Beyləqan Rayon Məhkəməsi Qətnamə — İş №2(020)-885/2023

Azərbaycan Respublikası adından QƏTNAMƏ Beyləqan rayon İş № 2(020)-885/2023 15.05.2023 BEYLƏQAN RAYON MƏHKƏMƏSİ Beyləqan Rayon Məhkəməsinin hakimi Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi ilə Ərizəçilər: Həmidova (Əliyeva) Rehan Şirvan qızı və Ərizəçi2 iştirakı ilə Hüquqi əhəmiyyəti olan faktın müəyyən edilməsinə dair mülki işə açıq məhkəmə iclasında baxaraq, Müəyyən etdi: Ərizəçilər Həmidova (Əliyeva) Rehan Şirvan qızı və Ərizəçi2 ərizə ilə məhkəməyə müraciət edərək X3, X5 adına verilmiş «Torpağa mülkiyyət hüququna dair» J№-450; kod: 60705018 saylı, Dövlət aktındakı qeydin Həmidova (Əliyeva) Rehan Şirvan qızı, Ərizəçi2 məxsus olması faktının müəyyən edilməsi barədə qətnamə çıxarılmasını xahiş etmişdir. Məhkəmə iclasında ərizəçi Həmidova (Əliyeva) Rehan Şirvan qızı ərizəni müdafiə etdi və izahatında göstərdi ki, Beyləqan rayonun Bünyadlı kəndində torpaq sahələri islahata gedərkən ailə üzvlərinə Beyləqan rayon Aqrar islahat Komissiyasının 06 avqust 1998-ci il tarixli 51 nömrəli qərarına əsasən JN-450 KOD 60705018 saylı dövlət aktı ilə 2.47 ha pay torpaq sahəsi verilmişdir. Həmin dövlət aktında o, Həmidova (Əliyeva) Rehan Şirvan qızı olduğu halda səhvən X1, Ərizəçi2 isə X2 yazılmışdır. Hazırda mülkiyyətlərində olan torpaq sahəsini sənədləşdirmək istəyirlər. Lakin Dövlət aktı ilə şəxsiyyət vəsiqələrinin üst-üstə düşməməsi səbəbindən sənədləşmə işlərində çətinliklərlə üzləşirlər. Bununla əlaqədar olaraq Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin Beyləqan ərazi İdarəsinə müraciət edilmiş, oradan yanlışlığın aradan qaldırlması üçün məhkəməyə müraciət edilməsi məsləhət görülmüşdür. Odur ki, X3, X5 adına verilmiş «Torpağa mülkiyyət hüququna dair» J№-450; kod: 60705018 saylı, Dövlət aktındakı qeydin Həmidova (Əliyeva) Rehan Şirvan qızı, Ərizəçi2 məxsus olması faktının müəyyən edilməsi barədə qətnamə çıxarılmasını xahiş etdi. Ərizəçi2 ərizənin təmin edilməsini xahiş etdi. Maraqlı tərəf Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinə məhkəmə iclasının yeri və vaxtı barədə məlumat verilməsinə baxmayaraq təyin olunmuş məhkəmə iclasına nümayəndələrini göndərməmişlər. Məhkəmə maraqlı tərəfin iştirakı olmadan işə baxmağı mümkün hesab etmişdir. Məhkəmə ərizəçilərin izahatlarını dinləyib və iş materiallarını nəzərdən keçirib hesab edir ki, ərizə əsaslıdır, ona görə də təmin edilməlidir. Belə ki, iş materiallarına əlavə edilmiş Torpağa Mülkiyyət hüququna dair Dövlət aktından görünür ki, ərizəçilərin və ailə üzvlərinin mülkiyyətlərinə yaşadıqları Beyləqan rayonun Bünyadlı kəndində torpaq sahələri islahata gedərkən Beyləqan rayon Aqrar islahat Komissiyasının 06 avqust 1998-ci il tarixli 51 nömrəli qərarına əsasən JN-450 KOD 60705018 saylı dövlət aktı ilə 2.47 ha pay torpaq sahəsi verilmişdir. Həmin dövlət aktında Həmidova (Əliyeva) Rehan Şirvan qızı səhvən X1, Ərizəçi2 isə X2 yazılmışdır. İş materiallarına əlavə edilmiş şəxsiyyət vəsiqəsinin və doğum haqqında şəhadətnamənin surətlərindən görünür ki, Ərizəçi1 xx.xx.1963-cü ildə anadan olmuşdur. İş materiallarına əlavə edilmiş nikah haqqında şəhadətnamənin surətindən görünür ki, Ərizəçi1 02 dekabr 1982-ci ildə X4 ilə ailə qurduqdan sonra Əliyeva soyadını qəbul etmişdir. İş materiallarına əlavə edilmiş şəxsiyyət vəsiqəsinin və doğum haqqında şəhadətnamənin surətlərindən görünür ki, Ərizəçi2 xx.xx.1984-cü ildə anadan olmuşdur. İş materiallarına əlavə edilmiş Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinin məktubundan görünür ki, ərizəçilər Torpağa Mülkiyyət Hüququna dair Dövlət aktında düzəliş edilməsi üçün Azərbaycan Respublikası İqtisadiyyat Nazirliyi yanında Daşınmaz Əmlakın Dövlət Kadastrı və Reyestri publik hüquqi şəxsin 6 saylı Beyləqan Ərazi idarəsinə müraciət etmiş, müraciətinin təmin edilməsindən imtina edilərək məhkəməyə müraciət etməsi tövsiyyə olunmuşdur. Beləliklə məhkəmə araşdırmaları zamanı müəyyən olundu ki, ərizəçilərin və ailə üzvlərinin mülkiyyətlərinə yaşadıqları Beyləqan rayonun Bünyadlı kəndində torpaq sahələri islahata gedərkən Beyləqan rayon Aqrar islahat Komissiyasının 06 avqust 1998-ci il tarixli 51 nömrəli qərarına əsasən JN-450 KOD 60705018 saylı dövlət aktı ilə 2.47 ha pay torpaq sahəsi verilmişdir. Həmin dövlət aktında Həmidova (Əliyeva) Rehan Şirvan qızı səhvən X1, Ərizəçi2 isə X2 yazılmışdır. Azərbaycan Respublikası Mülki Prosessual Məcəlləsinin 307.2.5-ci maddəsinə görə məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Məhkəmə hesab edir ki, Dövlət aktında göstərilən yanlışlıqlara görə ərizəçilər müvafiq sənədləşmə işləri apara bilmədiklərinə və həmin sənədi başqa cür əldə edə bilmədiklərinə görə ərizə təmin edilməlidir. Qeyd edilənlərə əsasən və Azərbaycan Respublikası MPM-nin 216-227-ci maddələrini rəhbər tutaraq məhkəmə Qət etdi: Ərizə təmin edilsin. X3 və X5 adına Beyləqan rayon Aqrar islahat Komissiyasının 06 avqust 1998-ci il tarixli, 51 nömrəli qərarına əsasən verilmiş «Torpağa mülkiyyət hüququna dair» J№-450; kod: 60705018 saylı, Dövlət aktındakı qeydin Həmidova (Əliyeva) Rehan Şirvan qızı və Ərizəçi2 məxsus olması faktı müəyyən edilsin. Qətnamədən tərəflər onun surətni rəsmi qaydada aldıqları gündən 1(bir) ay müddətində Beyləqan Rayon Məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən göstərilən müddət ərizində apellyasiya şikayəti verilmədikdə qətnamə həmin müddət bitdikdən sonrakı gün qanuni qüvvəyə minir. Hakim: Ramiz Nurullayev