Astara Rayon Məhkəməsi Qətnamə — İş №2(018)-899/2023

Azərbaycan Respublikası adından QƏTNAMƏ Astara rayonu İş № 2(018)-899/2023 27.07.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, hakim köməkçisi Mirzəzadə Ofeliya Cavad qızının katibliyi ilə, iddiaçı "xxxx" MMC-nin Cavabdeh qarşı «borc tələbinə dair» kiçik iddiası üzrə mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı "xxxx" MMC-nin Problemli Kreditlər Departmeninin rəhbəri X1 iddia verərək, 18 noyabr 2021-ci il tarixli müqaviləsinə əsasən, İMEİ kodu **********45239 Xiaomi Mİ 11Lite markalı telefon üçün 560 (beş yüz altmış) manat, 64 (altmış dörd) qəpik ödənilməmiş hissə, 56 (əlli altı) manat, 36 (otuz altı) qəpik cərimə, ümumilikdə 617 (altı yüz on yeddi) manat borc və 30 (otuz) manat ödənilmiş dövlət rüsumu Cavabdeh alınaraq "xxxx" MMC-yə ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, Cavabdeh iddiaçı "xxxx" MMC ilə 18 noyabr 2021-ci il tarixli müqaviləsinə əsasən İMEİ kodu **********45239 Xiaomi Mİ 11Lite markalı telefon almış və nəticədə 617 (altı yüz on yeddi) manat borcu yaranmışdır. Cavabdeh müqavilənin şərtlərini pozmuş və nəticədə 18 noyabr 2021-ci il tarixli müqaviləsinə əsasən, alqı-satqı qiyməti 1207 (bir min iki yüz yeddi) manat, 94 (doxsan dörd) qəpik olan İMEİ kodu **********45239 Xiaomi Mİ 11Lite markalı telefon telefon üçün ümumilikdə 617 (altı yüz on yeddi) manat olmaqla, ondan 560 (beş yüz altmış) manat, 64 (altmış dörd) qəpik ödənilməmiş hissə, cavabdehə güzəşt olunaraq 56 (əlli altı) manat, 36 (otuz altı) qəpik cərimə borcu yaranmışdır. Cavabdehin cəmi ödədiyi məbləğ 647 (altı yüz qırx yeddi) manat təşkil edir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işin materiallarına əlavə edilmiş ödəniş tapşırığından görünür ki, iddiaçı "xxxx" MMC-nin adından məhkəməyə müraciət edilməsi üçün dövlət büdcəsinə 30 (otuz) manat dövlət rüsumu ödənilmişdir. İş materiallarına əlavə olunmuş 18 noyabr 2021-ci il tarixli, ******* nömrəli müqavilədən görünür ki, Cavabdeh "xxxx" MMC-dən İMEİ kodu **********45239 Xiaomi Mİ 11Lite markalı telefon almışdır. İş materiallarına əlavə olunmuş ödəniş və maliyyə cədvəlindən görünür ki, Cavabdeh 18 noyabr 2021-ci il tarixli müqaviləsinə əsasən "xxxx" MMC-yə İMEİ kodu **********45239 Xiaomi Mİ 11 Lite markalı telefon üçün 560 (beş yüz altmış) manat, 64 (altmış dörd) qəpik ödənilməmiş hissə, 56 (əlli altı) manat, 36 (otuz altı) qəpik cərimə, ümumilikdə 617 (altı yüz on yeddi) manat borcu yaranmışdır. İş materiallarına əlavə olunmuş əlavə ödəniş cədvəlindən görünür ki, 18 noyabr 2021-ci il tarixli, ******* nömrəli kredit müqaviləsi üzrə aylıq ödəniş 77 (yetmiş yeddi) manat, 72 (yetmiş iki) qəpik təşkil etmişdir. İş materiallarına əlavə olunmuş xəbərdarlıq məktubundan görünür ki, Cavabdeh 18 noyabr 2021-ci il tarixli müqaviləsi üzrə borcu olduğu barədə bildirilmişdir. Azərbaycan Respublikası Mülki Məcəlləsinin (MM-in) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İddia tələbini qismən təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, 18 noyabr 2021--ci il tarixli müqaviləsi üzrə iddiaçının iddia etdiyi 56 (əlli altı) manat, 36 (otuz altı) qəpik olan cərimə azaldılaraq 10 (on) manat həddində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 30 (otuz) manat məbləğindəki dövlət rüsumu da iddiaçının xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia qismən təmin edilsin. Cavabdeh 18 noyabr 2021-ci il tarixli müqaviləsi üzrə 560 (beş yüz altmış) manat, 64 (altmış dörd) qəpik ödənilməmiş hissə, 10 (on) manat cərimə, ümumilikdə 570 (beş yüz yetmiş) manat, 64 (altmış dörd) qəpik borc və ödənilmiş 30 (otuz) manat məbləğindəki dövlət rüsumu tutulub iddiaçı "xxxx" MMC-yə ödənilsin. İddia cərimə ilə bağlı 46 (qırx altı) manat, 36 (otuz altı) qəpik hissəsində təmin edilməsin. Qətnamədən 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinin Mülki Kollegiyasına apelyasiya şikayəti verilə bilər. Məhkəmə qətnaməsindən apelyasiya şikayəti verilməmişdirsə, qəbul edildiyi gündən 1 (ay) keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Hakim: Mübariz Məmmədov