Azərbaycan Respublikası adından QƏRARDAD Bərdə rayonu İş № 2(021)-153/2022 24.02.2022 BƏRDƏ RAYON MƏHKƏMƏSİ Məhkəmənin hakimi Əhmədov Elsun Məzahir oğlunun sədrliyi, Məhkəmə iclas katibi Bayramov Orxan Elşən oğlunun katibliyi ilə, İddiaçılar İddiaçı1 və İddiaçı2 Cavabdeh, üçüncü şəxs Daşınmaz Əmakın 7 saylı Ərazi İdarəsinə qarşı miras əmlaka payların müəyyən edilməsi, həmin miras payına mülkiyyət hüququnun tanınması, payların naturada bölünməsi tələbinə dаir mülki işə аçıq məhkəmə iclаsındа bаxаrаq, məhkəmə MÜƏYYƏN ETDİ İddiaçılar İddiaçı1 və İddiaçı2 Bərdə rayonu, Qazıqurdalı kəndində qeydiyyatda olmuş, 09 may 2018-ci il tarixdə vəfat etmiş mərhum ataları X1 miras qalmış Bərdə rayonu, Qazıqurdalı kəndində yerləşən 0.08 ha həyətyanı torpaq sahəsinin, eyni zamanda həmin torpağın üzərində inşa edilmiş 3 otaqlı fərdi yaşayış evindən ibarət miras əmlaka payların müəyyən edilməsi, payların naturada ayrılması tələbi barədə qətnamə çıxarılmasını xahiş etmişdir. İşə mahiyyəti üzrə baxılması üçün məhkəmə baxışı iclası 24 fevral 2022-ci il tarixə təyin edilmiş, məhkəmə iclasının vaxtı və yeri barədə tərəflərlə rəsmi qaydada məlumat verilməsinə baxmayaraq tərəflər məhkəmə iclasında iştirak etməmişdir. Məhkəmə işdə olan sənədləri araşdırıb, belə hesab edir ki, ərizə Azərbaycan Respublikası Mülki Prosessual Məcəlləsinin 259.0.6-cı maddələrinin tələbinə əsasən baxılmamış saxlanılmalıdır. Azərbaycan Respublikasının Mülki Prosessual Məcəlləsinin 259.0.6-cı maddəsinin tələbinə görə işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Şərh olunanlara əsasən və Azərbaycan Respublikasının Mülki Prosessual Məcəlləsinin 259 və 260-cı maddələrini rəhbər tutaraq, məhkəmə , QƏRARA ALDİ İddiaçı1, İddiaçı2 Cavabdeh, üçüncü şəxs Daşınmaz Əmakın 7 saylı Ərazi İdarəsinə qarşı miras əmlaka payların müəyyən edilməsi, həmin miras payına mülkiyyət hüququnun tanınması, payların naturada bölünməsi tələbinə dair mülki iş baxılmamış saxlanılsın. Qərardaddan tərəflər onu aldıqdan sonra 10 gün müddətində Bərdə rayon məhkəməsinə şikayət verə bilər. Hakim Elsun Əhmədov
Məhkəmə qərarları › İş №2(021)-153/2022
Bərdə Rayon Məhkəməsi Qərardad — İş №2(021)-153/2022
24.02.2022 · Vərəsəlik hüququ üzrə mübahisələr - Vərəsəlik hüququ üzrə sair mübahisələr
Mənbə: Azərbaycan məhkəmə sistemi (courts.gov.az) — anonimləşdirilmiş rəsmi mətn. Dataset: Azerbaijan Court Data (CC-BY-4.0).
Mənbə: Azərbaycan məhkəmə sistemi (courts.gov.az) — anonimləşdirilmiş rəsmi mətn. Dataset: Azerbaijan Court Data (CC-BY-4.0).
Bu qərar sizin işinizə uyğun gəlirmi?
Sualınızı yazın — cavab qanun maddələri və məhkəmə təcrübəsi əsasında hazırlanır.
Sual ver