Qazax Rayon Məhkəməsi Qətnamə — İş №2(023)-931/2023

Azərbaycan Respublikası adından QƏTNAMƏ Qazax rayon İş № 2(023)-931/2023 24.08.2023 QAZAX RAYON MƏHKƏMƏSİ Məhkəmənin hakimi Nemət Əlimusa oğlu Musayevin sədrliyi Məhkəmə iclas katibi Elminaz Zarif qızı Çobanovanın katibliyi Ərizəçi iştirakı ilə Ərizəçi sənədin şəxsə məxsus olması faktının müəyyən edilməsi tələbinə dair mülki işə 24 avqust 2023-cü il tarixdə açıq məhkəmə iclasında baxaraq müəyyən etdi: Ərizəçi ərizə ilə məhkəməyə müraciət edərək, Qazax rayon Aqrar İslahat Komissiyasının 13 sentyabr 1996-cı il tarixli 12 nömrəli qərarı ilə JN-558, KOD 50100048 nömrəli torpağın mülkiyyətə verilməsinə dair dövlət aktının X4 aid hissədə sənədin X6 məxsus olması faktının müəyyən edilməsi barədə qətnamə çıxarılmasını xahiş etmişdir. Ərizəçi məhkəmə iclasında ərizəni müdafiə etmiş və bildirmişdir ki, Qazax rayon Aqrar İslahat Komissiyasının 13 sentyabr 1996-cı il tarixli 12 nömrəli qərarı ilə ona və ailə üzvlərinə 1.81 ha kənd təsərrüfatı təyinatlı torpaq sahəsi verilmişdir. Həmin torpaq sahəsinin mülkiyyətə verilməsinə dair dövlət aktı verilmişdir. Həmin dövlət aktında onun arvadının ata adı səhvən Fürüdin kimi qeyd edilmişdir. Onun ata adı ölüm haqqında şəhadətnamədə və bütün sənədlərdə Firudundur. Həmin dövlət aktında ata adının səhv qeyd edilməsi onun müəyyən sənədləşmənin aparılmasında çətinliklər yaradır. Odur ki, ərizənin təmin edilməsini xahiş edir. Məhkəmə iclasının vaxtı və yeri haqında lazımı qaydada xəbərdar edilmiş maraqlı şəxs Azərbaycan Respublikası İqtisadiyyat Nazirliyi Yanında Əmlak Məsələləri Dövlət Xidmətinin Tabeliyində Daşınmaz Əmlakın Dövlət Kadastrı və Reyestri Publik hüquqi şəxsin 15 saylı Ərazi İdarəsinin nümayəndəsi məhkəmə iclasına gəlməmişdir. Azərbaycan Respublikası İqtisadiyyat Nazirliyi Yanında Əmlak Məsələləri Dövlət Xidmətinin Tabeliyində Daşınmaz Əmlakın Dövlət Kadastrı və Reyestri Publik hüquqi şəxsin 15 saylı Ərazi İdarəsinin rəisi Ədalət Cabbarov məktubla məhkəməyə müraciət edərək, mülki işə onun iştirakı olmadan baxılıb, qanunauyğun qərar qəbul edilməsini xahiş etmişdir. İşdə olan sənədlərdən görünür ki, JN-558, KOD 50100048 nömrəli torpağın mülkiyyətə verilməsinə dair dövlət aktı ilə Qazax rayon Aqrar İslahat Komissiyasının 13 sentyabr 1996-cı il tarixli 12 nömrəli qərarına əsasən Qazax rayonun Qaymaqlı kənd sakini Ərizəçi və ailə üzvlərinin mülkiyyətinə 2.84 ha kənd təsərrüfatı təyinatlı torpaq sahəsi verilmişdir. İşdə olan, Azərbaycan Respublikası İqtisadiyyat Nazirliyi Yanında Əmlak Məsələləri Dövlət Xidmətinin Tabeliyində Daşınmaz Əmlakın Dövlət Kadastrı və Reyestri Publik hüquqi şəxsin 15 saylı Ərazi İdarəsinin Ərizəçi ünvanladığı məktubdan görünür ki, X5 ata adında olan texniki səhvlə bağlı məhkəməyə müraciət etməsi bildirilmişdir. X7 21 mart 1954-cü ildə Şaumyan rayonun Şəfəq kəndində anadan olmuşdur. Ərizəçi X7 ilə 22 iyun 1976-cı ildə rəsmi nikah qeydiyyatından keçmişlər. Qadına Hacıyeva soyadı verilmişdir. X10 04 dekabr 2017-ci ildə Qazax rayonunun Qaymaqlı kəndində vəfat etmişdir. Qazax rayon İcra Hakimiyyəti başçısının Qaymaqlı kənd icra nümayəndəliyinin verdiyi 26 aprel 2023-cü il tarixli arayışdan görünür ki, JN-558, KOD 50100048 nömrəli torpağın mülkiyyətə verilməsinə dair dövlət aktında X2 X3 yazılmışdır. Məhkəmə ərizəçinin izahatını dinləyib, mülki işin materiallarını nəzərdən keçirib, hesab edir ki, ərizə təmin edilməlidir. Belə ki, Qazax rayon Aqrar İslahat Komissiyasının 13 sentyabr 1996-cı il tarixli 12 nömrəli qərarı ilə JN-558, KOD 50100048 nömrəli qərarına əsasən Qazax rayonun Qaymaqlı kənd sakinləri Ərizəçi və onun ailə üzvülərinin mülkiyyətinə 2.84 ha kənd təsərrüfatı təyinatlı torpaq sahəsi verilmişdir. Doğum haqqında şəhadətnamənin surətindən görünür ki, X7 21 mart 1954-cü ildə Şaumyan rayonun Şəfəq kəndində anadan olmuşdur. Ərizəçi X7 ilə 22 iyun 1976-cı ildə rəsmi nikah qeydiyyatından keçmişlər. Qadına Hacıyeva soyadı verilmişdir. Lakin Qazax rayon Aqrar İslahat Komissiyasının 30 avqust 1997-ci il tarixli 10 nömrəli qərarı ilə JN-190, KOD 50100028 nömrəli nömrəli torpağın mülkiyyətə verilməsinə dair dövlət aktında X1 Nailə Fürüddin qızı kimi qeyd edilmişdir. Odur ki, Qazax rayon Aqrar İslahat Komissiyasının 13 sentyabr 1996-cı il tarixli 12 nömrəli qərarı ilə JN-558, KOD 50100048 nömrəli torpağın mülkiyyətə verilməsinə dair dövlət aktının X4 aid hissədə sənədin X6 məxsus olması faktı müəyyən edilməlidir. Azərbaycan Respublikasının Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktı məhkəmə tərəfindən müəyyən edilir. Bu Məcəllənin 307.2.11-ci maddəsinə əsasən qanunvericilikdə müəyyən edilməsinin başqa qaydası nəzərdə tutulmamışsa, hüquqi əhəmiyyəti olan digər faktlar məhkəmə tərəfindən müəyyən edilir. Azərbaycan Respublikasının Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 310.1-ci maddəsinə əsasən ərizədə həmin faktın müəyyən edilməsinin ərizəçiyə nə məqsəd üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməlidir. Şərh olunanlara əsasən və Azərbaycan Respublikasının MPM-nin 213-214, 216-220, 227, 233, 305-307, 357-ci maddələrini rəhbər tutaraq, məhkəmə qət etdi: Ərizə təmin edilsin. Qazax rayon Aqrar İslahat Komissiyasının 13 sentyabr 1996-cı il tarixli 12 nömrəli qərarı ilə JN-558, KOD 50100048 nömrəli torpağın mülkiyyətə verilməsinə dair dövlət aktının X4 aid hissədə sənədin X6 məxsus olması faktı müəyyən edilsin. Qətnamə rəsmi qaydada verildiyi gündən bir ay müddətində Qazax Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Nemət Musayev