Quba Rayon Məhkəməsi Qətnamə — İş №2(027)-1690/2020

Azərbaycan Respublikası adından QƏTNAMƏ Quba şəhəri İş № 2(027)-1690/2020 30.09.2020 QUBA RAYON MƏHKƏMƏSİ Hakim Həsənov Rahim Təşəkkül oğlunun sədrliyi, X10 oğlunun katibliyi, Ərizəçi iştirakı ilə Ərizəçi maraqlı şəxs Azərbaycan Respublikası ƏMDK yanında DƏDRX-nin 5 saylı Ərazi İdarəsinə qarşı hüquqi əhəmiyyətli faktın müəyyən edilməsi barədə ərizəsi üzrə mülki işə açıq məhkəmə iclasında baxaraq, müəyyən etdi: Ərizəçi məhkəməyə ərizə ilə müraciət edərək, Torpağın mülkiyyətə verilməsinə dair JN- 676F KOD 30319018 saylı Şəhadətnamənin Ərizəçi məxsus olması faktının müəyyən edilməsi barədə qətnamə çıxarılmasını xahiş etmişlər. Ərizə onunla əsaslandırılmışdır ki, o, xx.xx.1964-cü ildə Quba rayonu, İ-Nügədi kəndində doğulmuşdur. xx.xx.1982-ci ildə X6 ilə ailə quraraq “Şükürov” soyadını qəbul etmişdir. Quba rayon X4 xx.xx.1997-ci il tarixli 06 nömrəli qərarı ilə Torpağın Mülkiyyətə Verilməsinə dair JN-676F KOD 30319018 saylı Şəhadətnamə ilə fərdi mənzil tikintisi məqsədi ilə ona 0,08 ha torpaq sahəsi verilmişdir. Lakin Torpağın Mülkiyyətə Verilməsinə dair JN-676F KOD 30319018 saylı Şəhadətnamədə onun ad və ata adı səhv yazılmışdır. Şəhadətnamədə Ərizəçi əvəzinə səhvən Şükürova (Taciyeva) Qənirə Nürəddin qızı kimi yazılmışdır. Onun digər sənədlərində də adı Ərizəçi kimi yazılmışıdr. Hazırda ona məxsus torpaq sahəsinə Daşınmaz Əmlakın Dövlət Reyestri Xidmətindən çıxarış almaq istəyir, lakin Şəhadətnamədə ad və ata adı düzgün yazılmadığından bu mümkün deyildir. Şəhadətnaməni verən orqan Azərbaycan Respublikası Dövlət Torpaq və Xəritəçəkmə Komitəsi ləğv edildiyindən şəhadətnamədəki yanlışlıqları aradan qaldıra bilmirlər və məhkəməyə müraciət etmək məcburiyyətində qalmışlar. Məhkəmə iclasında Ərizəçi ərizənin təmin olunmasını xahiş etdi. Məhkəmə iclasının yeri və vaxtı barədə lazımi qaydada məlumatlandırılmasına baxmayaraq, maraqlı tərəf Azərbaycan Respublikası ƏMDK yanında DƏDRX-nin 5 saylı Ərazi İdarəsinin nümayəndəsi məhkəmə iclasına gəlməmiş və gəlməməsinin üzrlü səbəbləri barədə məhkəməyə məlumat verməmişdir. Məhkəmə işə maraqlı tərəfin iştirakı olmadan baxılmasını mümkün hesab etdi. Məhkəmə iclasında şahidlər X2 və X3 ərizəçinin əsl adının Qənirə Nurəddin qızı deyil, Nabat Nürəddin qızı olduğunu təsdiq etmişlər. Məhkəmə Ərizəçi və şahidləri dinləyib, iş materiallarını araşdıraraq, iş üzrə toplanmış sübutlara hüquqi qiymət verərək hesab edir ki, aşağıdakılara əsasən ərizə təmin edilməlidir. Belə ki, iş materiallarında olan Torpağın Mülkiyyətə Verilməsinə dair JN-676F KOD 30319018 saylı Şəhadətnamənin təsdiqlənmiş surətindən görünür ki, X1 Quba rayon X4 xx.xx.1997-ci il tarixli 06 nömrəli qərarı ilə fərdi mənzil tikintisi məqsədi ilə ona 0,08 ha torpaq sahəsi verilmişdir. İş materiallarında olan nikah haqqında şəhadətnamənin təsdiqlənmiş surətindən görünür ki, X5 xx.xx.1982-ci ildə X6 ilə nikaha daxil olmuş, nikah bağlandıqdan sonra Şükürova soyadını almışdır. İş materiallarında olan AZE ******** nömrəli şəxsiyyət vəsiqəsinin surətindən görünür ki, ərizəçinin adı “Nabat”, atasının adı “Nürəddin”dir. İş materiallarına əlavə olunmuş Azərbaycan Respublikası ƏMDK yanında DƏDRX-nin 5 saylı X12 xx.xx.2020-ci il tarixli **********94 nömrəli məktubundan görünür ki, Torpağın Mülkiyyətə Verilməsinə dair JN-676F KOD 30319018 saylı Şəhadətnamədə mülkiyyət sahibinin soyadı və adı səhv qeyd olunduğundan həmin səhvləri aradan qaldırılması məqsədilə məhkəməyə müraciət etmək tövsiyyə edilmişdir. Beləliklə, məhkəmə iclasında müəyyən olunmuşdur ki, Quba rayon X4 xx.xx.1997-ci il tarixli 06 nömrəli qərarı ilə ərizəçiyə verilmiş Torpağın Mülkiyyətə Verilməsinə dair JN-676F KOD 30319018 saylı Şəhadətnamədə səhvlərə yol verilərək, Ərizəçi adı və atasının adı səhvən Qənirə Nurəddin qızı kimi yazılmışdır. Belə ki, Azərbaycan Respublikası Mülki Prosessual Məcəlləsinin 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktını müəyyən edir. İş materiallarından göründüyü kimi, şəxsiyyət vəsiqəsində ərizəçinin adı və atasının adı düzgün olaraq Ərizəçi kimi qeyd edilmişdir. Azərbaycan Respublikası Mülki Prosessual Məcəlləsinin 308-ci maddəsinə görə məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məhkəmə təqdim olunmuş sübutlara məcmu halında qiymət verərək, belə qənaətə gəlir ki, Torpağın mülkiyyətə verilməsinə dair JN-676F KOD 30319018 saylı Şəhadətnamənin Ərizəçi məxsus olması faktı iş materialları ilə təsdiq olunduğu üçün, ərizə əsaslıdır və təmin olunmalıdır. Həmin Məcəllənin 14.2-ci maddəsinin tələbinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinin tələbinə görə, hər bir tərəf öz tələb və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinin tələbinə görə, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanlara əsasən və Azərbaycan Respublikasının Mülki Prosessual Məcəlləsinin 216- 220-ci maddələrini rəhbər tutaraq, məhkəmə qət etdi: Ərizə təmin edilsin. Torpağın mülkiyyətə verilməsinə dair JN-676F KOD 30319018 saylı Şəhadətnamənin Ərizəçi məxsus olması faktı müəyyən edilsin. Qətnamədən, rəsmi qaydada verildikdən sonra 1 (bir) ay müddətində Quba Rayon Məhkəməsi vasitəsilə Sumqayıt Apelyasiya Məhkəməsinə apelyasiya şikayəti verilə bilər. Sədrlik edən: Rahim Həsənov