Beyləqan Rayon Məhkəməsi Qərardad — İş №2(020)-1435/2023

Azərbaycan Respublikası adından QƏRARDAD Beyləqan rayon İş № 2(020)-1435/2023 25.09.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi ilə, İddiaçı cavabdeh «Azəriqaz» İstehsalat Birliyinə qarşı aktın etibarsız hesab edilməsi və cərimənin silinməsi tələbinə dair mülki işə açıq məhkəmə iclasında baxaraq, Müəyyən etdi: İddiaçı məhkəmədə cavabdeh «Azəriqaz» İstehsalat Birliyinə qarşı aktın etibarsız hesab edilməsi və cərimənin silinməsi barədə qətnamə çıxarılmasını xahiş etmişdir. İş baxılması üçün 25 sentyabr 2023-cü il tarixə təyin olunaraq iddiaçı və cavabdehə məhkəmə iclasının vaxtı və yeri haqqında məhkəmə bildirişləri göndərilməklə lazımi qaydada məlumat verilmişdir. Buna baxmayaraq tərəflər məhkəmə iclasına gəlməmiş və ya vəkalətli nümayəndəsini məhkəmə iclasına göndərməmişlər. İddiaçı işə onun iştirakı olmadan baxılmasını xahiş etməmiş, həmçinin cavabdehin nümayəndəsi məhkəmə iclasına gəlməmiş, işə mahiyyəti üzrə baxılmasını tələb etməmişdir. İşdə olan poçt xəbərnaməsindən görünür ki, məhkəmə bildirişi iddiaçı və cavabdeh təşkilat tərəfindən xəbərnaməyə imza edilməklə qəbul edilmişdir. Azərbaycan Respublikası MPM-nin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. İş üzrə tərəflər məhkəmə iclasına gəlmədiyindən və işə onların iştirakl olmadan mahiyyəti üzrə baxılmasını tələb etmədiyindən məhkəmə hesab edir ki, ərizə baxılmamış saxlanılmalıdır. İddiaçıya adı çəkilən məcəllənin 260.4-cü maddəsinin tələbləri izah edilməlidir ki, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qeyd edilənlərə əsasən və Azərbaycan Respublikası MPM-nin 259-260, 263-264 və 268.1-ci maddələrini rəhbər tutaraq məhkəmə Qərara aldı: İddiaçı cavabdeh «Azəriqaz» İstehsalat Birliyinə qarşı aktın etibarsız hesab edilməsi və cərimənin silinməsi tələbinə dair mülki iş üzrə iddiaçı və cavabdeh məhkəmə iclasına üzürlü səbəb olmadan gəlmədiklərindən iddia ərizəsi baxılmamış saxlanılsın. İddiaçıya izah edilsin ki, iddianın baxılmamış saxanması üçün səbəb olan şərait aradan qaıldırıldıqdan sonra yenidən ərizə ilə məhkəməyə müraciət edə bilər. Qərardaddan onun surəti tərəflərə rəsmi qaydada verildikdən sonra 10 gün müddətində (“Elektron məhkəmə” informasiya sistemində yaradılan elektron kabinetdən istifadə edilməklə Beyləqan rayon məhkəməsinə şikayət verilə bilər. Hakim: Ramiz Nurullayev.