Beyləqan Rayon Məhkəməsi Qətnamə — İş №2(020)-1858/2023

Azərbaycan Respublikası adından QƏTNAMƏ Beyləqan rayon İş № 2(020)-1858/2023 27.11.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Seyfullayev Seyfəli İzzət oğlunun sədrliyi, Abbasov Zaur Alı oğlunun katibliyi, Ərizəçilər Ərizəçi2, Ərizəçi1 və Ərizəçi3 iştirakı ilə, Hüquqi əhəmiyyəti olan faktın müəyyən edilməsinə dair mülki işə açıq məhkəmə iclasında baxaraq Müəyyən etdi: Ərizəçilər Ərizəçi2, Ərizəçi3 və Ərizəçi1 ərizə ilə məhkəməyə müraciət edərək X4, X7, X5 adına verilmiş «Torpağa mülkiyyət hüququna dair» J№-245; kod: 60705018 saylı, Dövlət aktındakı qeydin Ərizəçi2, Ramazanova (Hümbətli) Əfsanə Əliş qızına və Məmmədova (Hümbətli) Şahnaz Əliş qızına məxsus olması faktının müəyyən edilməsinə dair qətnamə çıxarılmasını xahiş etmişlər. Ərizəçi2 məhkəmədə ərizəsini müdafiə etdi və izahatında göstərdi ki, yaşadıqları Beyləqan rayonunun Bünyadlı kəndində torpaq sahələri islahata gedərkən ona və ailə üzvlərinə Beyləqan rayon Aqrar İslahat Komissiyasının 06 avqust 1998-ci il tarixli 51 saylı qərarına əsasən “Torpağa mülkiyyət hüququna dair” J№- 245; kod: 60705018 saylı Dövlət aktına əsasən 2.10 ha pay torpaq sahəsi verilmişdir. Həmin Dövlət aktında Ərizəçi2 yalnışlıqla X1, Ərizəçi1 yalnışlıqla X3, Ərizəçi3 isə yalnışlıqla X2 qeyd edilmişdir. Bununla əlaqədar olaraq Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin Beyləqan 6 saylı ərazi İdarəsinə müraciət etmiş, oradan yanlışlığın aradan qaldırılması üçün yalnız məhkəməyə müraciət edilməsi məsləhət görülmüşdür. Həmin yalnışlığa görə torpaq sahəsi üzərində hər hansı bir hüquqlarını həyata keçirə bilmirlər. Odur ki, Beyləqan rayon Aqrar İslahat Komissiyasının 06 avqust 1998-ci il tarixli 51 nömrəli qərarına əsasən X4, X7, X6 Beyləqan rayonunun Bünyadlı kəndində 2.10 ha torpaq sahəsi verilməsinə dair J№-245; kod: 60705018 kod nömrəli dövlət akt qeydlərinin Ərizəçi2, Ərizəçi1 və Ərizəçi3 məxsus olması faktının müəyyən edilməsinə dair qətnamə çıxarılmasını xahiş etdi. Digər ərizəçilər məhkəmə iclasında ərizəsini müdafiə etdilər və ərizənin təmin edilməsi barədə qətnamə çıxarılmasını məhkəmədən xahiş etdilər. Maraqlı tərəf Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinə məhkəmə iclasının yeri və vaxtı barədə məlumat verilməsinə baxmayaraq təyin olunmuş məhkəmə iclasına nümayəndələrini göndərməmişlər. Məhkəmə maraqlı tərəfin iştirakı olmadan işə baxmağı mümkün hesab etmişdir. Məhkəmə ərizəçilərin izahatını dinləyib və iş materiallarını araşdıraraq hesab edir ki, ərizəni əsaslıdır, ona görə də təmin edilməlidir. Belə ki, iş materiallarına əlavə edilmiş J№-245; kod: 60705018 saylı, 06 avqust 1998-ci il tarixli 51 saylı qərarına əsasən Torpağın mülkiyyətə verilməsinə dair Dövlət aktının surətindən görünür ki, Beyləqan rayonunun Bünyadlı kəndində torpaq sahələri islahata gedərkən ərizəçilərə və ailə üzvlərinə Beyləqan rayon Aqrar İslahat Komissiyasının 06 avqust 1998-ci il tarixli 51 saylı qərarına əsasən “Torpağın mülkiyyətə verilməsinə dair J№-245; kod: 60705018 saylı Dövlət aktı ilə 2.10 ha pay torpaq sahəsi verilmişdir. Həmin Dövlət aktında Ərizəçi2 yalnışlıqla X1, Ərizəçi1 yalnışlıqla X3, Ərizəçi3 isə yalnışlıqla X2 qeyd edilmişdir. İş materiallarına əlavə edilmiş Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqn ərazi idarəsinin 06.6.2023-ci il tarixli məktubundan görünür ki, ərizəçi J№-245; kod: 60705018 saylı Torpağa mülkiyyət hüququna dair Dövlət aktında düzəliş edilməsi üçün Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqən ərazi idarəsinə müraciət etmiş, ona ərizəsindən imtina edilərək məhkəməyə müraciət etməsi tövsiyyə olunmuşdur. Beləliklə məhkəmə araşdırmaları zamanı müəyyən olundu ki, Beyləqan rayonun Bünyadlı kəndində torpaq sahələri islahata gedərkən Beyləqan rayon Aqrar İslahat Komissiyasının 06 avqust 1998-ci il tarixli 51 saylı qərarı ilə Ərizəçi2 və onun ailə üzvlərinə 2.10 ha torpaq sahəsi verilmişdir. Həmin torpaq sahəsi J№-245; kod: 60705018 saylı Dövlət aktı təsdiq edilmişdir. Tərtib olunmuş Dövlət aktında Ərizəçi2 yalnışlıqla X1, Ərizəçi1 yalnışlıqla X3, Ərizəçi3 isə yalnışlıqla X2 qeyd edilmişdir Azərbaycan Respublikası Mülki Prosessual Məcəlləsinin 307.2.5-ci maddəsinə görə məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Məhkəmə hesab edir ki, dövlət aktında göstərilən yanlışlıqlara görə ərizəçilər müvafiq sənədləşmə işləri apara bilmədiklərinə və həmin sənədi başqa cür əldə edə bilmədiklərinə görə ərizə təmin edilməlidir. Qeyd edilənlərə əsasən və Azərbaycan Respublikası MPM-nin 216-227-ci maddələrini rəhbər tutaraq məhkəmə Qət etdi: Ərizə təmin edilsin. Beyləqan rayon Aqrar İslahat Komissiyasının 06 avqust 1998-ci il tarixli 51 nömrəli qərarına əsasən X4, X7, X6 Beyləqan rayonunun Bünyadlı kəndində 2.10 ha torpaq sahəsi verilməsinə dair J№-245; kod: 60705018 kod nömrəli dövlət akt qeydlərinin Ərizəçi2, Ramazanova (Hümbətli) Əfsanə Əliş qızı, Məmmədova (Hümbətli ) Şahnaz Əliş qızına məxsus olması faktı müəyyən edilsin. Qətnamədən tərəflər onun surətni rəsmi qaydada aldıqları gündən 1 (bir) ay müddətində (“Elektron məhkəmə” informasiya sistemində yaradılan elektron kabinetdən istifadə etməklə) Beyləqan Rayon Məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən göstərilən müddət ərizində apellyasiya şikayəti verilmədikdə qətnamə həmin müddət bitdikdən sonrakı gün qanuni qüvvəyə minir. Hakim: Seyfəli Seyfullayev