesab edilməsi üçün əsasdır. Belə ki, iş materiallarına əlavə edilmiş və iddiaçı tərəfindən mübahisələndirilən ******* nömrəli aktda xx.xx.2023-cü il tarixdə abonentin, yəni hazırkı iş üzrə İddiaçı iştirakı ilə onun evinə quraşdırılmış qaz sayğacına baxış keçirildiyi, baxış nəticəsində sayğacın hesablama mexanizminin qoruyucu şüşəsinin sındığı müəyyən edildiyi, abonentin tərtib edilmiş aktı imzalamaqdan imtina etdiyi göstərilir. Lakin həmin halları təsdiq edən əsaslı dəlillər, mötəbər sübutlar məhkəməyə təqdim edilməmişdir. Eyni zamanda məhkəmə araşdırması zamanı müəyyən olundu ki, xx.xx.2023-cü il tarixdə Ağcabədi rayon kənd sakini X4 (İddiaçı oğlu) DİN-nin 102 xidmətinə zəng edib, naməlum şəxs tərəfindən qaz sayğacının qəsdən sındırılması barədə məlumat vermişdir. Ağcabədi rayon polis şöbəsində aparılmış araşdırma zamanı müəyyən edilmişdir ki, naməlum şəxs və ya şəxslər xx.xx.2023-cü il tarixdə xx.xx.2023-cü il tarixə keçən gecə saatlarında Ağcabədi rayon Qaravəlli kənd sakini X3 yaşadığı fərdi yaşayış evinin çöl tərəfində daş hasara bərkidilmiş qaz sayğacının şüşəsini sındırılaraq sonuncuya 87,08 manat maddi ziyan vurulmuşdur. Ona görə də toplanmış materialda cinayət tərkibi olmaması əsası ilə cinayət işinin başlanılmasının rədd edilmiş, qaz sayğacının şüşəsini sındıran şəxs və ya şəxslərin tapılıb barələrində İXM-nin 232-1-ci maddəsi ilə tədbir görülməsi üçün qərarın surəti aidiyyəti üzrə Ağcabədi RPŞ-nə İTB-nə göndərilmişdir. Bu da onu göstərir ki, sayğacın yararsız hala salınmasında abonent İddiaçı heç bir təqsiri olmamışdır. Azərbaycan Respublikası Nazirlər kabinetinin 2011-ci il 12 may tarixli 80 nömrəli qərarı ilə təsdiq edilmiş “Qazdan istifadə qaydaları”nın tələblərinə görə: 4.1. Qaz paylayıcısı və istehlakçı arasında balans mənsubiyyəti sərhədində qazın sərfinə görə hesablaşma aparılması üçün layihəyə uyğun olaraq, AİBNDA tərəfindən tipi təsdiq edilərək dövlət reyestrinə daxil edilmiş və sertifikatlaşdırılmış müvafiq qaz sayğacları quraşdırılmalıdır. 4.2. Məişət qaz qurğularının istifadəsi üçün qaz sayğacı qaz paylayıcısının vəsaiti hesabına, sənaye qaz qurğularının istifadəsi üçün isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir. 4.6. Qaz sayğaclarının üzərində AİBNDA-nın və qaz paylayıcısının sayğacın işlək vəziyyətdə olduğunu təsdiq edən plombu olmalıdır. 4.7. Sayğacların üzərində olan plomblar kənar müdaxilələrdən qorunmaq üçün müvafiq örtüklə örtülməli (fiziki şəxs olan istehlakçıların sayğacları qaz paylayıcısı tərəfindən) və sayğac göstəricisinə sərbəst şəkildə baxılmasına imkan olmalıdır. 4.8. Fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı, hüquqi şəxslərin qaz sayğaclarının işlək vəziyyətdə saxlanılmasına görə cavabdehliyi isə özləri daşıyırlar. 4.9. İstehlakçının təqsiri olmadan zədələnmiş qaz sayğacının təmir olunması, texniki baxışdan keçirilməsi, dəyişdirilməsi (yenisi ilə əvəz edilməsi) və quraşdırılması bu Qaydaların 4.2-ci bəndinə uyğun olaraq, zədələnmə istehlakçının təqsiri üzündən baş verdikdə isə istehlakçının vəsaiti hesabına qaz paylayıcısı tərəfindən həyata keçirilir. Qaz paylayıcısı tərəfindən qaz sayğacının dəyişdirilməsi, təmir olunması və ya texniki baxışdan keçirilməsi istehlakçıdan tələb edildikdə, bu halda qaz paylayıcısı tərəfindən həmin tələbin hüquqi əsası göstərilməlidir. Qaz sayğaclarının növbəti texniki baxışının keçirilməsi onların texniki pasportlarında göstərilmiş müddətdə həyata keçirilir. Qaz sayğaclarının növbəti texniki baxışdan keçirilməsinə görə istehlakçılardan vəsait tələb etmək qadağandır. İstehlakçının arzusu ilə qaz sayğacının texniki baxışdan keçirilməsinə görə istehlakçı vəsait ödəməlidir. Məhkəmə hesab edir ki, iddia təmin edilərək İddiaçı barəsində tərtib edilmiş xx.xx.2023-cü il tarixli, ******* nömrəli akt ləğv edilməli, akt əsasında hesablanmış 777,60 manat borc silinməlidir. Azərbaycan Respublikası MPM-nin 217.4-cü maddəsinə görə Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Qeyd olunanlara əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə qət etdi: İddia təmin edilsin. Cavabdeh İB X7 İstismar İdarəsinin Ağcabədi Xidmət sahəsinin tərtib etdiyi xx.xx.2023-cü il tarixli, ******* nömrəli akt ləğv edilsin. Həmin akt əsasında **********06400 nömrəli abonentə (İddiaçı) hesablanmış 777,60 manat borc silinsin. Qətnamədən rəsmi qaydada verildiyi gündən bir ay müddətinə Ağcabədi rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim Etibar Quliyev