Quba Rayon Məhkəməsi Qərardad — İş №2(027)-1077/2022

Azərbaycan Respublikası adından QƏRARDAD Quba şəhəri İş № 2(027)-1077/2022 04.04.2022 QUBA RAYON MƏHKƏMƏSİ Hakim Seyidov Vüqar Mircuma oğlunun sədrliyi, Fətəliyev Veysəl Surxay oğlunun katibliyi, ərizəçilər Ərizəçi1 və Ərizəçi2 iştirakları ilə Ərizəçilər Ərizəçi1 və Ərizəçi2 hüquqi əhəmiyyətli faktın müəyyən edilməsinə dair ərizəsinə və ona əlavə olunmuş sənədlərə məhkəmə hazırlıq iclasında baxaraq, m ü ə y y ə n e t d i: Ərizəçilər Ərizəçi1 və Ərizəçi2 ərizə ilə məhkəməyə müraciət edərək, ”Quba rayon Aqrar İslahat Komissiyasının 28 oktyabr 1998-ci il tarixli, 13 nömrəli qərarı ilə verilmiş JN-067F kod 30327018 saylı torpağın mülkiyyətə verilməsinə dair Şəhadətnamənin onlara, yəni X1, Ərizəçi1 və Ərizəçi2 məxsus olması faktının müəyyən edilməsi barədə qətnamə qəbul edilməsini xahiş etmişlər. Məhkəmə hazırlıq iclasında ərizəçilər Ərizəçi1 və Ərizəçi2 Quba Rayon Məhkəməsinə ərizə ilə müraciət edərək, hazırki ərizənin və ona əlavə olunmuş sənədlərin geyri qaytarılmasını xahiş etmişlər. Məhkəmə, ərizəçilərin vəsatətini və iş materiallarını araşdırıb, hesab edir ki, ərizəçilərin vəsatətinə əsasən hazırki ərizə və ona əlavə olunmuş sənədlər ərizəçilər Ərizəçi1 və Ərizəçi2 geri qaytarılmalıdır. Belə ki, Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 170.1-ci maddəsinə əsasən işin məhkəmə baxışına hazırlanması zamanı iddiaçının vəsatəti üzrə ərizə qaytarıla bilər. Göstərilənləri nəzərə alaraq və Azərbaycan Respublikası MPM-nin 35, 149.2.2, 170, 263- 264 və 266-268-ci maddələrini rəhbər tutaraq, məhkəmə qərara aldı: Ərizəçilər Ərizəçi1 və Ərizəçi2 hüquqi əhəmiyyətli faktın müəyyən edilməsinə dair ərizə və ərizəyə əlavə olunmuş sənədlər Ərizəçilər Ərizəçi1 və Ərizəçi2 vəsatətinə əsasən geri qaytarılsın. Qərardaddan 10 gün ərzində Quba Rayon Məhkəməsinə şikayət verilə bilər. Sədrlik edən: Vüqar Seyidov