Qazax Rayon Məhkəməsi Qətnamə — İş №2(023)-640/2024

Azərbaycan Respublikası adından QƏTNAMƏ Qazax rayon İş № 2(023)-640/2024 24.07.2024 QAZAX RAYON MƏHKƏMƏSİ Hakim Musayev Nemət Əlimusa oğlunun sədrliyi, Çobanova Elminaz Zarif qızının katibliyi, Ərizəçi, Qəyyumluq və Himayəçilik Komissiyasının nümayəndəsi X15 qızının iştirakları ilə, Ərizəçi fəaliyyət qabiliyyəti olmayan şəxs hesab edilməsi barədə mülki işə 24 iyul 2024-cü il tarixdə, Qazax Rayon Məhkəməsinin binasında, məhkəmə iclas zalında, açıq məhkəmə iclasında baxaraq, m ü ə y y ə n e t d i: Ərizəçi ərizə ilə məhkəməyə müraciət edərək (maraqlı şəxs- Qazax rayon İcra Hakimiyyəti Qəyyumluq və Himayəçilik Komissiyası) 01 yanvar 2006-cı il təvəllüdlü Qazax rayonu Yuxarı Salahlı kəndində doğulmuş, Azərbaycan Respublikası vətəndaşı, subay nəvəsi X2 fəaliyyət qabiliyyəti olmayan hesab edilməsi barədə qətnamə çıxarılmasını xahiş etmişdir. Məhkəmə iclasında Ərizəçi ərizəni müdafiə etmiş, ərizənin məzmununa uyğun izahat vermiş və əlavə olaraq göstərmişdir ki, nəvəsi X5 doğulduğu vaxtdan ağır dərəcəli xəstəliyindən əziyyət çəkir. O Qazax rayonlararası ruhi xəstəxanada anadangəlmə mikrosefaliya, uşaq serebral iflici ataktik forma, ağır dərəcəli əqli gərginlik, İQ-20% enurez, nitq qüsuru kompleks parsial qıcolma tutmaları ilə müşahidə olunan lokalizə olunmuş (fokal) (parsial) simptomatik epilepsiya və epilaptik sindromlar, qıcolma sindromu diaqnozu ilə qeydiyyatdadır. Bu xəstəliyi ilə əlaqədar daim həkim nəzarətində olmalıdır. Bu da onun xəstəliyinin kəskinləşməsinə səbəb olmuşdur. Bu xəstəlikdə onun digər xəstəliyinin ağırlaşmasına təkan verir. O neçə illərdir nəvəsi İsmayılı ambulator müalicə etdirməyə çalışsada, heç bir nəticəsi olmur. İsmayılı mütamadi müalicə etdirsələr də onun xəstəliyinin müalicəsi olmadığını, yalnız sakitləşdiricilərin köməyi olacağını bildirmişlər. İsmayıl bu xəstəlik səbəbindən fəaliyyət qabiliyyətini itirmişdir. İsmayıla orqanizim funksiyalarının 90% pozulması ilə bağlı müddətsiz birinci dərəcəli əlilliyi təyin edilmişdir. Qeyd olunanlara əsasən ərizənin təmin olunması barədə qətnamə çıxarılmasını məhkəmədən xahiş etmişdir. Məhkəmə iclasında Qəyyumluq və Himayəçilik Komissiyasının nümayəndəsi X9 ərizənin təmin edilməsini xahiş etdi. Məhkəmə, iş materiallarını araşdıraraq hesab edir ki, ərizə təmin edilməlidir. Belə ki, iş materiallarına əlavə olunmuş AZE seriyalı ******** saylı şəxsiyyət vəsiqəsinin surətindən görünür ki, Ərizəçi xx.xx.1957-ci il tarixdə doğulmuşdur. Doğum haqqında şəhadətnamənin təsdiq olunmuş surətindən görünür ki, X5 atası X8, anası isə İmaməliyeva Lamiyə olmaqla, xx.xx.2006-cı ildə doğulmuşdur. Doğum haqqında şəhadətnamənin təsdiq olunmuş surətindən görünür ki, X4 atası Ərizəçi, anası isə X3 olmaqla, xx.xx.1986-cı ildə doğulmuşdur. AA seriyalı ******* saylı şəxsiyyət vəsiqəsinin surətindən görünür ki, X5 xx.xx.2006-cı il tarixdə doğulmuşdur. Tibbi-Sosial Ekspert Komissiyasının sonuncu müayinəyə dair məlumatından görünür ki, X5 - “Ağırlaşma F98.1 qeyri-üzvi mənşəli enkoprez, Enkoprez. Ağırlaşma 274 Yardım və qulluq göstərən şəxsdən asılı olma ilə əlaqədar problemlər, kənar şəxsin köməyinə ehtiyacı olması, Ağırlaşma G82.4 Spastik tetraplegiya, Ətraflarda dərin tetraparez (əzələ qüvvəsi 2 bal). Ağırlaşma R26.3 İmmobillik (hərəkətsizlik). Yataq xəstəsi Sərbəst hərəkətin mümkün olmaması. Əlil arabasına ehtiyacın olması. Ağırlaşma. F73.1 Qulluq və müalicə tələb edən ciddi davranış pozuntusu., Müalicə və qulluq tələb edən ağır dərəcəli əqli gerlik. İQ-20%. Ağırlaşma F98.0 Qeyri-üzvi mənşəli enurez, Enurez. Əsas diaqnoz G80.0 Kvadroplegik spastik serebral iflic, Uşaq serebral iflici tetraplegik forma.” diaqnozu ilə müddətsiz birinci dərəcəli əlildir. İş üzrə təyin edilmiş məhkəmə-psixiatriya ekspertizasının 327 saylı, xx.xx.2024-cü il tarixli rəyindən görünür ki, xx.xx.2006-cı il tarixdə anadan olmuş X1 Dərəcəli Əqli Gerilik, X12 Xbt-10 (Psixi və davranış pozuntılamın beynəlxalq təsnifatı 10-cu baxış) F72.1 xəstəliyi keçirməsi səbəbindən o, öz hərəkəi lərinin mənasını başa düşmək, özünü idarə etmək və ya öz hərəkətlərinin mənası dərk etmək iqtidarında deyildir. Bununla əlaqədar olaraq X5 fəaliyyət qabiliyyəti olmayan şəxs hesab edilməlidir. Beləliklə, X5 əqli cəhətdən xəstə olması nəticəsində öz hərəkətlərinin mənasını başa düşməməsi və öz hərəkətlərinə rəhbərlik edə bilməməsi ərizəçinin izahatı ilə, tibbi sənədlərlə, iş üzrə təyin edilmiş məhkəmə-psixatriya ekspertizasının rəyi ilə və işin digər mötəbər sübutları ilə tam sübuta yetirilir. Buna görə də məhkəmə hesab edir ki, X5 əqli xəstəlik nəticəsində öz hərəkətlərinin mənasını başa düşmədiyindən və öz hərəkətlərinə rəhbərlik edə bilmədiyindən, onun fəaliyyət qabiliyyətli olmayan hesab edilməsinə dair ərizə əsaslıdır. Odur ki, ərizə təmin edilərək X5 fəaliyyət qabiliyyətli olmayan hesab edilməlidir. Belə ki, Azərbaycan Respublikası Mülki Məcəlləsinin 28.8-ci maddəsinə əsasən, ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər də məhkəmə tərəfindən fəaliyyət qabiliyyəti olmayan sayıla bilər. Azərbaycan Respublikası MPM-nin 317.2-ci maddəsinə əsasən, məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaş-bacıların), müvafiq icra hakimiyyəti orqanının, psixiatriya (psixonevroloji) müəssisəsinin ərizəsi üzrə qaldırıla bilər. Göstərilən qanunvericilik normalarına əsasən məhkəmə hesab edir ki, Ərizəçi X2 babası olduğundan, onun fəaliyyət qabiliyyətli olmayan hesab edilməsinə dair ərizə ilə məhkəməyə müraciət etməkdə haqlıdır. Azərbaycan Respublikası MPM-nin 321.2-ci maddəsinə əsasən şəxsin fəaliyyət qabiliyyəti olmayan hesab edilməsinə dair məhkəmə qətnaməsi fəaliyyət qabiliyyəti olmayan hesab edilən şəxs üzərində qəyyum təyin etmək üçün əsasdır. Məhkəmə MPM-in 88-ci və 217.4-cü maddələrinin tələblərinə uyğun olaraq iş üzrə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, ərizədə qoyulmuş xahiş üzrə nəticəyə gələrkən yalnız məhkəmə iclasında tədqiq olunmuş sübutlara əsaslanmışdır. Yuxarıda göstərilənlərə əsaslanaraq və Azərbaycan Respublikası MPM-in 216- 220, 227, 305-306, 317-322 və 360-cı maddələrini rəhbər tutaraq, məhkəmə q ə t e t d i: Ərizə təmin edilsin. xx.xx.2006-cı il təvəllüdlü X5 fəaliyyət qabiliyyəti olmayan şəxs hesab edilsin. Qətnamə tərəfə rəsmi qaydada verildiyi gündən bir ay müddətində “elektron məhkəmə informasiya sistemində yaradılan elektron kabinetdən istifadə edilməklə” Qazax Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Nemət Musayev