Quba Rayon Məhkəməsi Qətnamə — İş №2(027)-1917/2020

Azərbaycan Respublikası adından QƏTNAMƏ Quba şəhəri İş № 2(027)-1917/2020 10.11.2020 QUBA RAYON MƏHKƏMƏSİ Hakim Həsənov Rahim Təşəkkül oğlunun sədrliyi, X16 oğlunun katibliyi, Ərizəçilər Ərizəçi1 və Ərizəçi2 iştirakı ilə, Ərizəçilər Ərizəçi1 və Ərizəçi2 maraqlı şəxs Azərbaycan Respublikası ƏMDK yanında DƏDRX-nin 5 saylı Ərazi İdarəsinə qarşı hüquqi əhəmiyyətli faktın müəyyən olunması tələbinə dair ərizəsi üzrə mülki işə Quba Rayon Məhkəməsinin binasında, açıq məhkəmə iclasında baxaraq məhkəmə, m ü ə y y ə n e t d i: Ərizəçilər Ərizəçi1 və Ərizəçi2 məhkəməyə ərizə ilə müraciət edərək, Azərbaycan Respublikası Dövlət Əmlakı Nazirliyi tərəfindən Quba rayonu, Fətəlixan küçəsində yerləşən Kommunal müəssisələr kombinatının 2 saylı hamamına Mülkiyyət üzərində sahiblik hüququnu təsdiqləyən 000159 qeydiyyat nömrəli, xx.xx.2020-ci il tarixli Şəhadətnamənin onlara Ərizəçi1 və Ərizəçi2 məxsus olması faktının müəyyən edilməsinə dair qətnamə qəbul edilməsini xahiş etmişlər. Ərzəçilər Ərizəçi1 və Ərizəçi2 ərizələrini onunla əsaslandırmışlar ki, onlar Quba rayonu, Fətəlixan küçəsində yerləşən Kommunal müəssisələr kombinatının 2 saylı hamamına mülkiyyət üz\rində sahiblik hüququnu təsdiqləyən 000519 qeydiyyat nömrəli xx.xx.2020-ci il tarixli Şəhadətnamə verilmişdir. Şəhadətnaməni alandan sonra məlum olmuşdur ki, Şəhadətnamədə adı “Zarax” əvəzinə səhvən “Zaxar”, Gülxanın adı isə “Gülcahan” əvəzinə səhvən “Gülxanım” olaraq yazılmışdır. Hal-hazırda bu əmlaka DƏDRX-dən çəxarəş almaq məqsədilə müraciət etsələr də, adları səhv qeyd olunduğundan ərizəsinin qeydiyyatından imtina etmişlər. Şəhadətnaməni verən orqan ləğv edildiyindən həmin yanlışlığın aradan qaldırılması ilə əlaqədar məhkəməyə müraciət etmək məcburiyyətində qalmışdır. Məhkəmədə ərizəçilər Ərizəçi1 və Ərizəçi2 ərizəni müdafiə edərək, ərizənin təmin olunmasını xahiş etdilər. Məhkəmə iclasının yeri və vaxtı barədə lazımi qaydada məhkəmə bildirişi göndərilməsinə baxmayaraq, digər ərizəçi və maraqlı şəxs qismində AR ƏMDK yanında DƏDRX-nin 5 saylı Ərazi İdarəsinin nümayəndəsi məhkəmə iclasına gəlməmiş və gəlməməsinin üzrlü səbəbləri barədə məhkəməyə məlumat verməmişlər. Məhkəmə işə digər ərizəçilərin və maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə ərizəçini dinləyib, iş materiallarını araşdıraraq, iş üzrə toplanmış sübutlara hüquqi qiymət verərək hesab edir ki, aşağıdakılara əsasən ərizə təmin edilməlidir. Belə ki, iş materiallarına əlavə edilmiş “şəxsiyyət vəsiqəsi”nin surətindən görünür ki, Ərizəçi2 xx.xx.1949-cu il tarixdə anadan olmuşdur. Şəxsiyyət vəsiqəsində onun adı “Gülcahan” olaraq qeyd edilmişdir. İş materiallarına əlavə edilmiş “şəxsiyyət vəsiqəsi”nin surətindən görünür ki Ərizəçi1 xx.xx.1940-ci il tarixdə anadan olmuşdur. Şəxsiyyət vəsiqəsində onun adı “Zarax” olaraq qeyd edilmişdir. İş materiallarına əlavə edilmiş Dövlət Əmlakının hüquqi və fiziki şəxslərə satılması haqqında Şəhadətnamənin surətindən görünür ki, X9, X6, X13 və X2 000159 saylı, xx.xx.2000-ci il tarixdə Şəhadətnamə tərtib edilərək mülkiyyətlərinə verilmişdir. Beləliklə, məhkəmə iclasında müəyyən olunmuşdur ki, Ərizəçi1, X7, X14 və X4Dövlət Əmlakının hüquqi və fiziki şəxslərə satılması haqqında Şəhadətnaməyə əsasən Quba rayonu, Fətəlixan küçəsində yerləşən Kommunal müəssisələr kombinatının 2 saylı hamamını qüvvədə olan qanunvericilik əsasında satın almış və bununla əlaqədar 000159 saylı, xx.xx.2000-ci il tarixdə Şəhadətnamə tərtib edilmişdir. Həmin Şəhadətnamədə “Ərizəçi1” əvəzinə səhvən “X12” kimi, “X4” əvəzinə səhvən “X5” kimi qeyd olunmuşdur. Ərizəçi1 və Ərizəçi2 məhkəmədən Dövlət Əmlakının hüquqi və fiziki şəxslərə satılması haqqında 000159 saylı, xx.xx.2000-ci il tarixdə Şəhadətnamənin onlara məxusus olması faktının müəyyən edilməsini xahiş etmişlər. Azərbaycan Respublikası Mülki-Prosessual Məcəlləsinin 307-ci maddəsinə görə məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və tərəfindən verilən şəhadətnamələrdən başqa) həmin şəxsə məxsus olması faktını müəyyən edir. Həmin Məcəllənin 308-ci maddəsinə görə məhkəmə hüquqi əhəmiyyəti olan faktları o zaman müəyyən edə bilər ki, Ərizəçilər həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 14.2-ci maddəsinin tələbinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinin tələbinə görə, hər bir tərəf öz tələb və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinin tələbinə görə, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə təqdim olunmuş və məhkəmədə araşdırılmış sübutlara məcmu halında qiymət verərək, belə qənaətə gəlir ki, ərizəçilərin göstərdiyi hal, yəni Dövlət Əmlakının hüquqi və fiziki şəxslərə satılması haqqında 000159 saylı, xx.xx.2000-ci il tarixdə X1 və X14 ilə yanaşı, Ərizəçi1 və Ərizəçi2 məxsus olması faktı iş materialları ilə təsdiq olunur, ona görə də ərizə təmin olunmalıdır. Şərh olunanlara əsasən və Azərbaycan Respublikasının Mülki-Prosessual Məcəlləsinin 216-220-ci maddələrini rəhbər tutaraq, məhkəmə q ə t e t d i: Ərizəçilər Ərizəçi1 və Ərizəçi2 hüquqi əhəmiyyətli faktın müəyyən olunması tələbinə dair ərizələri təmin edilsin. Dövlət Əmlakının hüquqi və fiziki şəxslərə satılması haqqında 000159 saylı, xx.xx.2000-ci il tarixdə Şəhadətnamənin Ərizəçi1 və Ərizəçi2 münasibətdə onlara məxsus olmasına dair hüquqi fakt müəyyən edilsin. Qətnamədən, rəsmi qaydada verildikdən sonra 1 (bir) ay müddətində Quba Rayon Məhkəməsi vasitəsilə Sumqayıt Apellyasiya Məhkəməsinə apellyasiya şikayəti verilə bilər. Sədrlik edən: Rahim Həsənov