Bərdə Rayon Məhkəməsi Qərardad — İş №2(021)-818/2022

Azərbaycan Respublikası adından QƏRARDAD Bərdə rayonu İş № 2(021)-818/2022 31.01.2022 BƏRDƏ RAYON MƏHKƏMƏSİ Hakim Əbilov Qamət Mehman oğlunun sədrliyi, Abbasov Yasin Rafiq oğlunun katibliyi ilə, İddiaçılar İddiaçı1, İddiaçı2 Cavabdeh qarşı “vərəsələr arasında miras əmlakdan payların müəyyən edilməklə naturada tanınması ” tələbinə dair iddia ərizəsini və ona əlavə edilmiş sənədləri nəzərdən keçirərək, məhkəmə MÜƏYYƏN E T D İ: İddiaçılar İddiaçı1, İddiaçı2 iddia ərizəsi ilə məhkəməyə müraciət edərək, onların ümumi mülkiyyətində olan Bərdə rayon Kətəlparaq kəndində yerləşən 0.14 ha həyətyanı torpaq sahəsinin oğlu mərhum X1 payının vərəsələr arasında miras əmlakdan payların müəyyən edilməklə naturada tanınması barədə qətnamə qəbul olunmasını xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirib hesab edir ki, iddia ərizəsi geri qaytarılmalıdır. Belə ki, iddiaçılar iddia ərizəsinə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd əlavə etməmişdir. İddiaçılara izah olunmalıdırki, miras qoyanın ölümündən sonra vərəsələr qanunvericilikdə göstərilən qaydada vərəsəlik şəhadətnaməsi almaq üçün notariusa müraciət etməli, mübahisənin məhkəməyə qədər həlli mümkün olmadıqda, notarius notariat hərəkətini aparmaqdan (vərəsəlik şəhadətnaməsi verməkdən) imtina etdiyi təqdirdə, həmin orqanının imtina etməsi barədə sənədi iddia ərizəsinə əlavə etməklə məhkəməyə müraciət etməlidir. Azərbaycan Respublikası MPM-nin 150.1.6-ci maddəsinə əsasən müqavilə ilə və ya həmin kateqoriya mübahisələr üçün qanunda bu nəzərdə tutulmuşsa, cavabdehlə mübahisənin məhkəməyə qədər və ya pretenziya qaydasında nizama salınmasına riayət edilməsini təsdiq edən sənəd iddia ərizəsinə əlavə edilir. Həmin Məcəllənin 152.1.6-ci maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Odur ki, iddiaçılar İddiaçı1, İddiaçı2 Cavabdeh qarşı “vərəsələr arasında miras əmlakdan payların müəyyən edilməklə naturada tanınması ” tələbinə dair iddia ərizəsi və ona əlavə edilmiş sənədlər geri qaytarılmalıdır. Şərh olunanlara əsasən və MPM-in 150,152-ci maddələrini rəhbər tutaraq, məhkəmə QƏRARA ALDİ: İddiaçılar İddiaçı1, İddiaçı2 Cavabdeh qarşı “vərəsələr arasında miras əmlakdan payların müəyyən edilməklə naturada tanınması ” tələbinə dair iddia ərizəsi və ona əlavə edilmiş sənədlər geri qaytarılsın. İddiaçılara nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququnun olması izah edilsin. Qərardaddan rəsmi qaydada verildikdən sonra 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hakim Qamət Əbilov