Qax Rayon Məhkəməsi Qərardad — İş №2(024)-237/2023

Azərbaycan Respublikası adından QƏRARDAD Qax rayonu İş № 2(024)-237/2023 08.06.2023 QAX RAYON MƏHKƏMƏSİ Hakim Qarayev Malik İbrəhim oğlunun sədrliyi, Məhkəmə iclas katibi Fətəliyev Mansur Məhəmməd oğlunun katibliyi ilə. İddiaçı İsfəndiyar qızının Cavabdeh qarşı “atalıq faktının müəyyən olunması və aliment tələbi” nə dair mülki işə açıq məhkəmə iclasında baxaraq, müəyyən etdi: İddiaçı İsfəndiyar qızı Cavabdeh qarşı ərizə ilə müraciət edərək, Cavabdeh xx.xx.2018-ci ildə anadan olmuş X1 atası olması faktının müəyyən edilməsi və uşağın yetkinlik yaşına çatana qədər saxlanması və maddi cəhətdən təmin edilməsi üçün hər ay 220 manat sabit pul məbləğində aliment təyin edilərək cavabdehdən alınıb mənə verilməsinə dair qətnamə qəbul edilməsini xahiş etmişdir. Məhkəmə iclasının yeri və vaxtı barədə tərəflərə lazımi qaydada məlumat verilməsinə baxmayaraq tərəflər məhkəmə iclasına gəlməmiş və işə onların iştirakı olmadan baxmağı xahiş etməmişlər. Azərbaycan Respublikası Mülki Prosessual Məcəlləsinin 259.0.6-cı maddəsinə əsasən işə onların iştirakı olmadan baxmağı xahiş etməmiş, tərəflər məhkəməyə gəlmədikdə məhkəmə ərizəni baxılmamış saxlayır. Həmin Məcəllənin 114.1 və 114.1.5-ci maddələrinə əsasən ödənilmiş dövlət rüsumu bu Məcəllə ilə nəzərdə tutulmuş əsaslarla ərizə baxılmamış saxlanılarsa, qaytarılır. Həmin Məcəllənin 114.2-ci maddəsinə əsasən bu Məcəllənin 114.1.1-ci maddəsində nəzərdə tutulmuş hallarda dövlət rüsumunun artıq ödənilmiş hissəsi geri qaytarılır. Dövlət rüsumu Azərbaycan Respublikasının qanunları ilə nəzərdə tutlmuş digər hallarda da geri qaytarılır. Məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. Ona görə də, məhkəmə hesab edir ki, Azərbaycan Respublikası Mülki Prosessual Məcəlləsinin 259.0.6-cı maddəsinin tələblərinə əsasən hazırki iş üzrə iddia ərizəsi baxılmamış saxlanmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 263 – 264, 266 – 268, 114-cü maddələrini rəhbər tutaraq, məhkəmə qərara aldı: İddiaçı İsfəndiyar qızınun Cavabdeh qarşı “atalıq faktının müəyyən olunması və aliment tələbi” nə dair iddia ərizəsi baxılmamış saxlanılsın və ərizə ona əlavə edilmiş sənədlərlə birlikdə iddiaçıya geri qaytarılsın. İddiaçı İsfəndiyar qızınun Cavabdeh qarşı “atalıq faktının müəyyən olunması və aliment tələbi” nə dair iddia ərizsinin verilməsi üçün ödənilmiş 50(əlli) manat dövlət rüsumu dövlət büdcəsindən İddiaçı İsfəndiyar qızına geri qaytarılsın. İddiaçıyə izah edilsin ki, ərizənin baxılmamış saxlanmasına səbəb olan şərait aradan qaldırıldıqdan sonra ümumi qaydada ərizə ilə məhkəməyə müraciət edə bilər. Qərardaddan 10(on) gün müddətində Qax Rayon Məhkəməsinə şikayət verilə bilər. Hakim: Malik Qarayev