Qəbələ Rayon Məhkəməsi Qərardad — İş №2(025)-652/2025

Azərbaycan Respublikası adından QƏRARDAD Qəbələ şəhəri İş № 2(025)-652/2025 10.04.2025 QƏBƏLƏ RAYON MƏHKƏMƏSİ Qəbələ Rayon Məhkəməsinin hakimi X14 iddiaçı X1 cavabdehlər, Qəbələ Regional “Asan Xidmət” mərkəzində notariat ofisi, AR İN ƏM DX DƏDKR PHŞ 9 saylı Qəbələ Ərazi İdarəsi, X8 və qeyrilərinə qarşı daşınmaz əmlakın dövlət reyestr qeydinin ləğv edilməsi, daşınmaz əmlak obyektinin ösgəninkiləşdirilməsinə və ipotekasına dair müqavilələrin etibarsız hesab edilməsi, vərəsəlik üzrə mirasın bölünməsi və vərəsəlik hüququ haqqında şəhadətnamə verilməsi tələbi barədə iddia ərizəsinə və ona əlavə edilmiş sənədlərə baxaraq M Ü Ə Y Y Ə N E T D İ: İddiaçı X4 cavabdehlər, Qəbələ Regional “Asan Xidmət” mərkəzində notariat ofisi, AR İN ƏM DX DƏDKR PHŞ 9 saylı Qəbələ Ərazi İdarəsi, X8 və qeyrilərinə qarşı daşınmaz əmlakın dövlət reyestr qeydinin ləğv edilməsi, daşınmaz əmlak obyektinin ösgəninkiləşdirilməsinə və ipotekasına dair müqavilələrin etibarsız hesab edilməsi, vərəsəlik üzrə mirasın bölünməsi və vərəsəlik hüququ haqqında şəhadətnamə verilməsi tələbi barədə iddia qaldıraraq xx.xx.2006-cı il tarixdə vəfat etmiş X2 miras qalmış Qəbələ şəhəri, Bakıxanov küçəsi 1-də yerləşən 0,06 ha həyətyanı torpaq sahəsi və həmin torpaq sahəsi üzərindəki ümumi sahəsi 130,3 kv/m,yaşayış sahəsi 74,3 kv/m, köməkçi sahəsi 56,0 kv/m olan 4 otaqlı fərdi yaşayış evinə dair X5, X3 və X6 adına daşınmaz əmlakın dövlət reyestrində qeydiyyata alınması haqqında Çıxarışların ləğv edilməsi, həmin daşınmaz əmlak obyektinin X7 bağışlanmasına dair Qəbələ Regional “Asan Xidmət” mərkəzində notariat ofisində bağlanmış xx.xx.2023-cü il tarixli 4Ə-1957 saylı müqavilənin və Cavabdeh4 QSC-nin xeyrinə ipoteka ilə yüklü edilməsi haqqında xx.xx.2022-ci il tarixli müqavilənin etibarsız hesab edilməsi, qanun üzrə vərəsəlik üzrə miras üzərində 1/2 hissədə payının müəyyən edilməsi və həmin hissəyə dair adına qanun üzrə vərəsəlik hüququ haqqında şəhadətnamə verilməsi barədə qətnamə çıxarılmasını xahiş etmişdir. AR Mülki Məcəlləsinin 152.1-ci maddəsinə əsasən mülkiyyət hüququ-subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüquqdur. «Daşınmaz əmlakın dövlət reyestri haqqında» AR Qanununun 2.1-ci maddəsinə əsasən daşınmaz əmlaka mülkiyyət və digər əşya hüquqlarının dövlət qeydiyyatı AR Mülki Məcəlləsinə uyğun olaraq daşınmaz əmlaka hüquqların əmələ gəlməsinin, məhdudlaşdırılmasının (yüklülüyünün) başqasına keçməsinin və bu hüquqa xitam verilməsinin dövlət tərəfindən tanınması və təsdiq edilməsi barədə hüquqi aktdır. Həmin Qanunun 2.2-ci maddəsinə əsasən AR Mülki Məcəlləsi ilə və bu qanunla müəyyən edilmiş qaydada daşınmaz əmlak üzərində hüquqların qeydiyyatı daşınmaz əmlakın dövlət reyestrində aparılır. Həmin Qanunun 2.3-cü maddəsinə əsasən daşınmaz əmlak üzərində qeydiyyata alınmış hüquq mübahisələndirilə bilər. “İnzibati icraat haqqında” AR Qanununun 2.0.1-ci maddəsinə əsasən Azərbaycan Respublikasının müvafiq icra hakimiyyəti orqanları, onların yerli (struktur) və digər qurumları, bələdiyyələr, habelə qanuna əsasən inzibati akt qəbul etmək səlahiyəti verilmiş hər hansı fiziki və ya hüquqi şəxs inzibati orqan hesab edilir. Həmin Qanunun 2.0.6-cı maddəsinə əsasən fiziki və hüquqi şəxslərin müraciəti əsasında və ya inzibati orqanların öz təşəbbüsü ilə inzibati aktın qəbul edilməsi, icra olunması, dəyişdirilməsi və ya ləğv edilməsi, habelə inzibati şikayətlərə baxılması üzrə müvafiq inzibati orqanlar tərəfindən bu qanunla müəyyən edilmiş prosedur qaydalar daxilində həyata keçirilən fəaliyyət inzibati icraat qaydasında aparılır. Həmin Qanunun 4.1-ci maddəsinə əsasən inzibati orqanlar qanunla onların səlahiyyətlərinə aid edilmiş işlər üzrə inzibati icraatı həyata keçirirlər. Məhkəmə hesab edir ki, qanunvericiliyə əsasən daşınmaz əmlak obyekti üzərində mülkiyyət hüququnun qeydə alınması və qeydiyyatın ləğv edilməsi barədə ərizələrə inzibati icraat qaydasında inzibati orqanlar tərəfindən baxılır. “İnzibati və mülki hüquq münasibətlərindən irəli gələn mübahisələrin məhkəmə aidiyyətinə dair” Azərbaycan Respublikası Ali Məhkəməsi Plenumunun 2015-ci il 10 aprel tarixli 4 nömrəli qərarının 17-ci bəndində izah edilir ki, daşınmaz əmlakın dövlət reyestrində aparılmış qeydiyyatla bağlı münasibətlərdən irəli gələn mübahisələrin..... məhkəmə aidiyyəti məsələsinin həlli qaldırılmış iddianın hüquqi təbiətindən, onun mülki-hüquqi və ya inzibati-hüquqi tələb olmasından asılıdır. Əgər qeydiyyat mülki-hüquqi əqdlərin (alqı-satqı, bağışlama, vərəsəlik şəhadətnaməsi və s.) əsasında aparılmışdırsa, bu halda, daşınmaz əmlakın dövlət reyestrindəki qeydiyyat onun aparılmasına əsas təşkil etmiş hüquq müəyyənedici sənədlər mübahisələndirilməklə həyata keçirilməli və belə işlərə mülki məhkəmə icraatı qaydasında baxılmalıdır. Reyestrdəki qeydiyyat inzibati akt əsasında aparıldıqda və iddianın faktiki əsasını bu aktın qanunsuzluğu təşkil etdikdə iddiaçı əvvəlcə özünün hüquqi marağına uyğun olaraq müvafiq aktı qəbul etmiş orqana qarşı iddia qaldırmaqla inzibati məhkəmə icraatı qaydasında həmin inzibati aktı mübahisələndirməlidir. Reyestrdəki qeydiyyat hər hansı mülki-hüquqi əqdə və ya inzibati akta əsaslanmadan aparılmışdırsa, bu hal, inzibati orqanın ümumi (publik) hüquqdan irəli gələn səlahiyyətlərinin icrası çərçivəsində həyata keçirilən faktiki xarakterli fəaliyyətin nəticəsidir. Bu qaydada aparılmış qeydiyyatın mübahisələndirilməsi zamanı inzibati orqanın publik hüquqdan irəli gələn vəzifə və səlahiyyətlərinin qanuni və əsaslı olaraq həyata keçirilib-keçirilmədiyinə qiymət verilməli olduğu üçün həmin mübahisələrə inzibati məhkəmə icraatı qaydasında baxılmalıdır. Daşınmaz əmlakın dövlət reyestrində aparılmış qeydiyyat mülki-hüquqi əqdə və yaxud inzibati akta əsaslansa da, iddiaçı həmin hüquq müəyyənedici sənədləri deyil, onlardan irəli gələn qeydiyyatın özünün inzibati orqan tərəfindən düzgün aparılmadığını mübahisələndirdiyi hallarda da işə inzibati məhkəmələrdə baxılmalıdır. AR MPM-nin 153.2.1-ci maddəsinə əsasən ərizəyə məhkəmədə və ya mülki məhkəmə icraatı qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir. Məhkəmə hesab edir ki, iddiaçı X1 cavabdehlər, AR İN ƏM DX DƏDKR PHŞ 9 saylı Qəbələ Ərazi İdarəsi və qeyrilərinə qarşı daşınmaz əmlakın dövlət reyestr qeydinin (çıxarışın) ləğv edilməsi tələbi barədə iddia ərizəsinə qeydiyyatın özünün inzibati orqan tərəfindən düzgün aparılmadığı (alqısatqı, bağışlama, vərəsəlik şəhadətnaməsi və s. olmadan) mübahisələndirdiyi üçün mülki məhkəmə icraatı qaydasında deyil, inzibati məhkəmə icraatı qaydasında baxılmalıdır. Daşınmaz əmlak obyektinin özgəninkiləşdirilməsinə və ipotekasına dair müqavilələrin etibarsız hesab edilməsi, vərəsəlik üzrə mirasın bölünməsi və vərəsəlik hüququ haqqında şəhadətnamə verilməsi tələbi üzrə mübahisəyə mülki məhkəmə icraatı qaydasında baxıldığından daşınmaz əmlakın dövlət reyestr qeydinin (çıxarışın) ləğv edilməsi tələbi ilə birləşdirilə bilməz. AR MPM-nin 152.1.7-ci maddəsinə əsasən bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Məhkəmə hesab edir ki, iddiaçı X1 cavabdehlər, Qəbələ Regional “Asan Xidmət” mərkəzində notariat ofisi, AR İN ƏM DX DƏDKR PHŞ 9 saylı Qəbələ Ərazi İdarəsi, X8 və qeyrilərinə qarşı daşınmaz əmlakın dövlət reyestr qeydinin ləğv edilməsi, daşınmaz əmlak obyektinin ösgəninkiləşdirilməsinə və ipotekasına dair müqavilələrin etibarsız hesab edilməsi, vərəsəlik üzrə mirasın bölünməsi və vərəsəlik hüququ haqqında şəhadətnamə verilməsi tələbi barədə iddia ərizəsi geri qaytarılmalı və ona daşınmaz əmlakın dövlət reyestr qeydinin (çıxarışın) ləğv edilməsi tələb üzrə AR İN ƏMDX DƏDKR PHŞ 9 saylı Qəbələ Ərazi İdarəsinə müraciət etmək hüququ izah edilməlidir. Qeyd olunanlara əsasən Azərbaycan Respublikası MPM-nin 263, 264, 266, 267 və 268-ci maddələrini rəhbər tutaraq Q Ə R A R A A L D İ: İddiaçı X1 cavabdehlər, Qəbələ Regional “Asan Xidmət” mərkəzində notariat ofisi, AR İN ƏM DX DƏDKR PHŞ 9 saylı Qəbələ Ərazi İdarəsi, X8 və qeyrilərinə qarşı daşınmaz əmlakın dövlət reyestr qeydinin ləğv edilməsi, daşınmaz əmlak obyektinin ösgəninkiləşdirilməsinə və ipotekasına dair müqavilələrin etibarsız hesab edilməsi, vərəsəlik üzrə mirasın bölünməsi və vərəsəlik hüququ haqqında şəhadətnamə verilməsi tələbi barədə iddia ərizəsi geri qaytarılsın. Qərardaddan 10 (on) gün müddətində Qəbələ Rayon Məhkəməsinə şikayət verilə bilər. Hakim : Ülvi Qənbərov