Qazax Rayon Məhkəməsi Qətnamə — İş №2(023)-504/2025

Azərbaycan Respublikası adından QƏTNAMƏ Qazax rayon İş № 2(023)-504/2025 04.04.2025 QAZAX RAYON MƏHKƏMƏSİ Hakim Mansırov Elçin Faxrəddin oğlunun sədrliyi, məsləhətçi (məhkəmə iclas katibi) Cəbiyeva Vəfa Şubet qızının katibliyi, Ərizəçi iştirakı ilə, Ərizəçi «sənədin şəxsə məxsus olması faktının müəyyən edilməsi» barədə ərizəsi üzrə mülki işə açıq məhkəmə iclasında baxaraq MÜƏYYƏN ETDİ: Ərizəçi ərizə ilə müraciət edərək, Qazax Rayon Aqrar islahat Komissiyasının xx.xx.1997-ci il tarixli, 10 nömrəli qərarı ilə X10, X14, X5, X4, X2 Qazax rayon Aslanbəyli kəndi ərazisində ümumi birgə mülkiyyətinə verilmiş 2.09 hektar torpaq sahəsi haqqında Torpağa Mülkiyyət hüququna dair JN-0004, Kod 50100018 nömrəli Dövlət Aktında "X14"na aid hissədə Ərizəçi məxsus olması faktının müəyyən edilməsini xahiş etmişdir. Ərizə onunla əsaslandırılmışdır ki, Qazax rayon Aqrar İslahat Komissiyasının xx.xx.1997-ci il tarixli 10 nömrəli qərarı ilə X10, X14, X5, X4, X2 ümumi birgə mülkiyyətinə JN-0004, Kod 50100018 saylı Torpağa Mülkiyyət hüququna dair Dövlət Aktı ilə 2.09 hektar torpaq sahəsi verilmişdir. X15 adı “Zenfirə” əvəzinə səhvən “Zenfira”, ata adı isə “Nəbi" əvəzinə "İsə" olaraq yazılmışdır. Qazax RİHB-nin Aslanbəyli kənd İƏD üzrə nümayəndəliyinin 5-58-4-12-21/2-75/2025 saylı, xx.xx.2025-ci il tarixli arayışında da göstərilir ki, Qazax Rayon Aslanbəyli kənd sakini Ərizəçi JN-0004, KOD 50100018 nömrəli Torpağın mülkiyyətə verilməsinə dair Dövlət Aktında səhvən X7 göstərilmişdir. Bu yanlışın düzəldilməsi üçün Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri PHŞ-nin 15 saylı Ərazi İdarəsinə müraciət etmişdir. Həmin idarənin xx.xx.2025-ci il tarixli, 3-21-3- 37/2N-0156-35/24 nömrəli Daşınmaz əmlakın üzərində mülkiyyət hüququnun dövlət reyestrində qeydiyyata alınmasından imtina edilməsinə dair bildirişi ilə ərizənin icrasından imtina edilmiş və Məhkəməyə müraciət etməyi tövsıyə edilmişdir. Bu yanlış qeydiyyatın düzəldilməsi yalnız məhkəmə qaydasında mülnkündür. Bu halın məhkəmədə müəyyən edilməsi ona torpaq sahəsini sənədləşdirmək, çıxarış almaq üçün lazımdır. Bu sənəddə texniki səhvə yol verilməsi onun hüquqları məhdudlaşdırır. Məhkəmə iclasında iştirak edən Ərizəçi ərizəni müdafiə edərək ərizənin təmin olunmasını xahiş etdi. Maraqlı şəxs Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 15 saylı Tovuz Ərazi İdarəsi məhkəmə iclasının vaxtı və yeri barədə lazımi qaydada məlumatlandırılmasına baxmayaraq, maraqlı şəxsin nümayəndəsi məhkəmə iclasına gəlməmiş və məktubla məhkəməyə müraciət edərək, məhkəmə iclasında iştirak edə bilməyəcəklərini bildirib, işə onların iştirakı olmadan baxılaraq qanunauyğun qərar qəbul edilməsini xahiş etmişdir. Məhkəmə ərizəni və işin faktiki hallarını araşdıraraq, işdə olan sənədləri tədqiq edərək və sübutları qiymətləndirərək hesab edir ki, ərizəçilərin ərizəsi aşağıda göstərilənlərə əsasən təmin edilməlidir. Belə ki, iş materiallarında olan doğum haqqında şəhadətnamənin surətindən görünür ki, Ərizəçi xx.xx.1962-ci il tarixdə anadan olmuş, ata qrafasında X18, ana qrafasında isə X8 qeyd edilmişdir. İş materiallarında olan Ərizəçi şəxsiyyət vəsiqəsinin surətindən görünür ki, onun adı soyadı və ata adı Ərizəçi kimi qeyd edilmişdir. İş materiallarında olan JN-0004 KOD 50100018 №-li torpağa mülkiyyət hüququna dair dövlət aktından görünür ki, xx.xx.1997-ci il tarixli, 10 nömrəli Aqrar İslahat Komissiyasının qərarı ilə, Qazax rayonu Aslanbəyli kəndində yerləşən 2.09 ha torpaq sahəsi X6, X11, X3, X1, X2 mülkiyyət hüququna verilmişdir. İş materiallarında olan Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsinin 15 saylı Tovuz Ərazi İdarəsinin xx.xx.2025-ci il tarixli məktubundan görünür ki, Qazax rayonu, Aslanbəyli kəndində yerləşən 2.09 ha kənd təsərrüfatı təyinatlı torpaq sahəsinə dair verilmiş JN-0004 nömrəli dövlət aktında mülkiyyətçilərin adları, atalarının adları və soyadları arxiv məlumatları ilə eynidir. Lakin “Torpağa mülkiyyət hüququna dair” JN-0004 nömrəli dövlət aktında mülkiyyətçilərin adları, atalarının və soyadları şəxsiyyəti təsdiq sənədlərdə yə ölüm haqqında şəhadətnamədə fərqlidir. Həmçinin “Daşınmaz Əmlakın Dövlət Reyestri haqqında” Azərbaycan Respublikasının Qanunun 2-ci maddəsinə əsasən daşınmaz əmlak üzərində qeydiyyata alınmış hüquq mübahisələndirilə bilər və hüquqların dövlət qeydiyyatı ilə bağlı mübahisələr məhkəmə qaydasında həll edilir. İş materiallarında olan xx.xx.2025-ci il tarixli Qazax rayonu Aslanbəyli kənd nümayəndəliyinin arayışından görünür ki, JN-0004 nömrəli KOD 50100018 torpağa mülkiyyət hüququna dair Dövlət aktında Ərizəçi adı və ata adı səhvən X7 yazılmışdır. Azərbaycan Respublikası Mülki Prosessual Məcəlləsinin: 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir; 307.2.5-ci maddəsinə əssən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən olunması işlərə məhkəmə tərəfindən baxılır. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın; 311-ci maddəsinə görə məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədi əvəz etməməklə, belə qeydə alınma üçün əsasdır. Məhkəmə iclasında tədqiq olunmuş sübutlarla müəyyən olundu ki, ərizəçinin bütün sənədlərində “Ərizəçi” kimi göstərilsə də, JN-0004 nömrəli KOD 50100018 nömrəli Torpağın mülkiyyətə verilməsinə dair dövlət aktında səhvən “X14” kimi göstərilmişdir. Dövlət aktında səhvən göstərilən “X14” ilə təqdim olunan sənədlərdə göstərilən “Ərizəçi” ilə eyni şəxslər olması şübhə doğurmur. Belə ki, bu sənədlərin hamısı – JN-0004 nömrəli KOD 50100018 nömrəli Torpağa Mülkiyyət hüququna dair Dövlət aktının, şəxsiyyət vəsiqələrinin surəti, və doğum haqqında şəhadətnaməsində ərizəçi tərəfindən ona aid olan sənədlər kimi məhkəməyə təqdim olunmuşdur. Ərizəçi qeyd olunan faktı təsdiq edən lazımi sənədi başqa qaydada ala bilmir və həmin sənəd ərizəçiyə torpaq sahəsinə dair sənədləşmə işlərinin aparılması ilə əlaqədar tələb olunur. Beləliklə, məhkəmənin gəldiyi qənaətə görə, ərizə təmin edilməli, Qazax rayon Aqrar İslahatı Komissiyasının 30 avqust 1997-ci il tarixli 10 nömrəli qərarı ilə verilmiş JN- 0004 nömrəli KOD 50100018 №-li Torpağa mülkiyyət hüququna dair dövlət aktının “X14”na aid hissədə Ərizəçi”na məxsus olması faktı müəyyən edilməlidir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə görə, hər bir tərəf öz tələblərinin və etirazlarının əsası kimi istinad etdiyi halları sübut etməlidir. 217.3 və 217.4-cü maddələrinə əsasən, qətnamə iş üzrə müəyyən edilmiş həqiqi hallara və tərəflərin münasibətlərinə uyğun əsaslandırılmalıdır. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırmalıdır. Şərh olunanlara əsaslanaraq və Azərbaycan Respublikası MPM-in 216-220, 227, 233.1, 305-311 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. Qazax rayon Aqrar İslahatı Komissiyasının 30 avqust 1997-ci il tarixli 10 nömrəli qərarı ilə verilmiş JN-0004 KOD 50100018 №-li Torpağa mülkiyyət hüququna dair dövlət aktının “X14”na aid hissədə “Ərizəçi”na məxsus olması faktı müəyyən edilsin. Qətnamə tərəfə rəsmi qaydada verildiyi gündən bir ay müddətində “elektron məhkəmə informasiya sistemində yaradılan elektron kabinetdən istifadə edilməklə” Qazax Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər Qətnamədən apellyasiya qaydasında şikayət verilmədikdə, qətnamə həmin müddət başa çatdığı vaxtdan sonrakı gün qanuni qüvvəyə minir. Hakim: Elçin Mansırov