Beyləqan Rayon Məhkəməsi Qətnamə — İş №2(020)-1318/2023

Azərbaycan Respublikası adından QƏTNAMƏ Beyləqan rayon İş № 2(020)-1318/2023 26.07.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi, Ərizəçi- Ərizəçi iştirakı ilə, Hüquqi əhəmiyyəti olan faktın müəyyən edilməsinə dair mülki işə açıq məhkəmə iclasında baxaraq Müəyyən etdi: Ərizəçi ərizə ilə məhkəməyə müraciət edərək Beyləqan rayon İcra hakimiyyəti başçısının 05 may 2010-cu il tarixli 28 nömrəli qərarına əsasən X2 Beyləqan şəhərində 599.95 kv.metr torpaq sahəsi verilməsinə dair A № 301831 nömrəli Torpaq sahəsinin Plan və Ölçüsü sənədində hüquqi sahiblərinin adlı siyahısının akt qeydinin Ərizəçi məxsus olması faktının müəyyən edilməsi barədə qətnamə çıxarılmasını xahiş etmişdir. Ərizəçi ərizəni müdafiə etdi və izahatında göstərdi ki, Beyləqan rayon İcra hakimiyyəti başçısının 05 may 2010-cu il tarixli 28 nömrəli qərarına əsasən onun və ailə üzvlərinin xüsusi mülkiyyətinə A № 301831 nömrəli Torpaq sahəsinin Plan və ölçüsünə əsasən 599.95 kv.metr həyətyanı torpaq sahəsi verilmişdir. Həmin Torpaq sahəsinin Plan və ölçüsü sənədində hüquq sahiblərinin adlı siyahısında o, Ərizəçi olduğu halda səhvən X1 qeyd edilmişdir. Hazırda həmin torpaq sahəsini sənədləşdirmək istəyirlər. Lakin torpaq sənədinin plan və ölçüsündə olan ad səhvliyinə görə çətinliklərlə üzləşirlər. Faktın müəyyən edilməsi ona torpaq sahəsinin sənədləşdirilməsi üçün Ləzimdır. Odur ki, Beyləqan rayon İcra hakimiyyəti başçısının 05 may 2010cu il tarixli 28 nömrəli qərarına əsasən X2 Beyləqan şəhərində 599.95 kv.metr torpaq sahəsi verilməsinə dair A № 301831 nömrəli Torpaq sahəsinin Plan və Ölçüsü sənədində hüquqi sahiblərinin adlı siyahısının akt qeydinin Ərizəçi məxsus olması faktının müəyyən edilməsi barədə qətnamə çıxarılmasını xahiş etdi. Maraqlı tərəf Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinə məhkəmə iclasının yeri və vaxtı barədə məlumat verilməsinə baxmayaraq təyin olunmuş məhkəmə iclasına nümayəndələrini göndərməmişlər. Məhkəmə maraqlı tərəfin iştirakı olmadan işə baxmağı mümkün hesab etmişdir. Məhkəmə ərizəçilərin izahatlarını dinləyib və iş materiallarını nəzərdən keçirib hesab edir ki, ərizə əsaslıdır, ona görə də təmin edilməlidir. Belə ki, iş materiallarına əlavə edilmiş Torpaq sahəsinin planı və ölçüsündən görünür ki, Beyləqan rayon İcra hakimiyyəti başçısının 05 may 2010-cu il tarixli 28 nömrəli qərarına əsasən ərizəçi və ailə üzvlərinin xüsusi mülkiyyətinə A № 301831 nömrəli Torpaq sahəsinin Plan və ölçüsünə əsasən 599.95 kv.metr həyətyanı torpaq sahəsi verilmişdir. Həmin Torpaq sahəsinin Plan və ölçüsü sənədində hüquq sahiblərinin adlı siyahısında Ərizəçi səhvən X1 qeyd edilmişdir. İş materiallarına əlavə edilmiş şəxsiyyət vəsiqəsinin və doğum haqqında şəhadətnamədən çıxarışdan görünür ki, Ərizəçi xx xxxx 1958-ci ildə anadan olmuşdur. İş materiallarına əlavə edilmiş Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinin məktubundan görünür ki, ərizəçi Torpaq sahəsinin planı və ölçüsündə düzəliş edilməsi üçün Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinə müraciət etmiş, müraciətinin təmin edilməsindən imtina edilərək məhkəməyə müraciət etməsi tövsiyyə olunmuşdur. Beləliklə məhkəmə araşdırmaları zamanı müəyyən olundu ki, Beyləqan rayon İcra hakimiyyəti başçısının 05 may 2010-cu il tarixli 28 nömrəli qərarına əsasən ərizəçi və ailə üzvlərinin xüsusi mülkiyyətinə A № 301831 nömrəli Torpaq sahəsinin Plan və ölçüsünə əsasən 599.95 kv.metr həyətyanı torpaq sahəsi verilmişdir. Həmin Torpaq sahəsinin Plan və ölçüsü sənədində hüquq sahiblərinin adlı siyahısında Ərizəçi səhvən X1 qeyd edilmişdir. Ərizəçi torpaq sənədinin plan və ölçüsündə olan ad səhvliyinə görə çətinliklərlə üzləşir. Faktın müəyyən edilməsi ərizəçiyə torpaq sahəsinin sənədləşdirilməsi üçün lazımdır. Azərbaycan Respublikası Mülki Prosessual Məcəlləsinin 307.2.5-ci maddəsinə görə məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən Ləzimi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Qeyd edilənlərə əsasən və Azərbaycan Respublikası MPM-nin 216-227-ci maddələrini rəhbər tutaraq məhkəmə Qət etdi: Ərizə təmin edilsin. Beyləqan rayon İcra hakimiyyəti başçısının 05 may 2010-cu il tarixli, 28 nömrəli qərarına əsasən X2 Beyləqan şəhərində 599.95 kv.metr torpaq sahəsi verilməsinə dair A № 301831 nömrəli Torpaq sahəsinin Plan və Ölçüsü sənədində hüquqi sahiblərinin adlı siyahısının akt qeydinin Ərizəçi məxsus olması faktı müəyyən edilsin. Qətnamədən tərəflər onun surətini rəsmi qaydada aldıqları gündən 1(bir) ay müddətində Beyləqan rayon məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən göstərilən müddət ərizində apellyasiya şikayəti verilmədikdə qətnamə həmin müddət bitdikdən sonrakı gün qanuni qüvvəyə minir. Hakim: Ramiz Nurullayev