Beyləqan Rayon Məhkəməsi Qətnamə — İş №2(020)-670/2023

Azərbaycan Respublikası adından QƏTNAMƏ Beyləqan rayon İş № 2(020)-670/2023 16.03.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Nurullayev Ramiz Vəliş oğlunun sədrliyi, Abbasov Zaur Alı oğlunun katibliyi, Ərizəçi İbrahimova (Bayramova) Zərifə Niyazi qızının iştirakı ilə Hüquqi əhəmiyyəti olan faktın müəyyən edilməsinə dair mülki işə açıq məhkəmə iclasında baxaraq Müəyyən etdi: Ərizəçi İbrahimova (Bayramova) Zərifə Niyazi qızı ərizə ilə məhkəməyə müraciət edərək X2 adına Beyləqan rayon Aqrar İslahat Komissiyasının 08 dekabr 1997-ci il tarixli 39 saylı qərarına əsasən verilmiş JN-0048 KOD 60707018 saylı Dövlət akt qeydinin ona yəni İbrahimova (Bayramova) Zərifə Niyazi qızına məxsus olması faktının müəyyən edilməsi barədə qətnamə çıxarılmasını xahiş etmişdir. Məhkəmə iclasında ərizəçi İbrahimova (Bayramova) Zərifə Niyazi qızı ərizəsini müdafiə etdi və izahatında göstərdi ki, yaşadığı Beyləqan rayonun Kəbirli kəndində torpaq sahələri islahata gedərkən Beyləqan rayon Aqrar İslahat Komissiyasının 08 dekabr 1997ci il tarixli 39 saylı qərarı ilə ona və ailə üzvlərinə 2,35 ha torpaq sahəsi verilmişdir. Həmin torpağa dair JN-0048 KOD 60707018 saylı Dövlət aktı tərtib edilmişdir. Tərtib olunmuş Dövlət aktında o, X1 qeyd edilmişdir. Hazırda o, həmin yanlışlıqla əlaqədar olaraq torpaq sahəsi üzərində mülkiyyət hüququnu həyata keçirə bilmir. Bununla əlaqədar olaraq Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin Beyləqan ərazi İdarəsinə müraciət etmiş, oradan yanlışlığın aradan qaldırlması üçün məhkəməyə müraciət edilməsi məsləhət görülmüşdür. Odur ki, X2 adına Beyləqan rayon Aqrar İslahat Komissiyasının 08 dekabr 1997-ci il tarixli 39 saylı qərarına əsasən verilmiş JN-0048 KOD 60707018 saylı Dövlət akt qeydinin İbrahimova (Bayramova) Zərifə Niyazi qızına məxsus olmasının müəyyən ediliməsi barədə qətnamə çıxarılmasını xahiş etdi. Maraqlı tərəf Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinə məhkəmə iclasının yeri və vaxtı barədə məlumat verilməsinə baxmayaraq təyin olunmuş məhkəmə iclasına nümayəndələrini göndərməmişlər. Məhkəmə maraqlı tərəfin nümayəndəsinin iştirakı olmadan işə baxılmasını mümkün hesab edir. Məhkəmə ərizəçinin izahatını dinləyib və iş materiallarını nəzərdən keçirərək hesab edir ki, ərizə əsaslıdır, ona görə də təmin edilməlidir. Belə ki, iş materiallarına əlavə edilmiş JN-0048 KOD 60707018 saylı Torpağa mülkiyyət hüququna dair Dövlət aktındann görünür ki, ərizəçi və onun ailə üzvlərinə Beyləqan rayon Aqrar İslahat Komissiyasının 08 dekabr 1997-ci il tarixli 39 saylı qərarına əsasən 2,35 ha pay torpaq sahəsi verilmişdir. İş materiallarına əlavə edilmiş şəxsiyyət vəsiqəsinin və doğum haqqında şəhadətnamənin surətindən görünür ki, ərizəçi İbrahimova (Bayramova) Zərifə Niyazi qızı xx.xx.1992-ci ildə anadan olmuş, Beyləqan rayonunun Əlinəzərli kəndində qeydiyyatdadır. İş materiallarına əlavə edilmiş Beyləqan rayon İHB-nin Kəbirli kənd İƏD üzrə nümayəndəliyinin 16 yanvar 2023-ci il tarixli 91 saylı arayışından görünür ki, Torpağa mülkiyyət hüququna dair JN-0048 KOD 60707018 saylı Dövlət aktında İbrahimova (Bayramova) Zərifə Niyazi qızı səhvən X1 yazılmışdır. İş materiallarına əlavə edilmiş Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqn ərazi idarəsinin xx.xx.2023-cü il tarixli məktubundan görünür ki, ərizəçi JN-0048 KOD 60707018 saylı Torpağa mülkiyyət hüququna dair Dövlət aktında düzəliş edilməsi üçün Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 6 saylı Beyləqən ərazi idarəsinə müraciət etmiş, ona ərizəsindən imtina edilərək məhkəməyə müraciət etməsi tövsiyyə olunmuşdur. Beləliklə məhkəmə araşdırmaları zamanı müəyyən olundu ki, Beyləqan rayonun Kəbirli kəndində torpaq sahələri islahata gedərkən Beyləqan rayon Aqrar İslahat Komissiyasının 08 dekabr 1997-ci il tarixli 39 saylı qərarı ilə İbrahimova (Bayramova) Zərifə Niyazi qızına və onun ailə üzvlərinə 2,35 ha torpaq sahəsi verilmişdir. Həmin torpaq sahəsinə dair JN-0048 KOD 60707018 saylı Dövlət aktı tərtib edilmişdir. Tərtib olunmuş Dövlət aktında ərizəçi İbrahimova (Bayramova) Zərifə Niyazi qızı səhvən X1 qeyd edilmişdir. Azərbaycan Respublikası Mülki Prosessual Məcəlləsinin 307.2.5-ci maddəsinə görə məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Məhkəmədə ərizəçinin göstərilən yanlışlığa görə torpaq sahəsinə dair hər hansı bir sənədləşmə işi apara bilmədiyi və həmin faktları təsdiq edən sənədləri başqa cür əldə edə bilmədiyi müəyyən edildiyindən məhkəmə ərizənin təmin edilməsini əsaslı hesab edir. Qeyd edilənlərə əsasən və Azərbaycan Respublikası MPM-nin 216-227-ci maddələrini rəhbər tutaraq məhkəmə Qət etdi: Ərizə təmin edilsin. X2 adına Beyləqan rayon Aqrar İslahat Komissiyasının 08 dekabr 1997-ci il tarixli 39 saylı qərarına əsasən verilmiş JN-0048 KOD 60707018 saylı Dövlət aktındakı qeydin İbrahimova (Bayramova) Zərifə Niyazi qızına məxsus olması faktı müəyyən edilsin. Qətnamədən tərəflər onun surətni rəsmi qaydada aldıqları gündən 1(bir) ay müddətində Beyləqan rayon məhkəməsi vasitəsilə Şirvan Apelyasiya Məhkəməsinin Mülki Kollegiyasına apelyasiya şikayəti verilə bilər. Qətnamədən göstərilən müddət ərizində apelyasiya şikayəti verilmədikdə qətnamə həmin müddət bitdikdən sonrakı gün qanuni qüvvəyə minir. Hakim: Ramiz Nurullayev.