Quba Rayon Məhkəməsi Qətnamə — İş №2(027)-1251/2023

Azərbaycan Respublikası adından QƏTNAMƏ Quba şəhəri İş № 2(027)-1251/2023 17.10.2023 QUBA RAYON MƏHKƏMƏSİ Hakim Həsənov Rahim Təşəkkül oğlunun sədrliyi, Xudaverdiyev Elşad Mütəllim oğlunun katibliyi, İddiaçı iştirakı ilə, İddiaçı Cavabdehnə qarşı “borcun silinməsi” tələbinə dair iddiası üzrə mülki işə Quba Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı iddia ərizəsi ilə məhkəməyə müraciət edərək, Azərbaycan Respublikası Nazirlər Kabinetinin 80 saylı qərarına əsaslanaraq Cavabdeh İB-nin, Xaçmaz RQİİ-nin və Quba XS-nin əməkdaşlarının tərtib etdiyi 28 fevral 2022-ci il tarixli ******* №-li Təbii qazdan istifadə qaydalarının pozulması haqqında AKT-ın etibarsız hesab edilməsinə, həmin AKT əsasında hesablanılmış 518,40 (beş yüz on səkkiz manat, qırx qəpik) manat cərimənin silinməsi barədə qətnamə qəbul edilməsini xahiş etmişdir. İddiaçı iddia tələbini onunla əsaslandırmışdır ki, yaşadıqları mənzil ünvan 1 ünvanında yerləşir. Həmin evdə o, bacısı ilə birlikdə yaşayır. Valideynləri, atası - X3 xx.xx.2014-cü ildə, anası X1 xx.xx.2013-cü il tarixdə vəfat ediblər. Hazırda, yaşadıqları evin təbii qaz hesabatları mərhum atası X2 adına aparılır. Evlərinə dövlət hesabına 50734953 saylı sayğac təbii qaz sayğacı quraşdırılmışdı. 07 sentyabr 2021-ci il tarixdə Cavabdeh İB-nin Xaçmaz RQİİ-nin və Quba Xidmət Sahəsinin əməkdaşları həmin evə gələrək, sayğaca baxış keçirmək istədiklərini bildiriblər. Onlar da arxayın şəkildə baxış keçirmək üçün etiraz etməmişlər. Sayğacı açıb baxdıqda, guya, sayğaca müdaxilə edildiyini bildiriblər. Həmin vaxt “Qaz sayğacının çıxarılması, quraşdırılması və istismara qəbulu haqqında” ******* saylı AKT tərtib edilərək istifadələrin də olan mexaniki təbii qaz sayğacını xətdən ayıraraq, əvəzində ZENNER tipli, G4T markalı, **********2 nömrəli yeni sayğac quraşdırılmış, 12142669 nömrəli plomb vurulmuşdur. Cavabdeh İB-nin Xaçmaz RQİİ-nin Quba XS-nin əməkdaşları tərəfindən istifadə edilən qaz sərfini bildirən növbəti bildiriş evlərinə təqdim ediləndə bəlli olmuşdur ki, onların ünvana 518, 40 manat dəyərində cərimə yazılıb. Evlərinin istilik təminatını əsassız yazılan cəriməni ödəmədikləri səbəbindən təmin edə bilmirlər. Onlar üçün 28 fevral 2022-ci il tarixli ******* №-li Təbii qazdan istifadə qaydalarının pozulması haqqında akt tərtib olunmuşdur. Həmin Aktda “ARDNŞ-nin “ Azəriqaz” İB-nin qaz sayğacının yoxlanılması AKT MSK-2911710-04030-1 saylı rəyinə əsasən 50734953 saylı sayğaca baxış keçirilmişdir. Məhkəmə iclasında İddiaçı iddianı müdafiə edərək, təmin edilməsini xahiş etmişdir. Cavabdeh nümayəndələri məhkəmə baxışı iclasında iştirak etməmişdir. Məhkəmə Azərbaycan Respublikası Mülki-Prosessual Məcəlləsinin 185.5-ci maddəsinə əsasən işə cavabdehin iştirakı olmadan baxmışdır. Məhkəmə iş materiallarını araşdıraraq və iş üzrə toplanmış sübutlara hüquqi qiymət verərək hesab edir ki, aşağıdakılara əsasən iddia təmin edilməlidir Belə ki, iş materiallarında olan ******* saylı aktdan görünür ki, ******* saylı sayğaca ümumi baxış keçirilən zaman, sayğacın hesablama mexanizminin qapağı ya tərəfdən əzilib və daxili qulaqcıqlarında əzik cızıq izləri vardır. İş materiallarında olan ölüm haqqında şəhadətnamənin surətindən görünür ki, X3 xx.xx.2014-cü ildə vəfat etmişdir. Müəyyən olunmuşdur ki, İddiaçı atası X3 təbii qaz abonenti kimi qeydiyyatdadır. Lakin, iddiaçının atası X3 xx.xx.2014-cü ildə vəfat etmişdir. Cavabdeh tərəfindən xx.xx.2022-ci il tarixində tərtib edilmiş “Təbii qazdan istifadə qaydalarının pozulması haqqında” aktında qeyd olunmuşdur ki, ******* saylı sayğaca ümumi baxış keçirilən zaman, sayğacın hesablama mexanizminin qapağı ya tərəfdən əzilib və daxili qulaqcıqlarında əzik cızıq izləri vardır. Həmin aktlara əsasən iddiaçının (abonentin) bazasındakı abonent koduna ümumilikdə 518,40 manat məbləğində itirilmiş qazın dəyəri hesablanmışdır. Onun tərəfindən sаyğаcа hər hаnsı müdаxilə edilməsi, iddiаçının təqsirli hərəkət və hərəkətsizliyi nəticəsində sаyğаcın zədələnməsi müəyyən edilmədiyi halda iddiаçıyа əsаssız olаrаq 518,40 manat məbləğində əlаvə sərfiyyаt hesаblаnmışdır. Azərbaycan Respublikası Nazirlər Kabinetinin 12 may 2011-ci il tarixli 80 nömrəli qərarı ilə təsdiq edilən "Qazdan istifadə qaydaları"nın 4.2-ci bəndinə əsasən məişət qaz qurğularının istifadəsi üçün qaz sayğacı qaz paylayıcısının vəsaiti hesabına, sənaye qaz qurğularının istifadəsi üçün isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir. Fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı, hüquqi şəxslərin qaz sayğaclarının işlək vəziyyətdə saxlanılmasına görə cavabdehliyi isə özləri daşıyırlar (4.8). İstehlakçının təqsiri olmadan zədələnmiş qaz sayğacının təmir olunması, texniki baxışdan keçirilməsi, dəyişdirilməsi (yenisi ilə əvəz edilməsi) və quraşdırılması bu Qaydaların 4.2-ci bəndinə uyğun olaraq, zədələnmə istehlakçının təqsiri üzündən baş verdikdə isə istehlakçının vəsaiti hesabına qaz paylayıcısı tərəfindən həyata keçirilir. (4.9). İddiaçı etibarsız hesab edilməsi tələbini qoysa da mahiyyətcə borcun silinməsi barədə tələb irəli sürür. Göründüyü kimi iddiaçının prosessual məqsədi onun hesabında sayğacdan kənar hesablanmış borcun qanunsuz sayılması olduğundan borcun silinməsidir. Yəni iddiaçı aktın etibarsız edilməsi barədə iddia versə də (akt özlüyündə mövcuddur), məhkəmə iddianı akt üzrə nəzərdə tutulan ödəmənin silinməsi barədə iddia kimi qəbul edir. Göründüyü kimi cavabdeh tərəfindən iddiaçıya hesablanmış borcun məhz abonentin sayğaca qanunsuz müdaxiləsindən irəli gəldiyi əsaslandırılmamış, bununla bağlı sübutlar təqdim edilməmişdir. Əksinə Azərbaycan Respublikası Nazirlər Kabinetinin 12 may 2011-ci il tarixli 80 nömrəli qərarı ilə təsdiq edilən "Qazdan istifadə qaydaları"nın 4.8-ci bəndinə əsasən iddiaçının qaz sayğacının işlək vəziyyətdə saxlanılmasına görə cavabdehliyi qaz paylayıcısı daşımışdır. Beləliklə, şərh olunanlara əsasən məhkəmə hesab edir ki, iddia təmin edilərək, “Azəriqaz" İstehsalat Birliyinin əməkdaşları tərəfindən əsassız hesablanmış 518,40 manat məbləğində borc iddiaçının **********01180 saylı abonent hesabından silinməlidir. Azərbaycan Respublikası Mülki Prosessual Məcəlləsinin 77-ci maddəsinə müvafiq olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Qeyd olunanlara əsaslanaraq və Azərbaycan Respublikası MPM-nin 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. **********01180 saylı abonent hesabına hesablanmış 518,40 (beş yüz on səkkiz manat qırx qəpik) manat məbləğində borc pul onun abonent hesabından silinsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinet vasitəsilə Sumqayıt Apellyasiya Məhkəməsinə apellyasiya şikayəti verilə bilər. Sədrlik edən: Rahim Həsənov