Qazax Rayon Məhkəməsi Qətnamə — İş №2(023)-953/2025

Azərbaycan Respublikası adından QƏTNAMƏ Qazax rayon İş № 2(023)-953/2025 03.09.2025 QAZAX RAYON MƏHKƏMƏSİ Hakim Mansırov Elçin Faxrəddin oğlunun sədrliyi, məsləhətəçi (məhkəmə iclas katibi) Həmzəli Nərminə Ruslan qızının katibliyi, Ərizəçi iştirakı ilə, Ərizəçi (maraqlı şəxs Qazax Rayon İcra Hakimiyyəti) «şəxsin fəaliyyət qabiliyyəti olmayan hesab edilməsi» barədə ərizəsinə dair mülki işə açıq məhkəmə iclasında baxaraq, MÜƏYYƏN ETDİ: Ərizəçi ərizə ilə məhkəməyə müraciət edərək, 07 dekabr 2006-cı il təvəllüdlü Ağstafa şəhərində doğulmuş, Azərbaycan Respublikası vətəndaşı, subay, qızı X1 fəaliyyət qabiliyyəti olmayan hesab edilməsi barədə qətnamə çıxarılmasını xahiş etmişdir. Ərizəçi ərizəni onunla əsaslandırılmışdır ki, X3 anadan gəlmə Daun sindromu, Ağır dərəcəli əqli gerilik. Qulluq və müalicə tələb edən ciddi davranış pozuntusu xəstəliyindən əziyyət çəkir. Onun bununla bağlı azyaşlı vaxtlarından 1 qrup əlil kimi pensiya alır və əmək qabiliyyətsizdir. Orqanizimin funksiyalarının pozulması 90% müəyyən edilmişdir. Bu xəstəliyi ilə əlaqədar daima həkim nəzarətində olmalıdır. Bu xəstəlikdə onun digər xəstəliyinin ağırlaşmasına təkan verir. O onu neçə illərdir ambulator müalicə etdirməyə çalışsada nəticəsi olmur. Bu qeyd etdiyi hallar onun müayinəsi ilə bağlı sənədlərdə də təsdiqini tapmışdır. Mütəmadi müalicə etdirmiş ancaq onun xəstəliyinin müalicəsi olmadığı və yalnız sakitləşdiricilərin köməyi olacağını bildirirlər. O bu xəstəlik səbəbindən fəaliyyət qabiliyyətini itirmişdir. Buna görə də məhkəmə qaydasında fəaliyyət qabiliyyəti olmayan hesab edilməlidir. Bu onun hüquqlarının realizəsi üçün vacibdir. Nurcan Carçıyeva öz hərəkətlərini idarə edə bilmir və daimi olaraq qulluğa və yardıma ehtiyacı vardır. Məhkəmə iclasında iştirak edən Ərizəçi ərizəni müdafiə edərək, 07 dekabr 2006-cı il təvəllüdlü X1 fəaliyyət qabiliyyətli olmayan hesab edilməsi barədə qətnamə qəbul edilməsini xahiş etdi. İş üzrə maraqlı şəxs Qazax Rayon İcra Hakimiyyətinin nümayəndəsi məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, məhkəməyə gəlməməyin səbəbini və ya mümkünsüzlüyünü bildirmədən və bu səbəblərin üzrlü olması barədə sübutlar təqdim etmədən məhkəməyə gəlməmişdir. Məhkəmə ərizəni və işin faktiki hallarını araşdıraraq, ərizəçini dinləyərək, işdə olan sənədləri tədqiq edərək və sübutları qiymətləndirərək hesab edir ki, ərizəçinin xahişi təmin edilməlidir. Belə ki, iş materiallarında olan doğum haqqında şəhadətnamənin surətindən görünür ki, X3 07 dekabr 2006-cı il tarixdə anadan olmuş, ata qrafasında X2, ana qarfasında isə Ərizəçi kimi qeyd edilmişdir. İş materiallarında olan Tibbi-Sosial Ekspert Komissiyasının qərarından görünür ki, xx.xx.2006-ci il tarixdə anadan olmuş X1 diaqnozu daun sindromu, Ağır dərəcəli əqli gerilik.Qulluq və müalicə tələb edən ciddi davranış pozuntusu.İQ 26. İş materiallarında olan ambulator məhkəmə psixiatrik ekspertizasının xx.xx.2025-ci il tarixli 378 nömrəli rəyindən görünür ki, xx.xx.2006-ci il təvəllüdlü X3 ağır dərəcəli əqli gerilik (imbesilik dərəcəsində), daun sindromu ilə xəstəliyindən əziyyət çəkir. xx.xx.2006-ci il tarixdə anadan olmuş X3 öz hərəkətlərinin mənasını başa düşmək və öz hərəkətlərinə şüurlu idarə etmək iqtidarında deyildir. X3 fəaliyyət qabiliyyəti olmayan şəxs sayıla bilər. Beləliklə, işdə olan sübutlarla təsdiq olunur ki, xx.xx.2006-ci il təvəllüdlü X3 ağır dərəcəli əqli gerilik (imbesilik dərəcəsində), daun sindromu ilə xəstəliyindən əziyyət çəkir. xx.xx.2006-ci il tarixdə anadan olmuş X3 öz hərəkətlərinin mənasını başa düşmək və öz hərəkətlərinə şüurlu idarə etmək iqtidarında deyildir. X3 fəaliyyət qabiliyyəti olmayan şəxs hesab olunmalıdır. Azərbaycan Respublikası Mülki Məcəlləsinin 28.8-ci maddəsinə görə ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər məhkəmə tərəfindən fəaliyyət qabiliyyyəti olmayan hesab edilə bilər. Azərbaycan Respublikası Mülki Prosessual Məcəlləsinin 321.2-ci maddəsinə görə şəxsin fəaliyyət qabiliyyəti olmayan hesab edilməsinə dair məhkəmə qətnaməsi fəaliyyət qabiliyyəti olmayan hesab edilən şəxs üzərində qəyyum təyin etmək üçün əsasdır. Bununla əlaqədar məhkəmə hesab edir ki, xx.xx.2006-ci il tarixdə anadan olmuş X3 fəaliyyət qabiliyyətli olmayan hesab edilməlidir. Yuxarıda göstərilənlərə əsasən və Azərbaycan Respublikası MPM-nin 216-220, 227, 358-360 və 362-ci maddələrini rəhbər tutaraq, məhkəmə QƏT ETDİ: Ərizəçi ərizəsi təmin edilsin. xx.xx.2006-ci il tarixdə anadan olmuş X3 fəaliyyət qabiliyyəti olmayan hesab edilsin. Qətnamə fəaliyyət qabiliyyəti olmayan hesab edilən şəxs xx.xx.2006-ci il tarixdə anadan olmuş X1 üzərində qəyyum təyin edilməsi üçün əsasdır. Qətnamədən, onun surətini tərəflər rəsmi qaydada aldıqları gündən bir ay müddətində, «Elektron məhkəmə» informasiya sistemində yaradılmış elektron kabinet üzərindən Qazax Rayon Məhkəməsi vasitəsilə Gəncə Apellyasiya Məhkəməsinin Mülki kollegiyasına apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir. Hakim: Elçin Mansırov