Qobustan Rayon Məhkəməsi Qərardad — İş №2(026)-70/2025

Azərbaycan Respublikası adından QƏRARDAD Qobustan rayonu İş № 2(026)-70/2025 24.01.2025 QOBUSTAN RAYON MƏHKƏMƏSİ Hakim Mayılov Samir İlham oğlunun sədrliyi, Rüstəmova Xədicə Abbasəli qızının katibliyi ilə, İddiaçı cavabdeh “Azəriqaz” İstehsalat Birliyinə qarşı “debitor borcunun silinməsi tələbinə dair” iddiası ilə bağlı mülki işə məhkəmənin hazırlıq iclasında baxaraq MÜƏYYƏN ETDİ: İddiaçı iddia ərizəsi ilə məhkəməyə müraciət edərək, cavabdeh “Azəriqaz” X1 X2 İdarəsinin Qobustan xidmət sahəsi tərəfindən hesablanmış 638,90 manat məbləğində borcun silinməsinə dair qətnamə çıxarılmasını və məhkəmə müddətində təbii qazdan istifadə etməsinə görə Qobustan xidmət sahəsinin rəhbərliyinə göstəriş verilməsini xahiş etmişdir. Qobustan Rayon Məhkəməsinin 27 dekabr 2024-cü il tarixli, 2(026)-691/2024 saylı qərardadı ilə İddiaçı cavabdeh “Azəriqaz” İstehsalat Birliyinə qarşı iddia ərizəsinin məhkəmə icraatı mümkün hesab edilmiş, işin məhkəmə hazırlıq iclası 24 yanvar 2025-ci il tarixinə, saat 10:30-a təyin edilmişdir. Hazırlıq icraatı zamanı 15 yanvar 2025-ci il tarixində İddiaçı ərizə ilə məhkəməyə müraciət edərək, “Azəriqaz” X1 X2 İdarəsinin Qobustan xidmət sahəsi tərəfindən hesablanmış 638,90 manat məbləğində borcun silinməsinə dair iddia ərizəsini geri götürdüyünü bildirmiş, nəzərə alınmasını xahiş etmişdir. “Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” Azərbaycan Respublikası Ali Məhkəməsi Plenumunun 31 mart 2011-ci il tarixli, 3 nömrəli Qərarının 2-ci bəndində qeyd olunmuşdur ki, hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-in 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur. Azərbaycan Respublikası Mülki Prosessual Məcəlləsinin 170.1-ci maddəsinə əsasən, bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Məhkəmə yuxarıda qeyd edilənləri nəzərə alaraq belə nəticəyə gəlir ki, İddiaçı cavabdeh “Azəriqaz” İstehsalat Birliyinə qarşı “debitor borcunun silinməsi tələbinə dair” iddia ərizəsi və ona əlavə edilmiş sənədlər qaytarılmalıdır. Yuxarıda göstərilənlərə əsasən Azərbaycan Respublikası Mülki Prosessual Məcəlləsinin 170, 263, 264 və 268-ci maddələrini rəhbər tutub məhkəmə QƏRARA ALDİ: İddiaçı cavabdeh “Azəriqaz” İstehsalat Birliyinə qarşı “debitor borcunun silinməsi tələbinə dair” iddiası ərizəsi və ona əlavə olunmuş sənədlər geri qaytarılsın. Qərardaddan rəsmi qaydada verildiyi gündən on gün müddətində şikayət verilə bilər. Sədrlik edən: Samir Mayılov