Qazax Rayon Məhkəməsi Qətnamə — İş №2(023)-940/2025

Azərbaycan Respublikası adından QƏTNAMƏ Qazax rayon İş № 2(023)-940/2025 19.06.2025 QAZAX RAYON MƏHKƏMƏSİ Hakim Mansırov Elçin Faxrəddin oğlunun sədrliyi, məsləhətçi (məhkəmə iclas katibi) Hümmətov Anar Fərmayıl oğlunun katibliyi, Ərizəçi iştirakı ilə, Ərizəçi «sənədin şəxsə məxsus olması faktının müəyyən edilməsi» barədə ərizəsi üzrə mülki işə açıq məhkəmə iclasında baxaraq MÜƏYYƏN ETDİ: Ərizəçi ərizə ilə müraciət edərək, Qazax rayon Aqrar islahat Komissiyasının 25 sentyabr 1997-ci il tarixli 12 saylı qərarı ilə JN-211 KOD 50100078 nömrəli torpağın mülkiyyətə verilməsinə dair şəhadətnamənin Şahvələdova Ərizəçi Nurəddin qızı”na aid hissədə sənədin Ərizəçi”na məxsus olması faktı müəyyən edilməsi edilməsini xahiş etmişdir. Ərizəçi ərizəni onunla əsaslandırılmışdır ki, Aqrar İslahat Komissiyasının 25 sentyabr 1997-ci il tarixli 12 saylı qərarı JN-211 KOD 50100078 nömrəli torpağın mülkiyyətə verilməsinə dair dövlət aktına əsasən onlara Qazax rayonun Xanlıqlar kəndində 1.70 ha torpaq sahəsi mülkiyyətinə verilmişdir. Həmin torpaq sahəsinin dövlət aktında onun ata adı səhv olaraq qeyd edilmişdir. Bütün sənədlərdə onun atasının adı Nəsrəddindir. Qeyd olunan dövlət aktında olan səhvliyə görə o müəyyən sənədləşmə işlərini apara bilmir. O X9 ilə nikaha daxil olmuş və Şahvələdova soyadını qəbul etmişdir.Qazax rayon İcra hakimiyyətinin başçısının Xanlıqlar kənd İnzibati Ərazi Dairəsi üzrə nümayəndəliyinin arayışında da qeyd olunduğu kimi adı səhvən qeyd edilmişdir. Həmin torpağın mülkiyyətə verilməsinə dair şəhadətnamədə olan səhvlik onun müəyyən sənədləşməni aparmağımda çətinlik yaradır. Ərizəçi dəqiqləşdirmə ərizə ilə müraciət edərək, Qazax rayon X8 25 sentyabr 1997ci il tarixli 12 saylı qərarı ilə JN-211 KOD 50100078 nömrəli torpağın mülkiyyətə verilməsinə dair dövlət aktının "Ərizəçi din qızı"na aid hissədə “Ərizəçi”na məxsus olması faktı müəyyən edilməsini xahiş etmişdir. Məhkəmə iclasında iştirak edən Ərizəçi ərizəni müdafiə edərək, ərizənin təmin olunması barədə qətnamə çıxarılmasını xahiş etdi. Maraqlı şəxs Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 15 saylı Tovuz Ərazi İdarəsi məhkəmə iclasının vaxtı və yeri barədə lazımi qaydada məlumatlandırılmasına baxmayaraq, maraqlı şəxsin nümayəndəsi məhkəmə iclasına gəlməmiş və məktubla məhkəməyə müraciət edərək, məhkəmə iclasında iştirak edə bilməyəcəklərini bildirib, işə onların iştirakı olmadan baxılaraq qanunauyğun qərar qəbul edilməsini xahiş etmişdir. Məhkəmə ərizəni və işin faktiki hallarını araşdıraraq, ərizəçini dinləyərək, işdə olan sənədləri tədqiq edərək və sübutları qiymətləndirərək hesab edir ki, ərizə aşağıda göstərilənlərə əsasən təmin edilməlidir. Belə ki, iş materiallarında olan doğum haqqında arayışdan görünür ki, Şahvələdova (Haciyeva) Nəcibə Nəsrəddin qızı xx.xx.1951-ci il tarixdə anadan olmuş, ata qrafasında X11, ana qrafasında isə X1 qeyd edilmişdir. İş materiallarında olan Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsinin 15 saylı Tovuz Ərazi İdarəsinin xx.xx.2024-cü il tarixli məktubundan görünür ki, Qazax rayonu, Xanlıqlar kəndində yerləşən 1.70 ha kənd təsərrüfatı təyinatlı torpaq sahəsinə dair verilmiş JN-211 nömrəli dövlət aktında mülkiyyətçilərin adları, atalarının adları və soyadları arxiv məlumatları ilə eynidir. Lakin “Torpağa mülkiyyət hüququna dair” JN-211 nömrəli dövlət aktında mülkiyyətçilərin adları, atalarının və soyadları şəxsiyyəti təsdiq sənədlərdə yə ölüm haqqında şəhadətnamədə fərqlidir. Həmçinin “Daşınmaz Əmlakın Dövlət Reyestri haqqında” Azərbaycan Respublikasının Qanunun 2-ci maddəsinə əsasən daşınmaz əmlak üzərində qeydiyyata alınmış hüquq mübahisələndirilə bilər və hüquqların dövlət qeydiyyatı ilə bağlı mübahisələr məhkəmə qaydasında həll edilir. İş materiallarında olan xx.xx.2024-cü il tarixli Qazax rayonu Xanlıqlar kənd nümayəndəliyinin arayışından görünür ki, JN-211 KOD 50100078 torpağa mülkiyyət hüququna dair Dövlət aktında “Ərizəçi”nın ata adı səhvən Ərizəçi Nurəddin qızı kimi yazılmışdır. Qazax rayonu Xanlıqlar kəndində Ərizəçi Nurəddin qızı adlı şəxs yaşamır. İş materiallarında olan JN-211 KOD 50100078 №-li torpağa mülkiyyət hüququna dair dövlət aktından görünür ki, xx.xx.1997-ci il tarixli, 12 nömrəli Aqrar İslahat Komissiyasının qərarı ilə, Qazax rayonu Xanlıqlar kəndində yerləşən 1.70 ha torpaq sahəsi X6, Ərizəçi Nurəddin qızının, X10, X2, X3 və X5 mülkiyyət hüququna verilmişdir. İş materiallarında olan nikah haqqında arayışdan görünür ki, Ərizəçi və X9 17 yanvar 1973-cü il tarixdə Qazax rayon Ağköynək kənd İƏD-də 02 nömrəli akt qeydi ilə rəsmi nikahla ailə qurmuşlar. X4 “Şahvələdova” soyadı verilmişdir. Azərbaycan Respublikası Mülki Prosessual Məcəlləsinin: 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir; 307.2.5-ci maddəsinə əssən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən olunması işlərə məhkəmə tərəfindən baxılır. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın; 311-ci maddəsinə görə məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədi əvəz etməməklə, belə qeydə alınma üçün əsasdır. Məhkəmə iclasında tədqiq olunmuş sübutlarla müəyyən olundu ki, ərizəçinin bütün sənədlərində “Ərizəçi” kimi göstərilsə də, JN-211 KOD 50100078 nömrəli Torpağa mülkiyyət hüququna dair dövlət aktında səhvən “Ərizəçi Nurəddin qızı” kimi göstərilmişdir. Dövlət aktında səhvən göstərilən “Ərizəçi Nurəddin qızı” ilə təqdim olunan sənədlərdə göstərilən Ərizəçi ilə eyni şəxslər olması şübhə doğurmur. Belə ki, bu sənədlərin hamısı – JN-211 KOD 50100078 nömrəli Torpağa mülkiyyət hüququna dair dövlət aktının, şəxsiyyət vəsiqələrinin surəti, və nikah şəhadətnaməsində ərizəçi tərəfindən ona aid olan sənədlər kimi məhkəməyə təqdim olunmuşdur. Ərizəçi qeyd olunan faktı təsdiq edən lazımi sənədi başqa qaydada ala bilmir və həmin sənəd ərizəçiyə torpaq sahəsinə dair sənədləşmə işlərinin aparılması ilə əlaqədar tələb olunur. Beləliklə, məhkəmənin gəldiyi qənaətə görə, ərizə təmin edilməli, Qazax rayon Aqrar İslahatı Komissiyasının 25 sentyabr 1997-ci il tarixli 12 nömrəli qərarı ilə verilmiş JN-211 KOD 50100078 №-li Torpağa mülkiyyət hüququna dair dövlət aktında “Ərizəçi Nurəddin qızı”na aid hissədə “Ərizəçi”na məxsus olması faktı müəyyən edilməlidir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə görə, hər bir tərəf öz tələblərinin və etirazlarının əsası kimi istinad etdiyi halları sübut etməlidir. 217.3 və 217.4-cü maddələrinə əsasən, qətnamə iş üzrə müəyyən edilmiş həqiqi hallara və tərəflərin münasibətlərinə uyğun əsaslandırılmalıdır. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırmalıdır. Şərh olunanlara əsaslanaraq və Azərbaycan Respublikası MPM-in 216-220, 227, 233.1, 305-311 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. Qazax rayon Aqrar İslahat Komissiyasının 25 sentyabr 1997-ci il tarixli 12 nömrəli qərarı ilə verilmiş JN-211 KOD 50100078 №-li Torpağa mülkiyyət hüququna dair dövlət aktında “Ərizəçi Nurəddin qızı”na aid hissədə “Ərizəçi”na məxsus olması faktı müəyyən edilsin. Qətnamə tərəfə rəsmi qaydada verildiyi gündən bir ay müddətində “elektron məhkəmə informasiya sistemində yaradılan elektron kabinetdən istifadə edilməklə” Qazax Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər Qətnamədən apellyasiya qaydasında şikayət verilmədikdə, qətnamə həmin müddət başa çatdığı vaxtdan sonrakı gün qanuni qüvvəyə minir. Hakim: Elçin Mansırov