Astara Rayon Məhkəməsi Qətnamə — İş №2(018)-351/2024

Azərbaycan Respublikası adından QƏTNAMƏ Astara rayonu İş № 2(018)-351/2024 12.06.2024 ASTARA RAYON MƏHKƏMƏSİ X15 Aslan oğlunun sədrliyi, Həbibov Elnar Elman oğlunun katibliyi, Ərizəçi iştirakı ilə, Ərizəçi maraqlı tərəf Astara rayon İcra Hakimiyyəti başçısı yanında Qəyyumluq və Himayə Komissiyasına qarşı şəxsin fəaliyyət qabliyyəti olmayan hesab edilməsinə dair ərizəsi üzrə mülki işə Astara Rayon Məhkəməsi binasında açıq məhkəmə iclasında baxaraq, məhkəmə müəyyən etdi: Ərizəçi ərizə ilə məhkəməyə müraciət edərək, Astara rayonu, Pensər kəndində yaşayan xx.xx.1980-ci il təvəllüdlü X3 şəxsin fəaliyyət qabiliyyəti olmayan hesab edilməsi barədə qətnamə çıxarılmasını xahiş etmişdir. Məhkəmədə Ərizəçi ərizəni müdafiə edərək, ərizənin təmin olunmasını məhkəmədən xahiş etdi. Ərizəçi ərizədə göstərmişdi ki, xx.xx.1980-ci il tarixdə Astara rayonu, Pensər kəndində anadan olmuş X4 onun doğma övladıdır. O, anadan gəlmə psixi qüsurlarına görə xəstədir. Qızım himayəmdə yaşayır. Ona bütün xidmətləri o, göstərir. O, Astara rayon X10 hüququ Şəxsin Poliknika şöbəsinin ruhi-əsəb-kabinetində “Ağır ifadə olunan anadangəlmə əqli gerilik, daim nəzarət və qulluq tələb edən ciddi davranış pozuntusu" xəstəliyindən dispanser qeydiyyatında durur. X14 qeyd edilən xəstəliyə görə fəaliyyət qabiliyyəti yoxdur. O, anadan olan gündən qeyd edilən xəstəliydən əziyyət çəkir. Psixi qüsurlarına görə özünü idarə edə bilmir, hərəkətlərinin mənasını anlaya bilmir. Odur ki, qeyd edilən tələb ilə məhkəməyə müraciət etməli olmuşdur. Astara rayonun, Pensər kəndində anadan olmuş xx.xx.1980-ci il təvəllüdlü X2 psixi qüsurlarına görə fəaliyyət qabiliyyəti olmayan hesab edilməsi barədə qətnamə çıxarılmasını xahiş etmişdir. Məhkəmə iclasının yeri və vaxtı barədə lazımi qaydada xəbərdar edilməsinə baxmayaraq, maraqlı şəxs Astara rayon İcra Hakimiyyəti başçısı yanında Qəyyumluq və Himayə Komissiyasının nümayəndəsi məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə işə onun iştirakı olmadan baxılmasını mümkün hesab etdi. Məhkəmə Ərizəçi dinləyib, ekspert rəyini, iş üzrə materialları hərtərəfli, tam və obyektiv tədqiq edərək sübutlara məcmu halda qiymət verərək hesab edir ki, ərizə əsaslı olduğuna görə təmin edilməlidir. Belə ki, iş materiallarında olan şəxsiyyət vəsiqəsinin surətindən görünür ki, X7 xx.xx.1980-ci il tarixdə anadan olmuşdur. İş materiallarında olan Astara RİHB Kijəbə qəsəbə İƏD üzrə nümayəndəliyinin 2665 № xx.xx.2023-cü il tarixli arayışından görünür ki, X1 rayonu, Kijəbə qəsəbəsində yaşayır. İş materiallarında olan Azərbaycan Respublikası TİBBİ Ərazi Bölmələrinin İdarəetmə Birliyi Astara rayon X9 Hüquqi Şəxsi xx.xx.2023-cü il tarixli №9159 nömrəli arayışından görünür ki, xx.xx.1980-ci il təvəllüdlü Astara rayon Kijəbə qəsəbə sakini X1 RMX PHŞ-Poliklinika şöbəsinin nevroloji kabinetində aşağıdakı diaqnozla dispanser qeydiyyatda durur. İş materiallarında olan Azərbaycan Respublikası Səhiyyə Nazirliyi Məhkəmə Psixiatrik X6 Məhkəmə Psixiatrik Ekspertizasının xx.xx.2024-cü il tarixli 1013 saylı rəyin nəticə hissəsindən aydın olur ki, X4 öz psixi vəziyyətinə görə hərəkətlərinin mənasını dərk etmək və onları şüurlu idarə etmək iqtidarında deyildir. Buna görədə X4 tam fəaliyyət qabiliyyəti olmayan şəxs kimi hesab edilməlidir. X4 onda müəyyən edilən ağır dərəcəli əqli gerilik ilə əlaqədar səhhəti mülki işə məhkəmə baxışında iştirakına yol vermir. Buna görə də X4 tam fəaliyyət qabiliyyəti olmayan şəxs kimi hesab edilməlidir Azərbaycan Respublikası MPM-nin 317.2-ci maddəsinə görə, məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaş-bacıların), müvafiq icra hakimiyyəti orqanının, psixiatriya (psixonevroloji) müəssisənin ərizəsi üzrə qaldırıla bilər. Azərbaycan Respublikası MPM-nin 321.2-ci maddəsinə görə, şəxsin fəaliyyət qabiliyyəti olmayan hesab edilməsinə dair məhkəmə qətnaməsi fəaliyyət qabiliyyəti olmayan hesab edilən şəxs üzərində qəyyum təyin etmək üçün əsasdır. Şərh edilənləri və Azərbaycan Respublikası Səhiyyə Nazirliyi Məhkəmə Psixiatrik X6 Məhkəmə Psixiatrik Ekspertizasının 16 aprel 2024-cü il tarixli 1013 rəyini nəzərə alaraq, məhkəmə 02 oktyabr 1980-ci il təvəllüdlü X5 fəaliyyət qabiliyyəti olmayan şəxs hesab edilməsini məqbul hesab edir. Azərbaycan Respublikası MPM-nin 77.1-ci maddəsinə əsasən, məhkəmədə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası MPM-nin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Şərh edilənlərə əsasən və Azərbaycan Respublikası MPM-nin 216-220, 305, 317-321 və 360-cı maddələrini rəhbər tutaraq, məhkəmə qət etdi: Ərizə təmin edilsin. 02 oktyabr 1980-ci il təvəllüdlü X4 fəaliyyət qabiliyyəti olmayan şəxs hesab olunsun. Qətnamədən, qətnamə rəsmi qaydada verildiyi gündən 1 (bir) ay müddətində Astara Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən: İlqar Məmmədov