Qazax Rayon Məhkəməsi Qətnamə — İş №2(023)-945/2023

Azərbaycan Respublikası adından QƏTNAMƏ Qazax rayon İş № 2(023)-945/2023 29.08.2023 QAZAX RAYON MƏHKƏMƏSİ Hakim Musayev Nemət Əlimusa oğlunun sədrliyi, Çobanova Elminaz Zarif qızının katibliyi ilə, Ərizəçi iştirakı ilə, Ərizəçi sənədin şəxsə məxsus olması faktının müəyyən edilməsinə dair ərizəsi üzrə mülki işə açıq məhkəmə iclasında baxaraq, müəyyən etdi: Ərizəçi sənədin şəxsə məxsus olması faktının müəyyən edilməsinə dair ərizə ilə məhkəməyə müraciət edərək, Qazax rayon Aqrar İslahat Komissiyasının 12 iyun 1997ci il tarixli, 08 nömrəli qərarı ilə verilmiş JN–027A KOD 50110028 nömrəli və JN–027F KOD 50110028 nömrəli Torpağın mülkiyyətə verilməsinə dair şəhadətnamələrdə X2 aid hissənin X3 məxsus olması faktının müəyyən edilməsinə dair qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, Qazax rayon Aqrar İslahat Komissiyasının 12 iyun 1997-ci il tarixli, 08 nömrəli qərarına əsasən JN–027A KOD 50110028 nömrəli və JN–027F KOD 50110028 nömrəli Torpağın mülkiyyətə verilməsinə dair şəhadətnamələrlə müvafiq olaraq 0,07 ha və 0,12 ha həyətyanı torpaq sahələri verilmişdir. Həmin şəhadətnamələrdə mərhum anasının adı “X7” əvəzinə yanlış olaraq “X5” kimi qeyd edilmişdir. Halbuki bütün sənədlərində mərhum anasının adı “X7” kimi qeyd edilmişdir. Qeyd olunan Şəhadətnamələrdə olan səhvlik torpaq sahələrinə dair vərəsəlik hüququna dair şəhadətnamə alan zamanı sənədləşmənin aparması üçün ona çətinlik yaradır. Bu səbəbdən də məhkəməyə müraciət etmək məcburiyyətində qalmışdır. Məhkəmə iclasında Ərizəçi ərizəni müdafiə edərək təmin olunmasını xahiş etdi. Maraqlı şəxs Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 15 saylı Tovuz Ərazi İdarəsi məhkəmə iclasının vaxtı və yeri barədə lazımi qaydada məlumatlandırılmasına baxmayaraq, maraqlı şəxsin nümayəndəsi məhkəmə iclasına gəlməmiş və rəisi Ədalət Cabbarov məktubla məhkəməyə müraciət edərək, işə onların iştirakı olmadan baxılaraq qanunauyğun qərar qəbul edilməsini xahiş etmişdir. Məhkəmə, ərizəçinin izahatını dinləyərək, mülki işin materiallarını araşdıraraq hesab edir ki, ərizə əsaslı olduğundan təmin edilməlidir. Belə ki, iş materiallarına əlavə olunmuş: doğum haqqında şəhadətnamənin notarial qaydada təsdiq olunmuş surətindən görünür ki, xx.xx.1956-cı il tarixdə doğulmuş Ərizəçi atası X6, anası X4r. Doğum haqqında arayışdan görünür ki, X8 01 yanvar 1936-cı ildə anadan olmuşdur. Nikah haqqında arayışdan görünür ki, X6 ilə X8 21 avqust 1962-ci ildə 54 saylı rəsmi nikah qeydiyyatından keçmişlər. Nikah bağlandıqdan sonra arvada Əzizova soyadı verilmişdir. Ölüm haqqında arayışdan görünür ki, X7 13 iyul 2009-cu ildə ölmüşdür. JN–027F KOD 50110028 nömrəli Torpağın mülkiyyətə verilməsinə dair Şəhadətnamənin surətindən görünür ki, Qazax rayonu Qazaxbəyli kəndində yerləşən 0,12 hektar həyətyanı torpaq sahəsi X1 mülkiyyətlərinə verilmişdir. JN–027A KOD 50110028 nömrəli Torpağın mülkiyyətə verilməsinə dair Şəhadətnamənin surətindən görünür ki, Qazax rayonu Qazaxbəyli kəndində yerləşən 0,07 hektar həyətyanı torpaq sahəsi X1 mülkiyyətlərinə verilmişdir. Azərbaycan Respublikası İqtisadiyyat Nazirliyi Yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsi 15 saylı Tovuz Ərazi İdarəsinin xx.xx.2023-cü il tarixli məktubundan görünür ki, Qazax rayonu Qazaxbəyli kəndində yerləşən 0,122 ha və 0,06924 ha həyətyanı torpaq sahələrinə dair tərtib edilmiş JN–027A və JN-027F nömrəli Torpağın mülkiyyətə verilməsinə dair şəhadətnamələrdə buraxılmış texniki səhvlərin aradan qaldırılması 15 saylı Tovuz Ərazi İdarəsinin səlahiyyətinə aid deyil. Azərbaycan Respublikası Mülki Prosessual Məcəlləsinin: 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir; 307.2.5-ci maddəsinə əssən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən olunması işlərə məhkəmə tərəfindən baxılır. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın; 311-ci maddəsinə görə məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədi əvəz etməməklə, belə qeydə alınma üçün əsasdır. Məhkəmə iclasında tədqiq olunmuş sübutlarla müəyyən olundu ki, ərizəçinin bütün sənədlərində adı “X7” kimi göstərilsə də, JN–027F KOD 50110028 nömrəli və JN–027A KOD 50110028 nömrəli Torpağın mülkiyyətə verilməsinə dair şəhadətnamələrdə “X5” kimi göstərilmişdir. Şəhadətnamələrdə göstərilən “X5” ilə doğum haqqında arayışda və digər sənədlərdə göstərilən “X7”nın eyni şəxs olması şübhə doğurmur. Belə ki, bu sənədlərin hamısı - JN–027F KOD 50110028 nömrəli və JN–027A KOD 50110028 nömrəli Torpağın mülkiyyətə verilməsinə dair Şəhadətnamələr, doğum, nikah və ölüm haqqında arayışlar ərizəçi tərəfindən, onun mərhum anasına aid olan sənədlər kimi məhkəməyə təqdim olunmuşdur. Ərizəçi qeyd olunan faktı təsdiq edən lazımi sənədi başqa qaydada ala bilmir və həmin sənəd ərizəçiyə torpaqlara dair vərəsəlik hüquqna dair şəhadətnamə alınması ilə əlaqədar tələb olunur. Beləliklə, məhkəmənin gəldiyi qənaətə görə, ərizə təmin edilməli, JN–027F KOD 50110028 nömrəli və JN–027A KOD 50110028 nömrəli Torpağın mülkiyyətə verilməsinə dair Şəhadətnamələrin “X5”na aid hissədə “X7”na məxsus olması faktı müəyyən edilməlidir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə görə, hər bir tərəf öz tələblərinin və etirazlarının əsası kimi istinad etdiyi halları sübut etməlidir. 217.3 və 217.4-cü maddələrinə əsasən, qətnamə iş üzrə müəyyən edilmiş həqiqi hallara və tərəflərin münasibətlərinə uyğun əsaslandırılmalıdır. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırmalıdır. Şərh olunanlara əsaslanaraq və Azərbaycan Respublikası MPM-in 216-220, 227, 233.1, 305-311 və 360-cı maddələrini rəhbər tutaraq, məhkəmə qət etdi: Ərizə təmin edilsin. Qazax rayon Aqrar İslahat Komissiyasının 12 iyun 1997-ci il tarixli, 08 saylı qərarı ilə verilmiş JN–027F KOD 50110028 nömrəli və JN–027A KOD 50110028 nömrəli Torpağın mülkiyyətə verilməsinə dair Şəhadətnamələrin “X5”na aid hissədə “X7”na məxsus olması faktı müəyyən edilsin. Qətnamə rəsmi qaydada verildiyi gündən bir ay müddətində Qazax Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Nemət Musayev