Bərdə Rayon Məhkəməsi Qətnamə — İş №2(021)-2497/2021

Azərbaycan Respublikası adından QƏTNAMƏ Bərdə rayonu İş № 2(021)-2497/2021 20.08.2021 BƏRDƏ RAYON MƏHKƏMƏSİ Hakim Əbilov Qamət Mehman oğlunun sədrliyi, Abbasov Yasin Rafiq oğlunun katibliyi ilə, Ərizəçilər Ərizəçi2, Ərizəçi3 və Ərizəçi4 iştirakları ilə, Ərizəçilər X6, Ərizəçi2, Ərizəçi3 və Ərizəçi4 Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 7 saylı Bərdə Ərazi İdarəsinə qarşı hüquqi əhəmiyyətli faktın müəyyən edilməsi barədə ərizəsi üzrə mülki işə Bərdə Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN E T D İ: Ərizəçilər X15, Ərizəçi2, Ərizəçi3 və Ərizəçi4 ərizə ilə məhkəməyə müraciət edərək, Torpağa mülkiyyət hüququna dair JN-0042 KOD-61005033 saylı Dövlət Aktının Allahverdiyev Allahverən Alış oğluna məxsus olması faktının təsdiq edilməsinə dair qətnamə qəbul olunmasını xahiş etmişdirlər. Ərizə belə əsaslandırılmışdır ki, Bərdə rayon Aqrar İslahat Komissiyasının 16.06.1999-cu il tarixli 07 saylı qərarı ilə onlara Bərdə rayon Ərəblər kəndində yerləşən 2.77 ha torpaq sahəsi verilmişdir. Həmin torpaq sahəsinə JN-0042 KOD-61005033 saylı Torpağa mülkiyyət hüququna dair Dövlət Aktı verilmişdir. Lakin həmin sənəddə Allahverdiyev Allahverən Alış oğlunun adı yanlışlıq olaraq “Allahverdiyev Allahverdi Alış oğlu” kimi qeyd olunmuşdur. Allahverdiyev Allahverən Alış oğlu 14.05.2007-ci il tarixdə vəfat etmişdir. Bu yanlışlığın olması onlara bir sıra çətinliklər yaradır. Qeyd olunanlara əsasən ərizələrinin təmin olunmasını xahiş etmişlər. Məhkəmə iclasında Ərizəçi2 ərizədə göstərilənlərə uyğun izahat verərək, ərizənin təmin olunmasını məhkəmədən xahiş etdi. Məhkəmə iclasında Ərizəçi3 ərizədə göstərilənlərə uyğun izahat verərək, ərizənin təmin olunmasını məhkəmədən xahiş etdi. Məhkəmə iclasında Ərizəçi4 ərizədə göstərilənlərə uyğun izahat verərək, ərizənin təmin olunmasını məhkəmədən xahiş etdi. Digər ərizəçi X13 və maraqlı tərəf Azərbaycan Respublikası Əmlak Məsələləri Dövlət Komitəsi Yanında Daşınmaz Əmlakın Dövlət Reyestri Xidmətinin 7 saylı Ərazi İdarəsinə məhkəmə iclasının vaxtı və yeri barədə qanunla müəyyən olunmuş qaydada məlumat verilsə də, onlar heç bir səbəb göstərmədən məhkəmə iclasına gəlməmiş və işin baxılmasının başqa vaxta keçirilməsi barədə vəsatət verməmişdir. Məhkəmə işə onlarn iştirakı olmadan işə baxilmasini mümkün sayır. Məhkəmə ərizəçinin izahatını dinləyib, mülki işin materiallarını nəzərdən keçirib, belə hesab edir ki, aşağıda göstərilənlərə əsasən ərizə təmin edilməlidir. Belə ki, iş materiallarına əlavə edilmiş Seriya AZE №******** nömrəli şəxsiyyət vəsiqəsinin surətindən müəyyən olunur ki, Ərizəçi1 xx.xx.1973-cü ildə Bərdə rayon Alaçadırlı kəndində anadan olmuşdur. Bərdə rayon Ərəblər kəndində qeydiyyatdadır. İş materiallarına əlavə edilmiş Seriya AZE №0******* nömrəli şəxsiyyət vəsiqəsinin surətindən müəyyən olunur ki, Ərizəçi2 xx.xx.1959-cu ildə Bərdə rayon Ərəblər kəndində anadan olmuşdur. Bərdə rayon Bala Ərəblər kəndində qeydiyyatdadır. İş materiallarına əlavə edilmiş Seriya AZE №******** nömrəli şəxsiyyət vəsiqəsinin surətindən müəyyən olunur ki, X18 xx.xx.1974-cü ildə Bərdə rayon Ərəblər kəndində anadan olmuşdur. Bərdə rayon Bala Ərəblər kəndində qeydiyyatdadır. İş materiallarına əlavə edilmiş Seriya AZE №0******* nömrəli şəxsiyyət vəsiqəsinin surətindən müəyyən olunur ki, X22 xx.xx.1935-ci ildə Bərdə rayon Ərəblər kəndində anadan olmuşdur. Bərdə rayon Bala Ərəblər kəndində qeydiyyatdadır. İş materiallarına əlavə edilmiş AZ-İ № 247254 sayli Ölüm haqqında Şəhadətnamənin surətindən görünür ki, X17 14.05.2007-ci il tarixdə vəfat etmişdir. İş materiallarına əlavə edilmiş Bərdə rayon Qeydiyyat Şöbəsi tərəfindən verilmiş 07.07.2021-ci il tarixli Arayışdan görünür ki, Allahverdiyeva Şəfiqə Allahverdi qızı xx.xx.1974-cü ildə anadan olmuşdur. X3, anası Allahverdiyeva Şövkət Mütəllim qızıdır. İş materiallarına əlavə edilmiş Bərdə rayon Qeydiyyat Şöbəsi tərəfindən verilmiş 07.07.2021-ci il tarixli Arayışdan görünür ki, Allahverdiyeva Sandıx Allahverdi qızı xx.xx.1959-cu ildə anadan olmuşdur. X3, anası Allahverdiyeva Şövkət Mütəllim qızıdır. İş materiallarına əlavə edilmiş İ-JQ №470257 saylı Doğum haqqında Şəhadətnamənin surətindən görünür ki, X29 xx.xx.1973-cü ildə anadan olmuşdur. X42 İmamverdi oğlu, anası Süleymanova Məlahət Şəmil qızıdır. İş materiallarına əlavə edilmiş AG № 225608 saylı Nikahın bağlanması haqqında Şəhadətnamənin surətindən görünür ki, X17 ilə X26 08.05.1957-ci ildə 1 saylı akt qeydi ilə nikah bağlamışlar. Nikah bağlandıqdan sonra arvada Allahverdiyeva soyadı verilmişdir. İş materiallarına əlavə edilmiş Bərdə rayon Məhkəməsinin 2(021)1751/2021 saylı 01.06.2021-ci il tarixli qətnaməsindən görünür ki, JN-0042, KOD:61005038 saylı Torpağa mülkiyyət hüququna dair Dövlət Aktının Ərizəçi1, Ərizəçi2, X14 və Ərizəçi4 məxsus olması faktı təsdiq edilmişdir. İş materiallarına əlavə edilmiş Torpağa mülkiyyət hüququna dair JN-0042 KOD- 61005038 saylı Dövlət Aktının surətindən müəyyən olunur ki, Bərdə rayon Aqrar İslahat Komissiyasının 16.06.1999-ci il tarixli, 07 nömrəli qərarı ilə 2.77 ha torpaq sahəsi Bərdə rayon Ərəblər kənd sakinləri X10, Ərizəçi4, X4, Ərizəçi1 Allahverdi qızına, X5 və X2 mülkiyyətinə verilmişdir. İş materiallarında əlavə edilmiş Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 7 saylı Bərdə Ərazi İdarəsinin 23.04.2021-ci il tarixli məktubu ilə müəyyən edilmişdir ki, Ərizəçi1 Torpağa mülkiyyət hüququna dair JN-0042 KOD-61005038 saylı Dövlət Aktında səhvlərin düzəldilməsi ilə əlaqədar olaraq Azərbaycan Respublikası Əmlak Məsələləri Dövlət Komitəsinin Yanında Daşınmaz Əmlakın Dövlət Reyestri Xidmətinin 7 saylı ərazi idarəsinə müraciət etsə də, həmin sənədlərdə düzəliş edilməsindən imtina edilmişdir. İş materiallarında əlavə edilmiş mədaxil qəbzindən görünür ki, ərizəçilər tərəfindən məhkəmədə iddia qaldırmaq üçün 10 manat dövlət rüsumu ödənilmişdir. Azərbaycan Respublikasının Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Bu Məcəllənin 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsinə dair işlərə baxır. Azərbaycan Respublikasının Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Mülki Prosessual Məcəllənin 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Məhkəmə yuxarıda qeyd olunan maddələrin tələblərinə əsasən və araşdırılmış sübutların məcmuuna qiymət verərək belə hesab edir ki, Torpağa mülkiyyət hüququna dair JN-0042 KOD-61005038 saylı Dövlət Aktında yanlışlıq olaraq X7 adı -“X16” kimi qeyd edilmişdir. Torpağa mülkiyyət hüququna dair JN-0042 KOD-61005038 saylı Dövlət X1 məxsus olması faktının müəyyən olunması işdə olan sənədlərlə təsdiq edildiyindən ərizə təmin edilməli, Torpağa mülkiyyət hüququna dair JN-0042 KOD-61005038 saylı Dövlət X1 məxsus olması faktı müəyyən olunmalıdır. Bundan başqa məhkəmə hesab edir ki, Azərbaycan Respublikası MPM-in 119-cu maddəsinə əsasən iş üzrə ödənilmiş dövlət rüsumu ərizəçilərə aid edilməlidir. Müki Prosessual Məcəllənin 9.1, 9.3, 14.2, 88, 217.1, 218.1, 218.3 və 220.4-cü maddələrinə görə hər hansı mübahisənin qanuni və əsaslı həlli üçün məhkəmə baxışı zamanı məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq qiymət verməlidir. Məhkəmənin qətnaməsi qanuni və əsaslı olmalıdır. Hakim işdə iştirak edən şəxslərin verdiyi tələblər üzrə qətnamə çıxarır. Qətnamə çıxarıldıqda hakim sübutları qiymətləndirir, iş üçün əhəmiyyətli olan nə kimi halların müəyyən edildiyini, nə kimi halların müəyyən edilmədiyini, tərəflərin hansı hüquqi münasibətdə olmalarını, həmin iş üzrə hansı qanunun tətbiq edilməli olduğunu və iddianın təmin olunub-olunmadığını müəyyən etməlidir. Mülki Prosessual Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Mülki Prosessual Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanlara əsasən və Azərbaycan Respublikası Mülki Prosessual Məcəlləsinin 216-220, 227, 307, 308-ci maddələrini rəhbər tutaraq, məhkəmə Q Ə T E T D İ : Ərizə təmin edilsin. Torpağa mülkiyyət hüququna dair JN-0042 KOD-61005038 saylı Dövlət Aktında qeyd olunmuş mülkiyyətçi -“X16” yazısının X12 məxsus olması faktı müəyyən edilsin. İş üzrə ödənilmiş 10 (on) manat dövlət rüsumu ərizəçilərə aid edilsin. Qətnamədən rəsmi qaydada verildiyi gündən 1 (bir) ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir.