Quba Rayon Məhkəməsi Qətnamə — İş №2(027)-588/2024

Azərbaycan Respublikası adından QƏTNAMƏ Quba şəhəri İş № 2(027)-588/2024 07.05.2024 QUBA RAYON MƏHKƏMƏSİ Hakim Babayev Aydın Vahid oğlunun sədrliyi, X1, Ərizəçi iştirakı ilə, Ərizəçi maraqlı şəxs Quba rayon İcra Hakimiyyəti yanında Qəyyumluq və Himayəçilik komissiyası cəlb olunmaqla şəxsin fəaliyyət qabiliyyəti olmayan hesab edilməsi tələbinə dair ərizəsi üzrə mülki işə açıq məhkəmə iclasında baxaraq, məhkəmə müəyyən etdi: Ərizəçi maraqlı şəxs Quba rayon İcra Hakimiyyəti yanında Qəyyumluq və Himayəçilik komissiyası cəlb olunmaqla şəxsin fəaliyyət qabiliyyəti olmayan hesab edilməsi tələbinə dair ərizə ilə məhkəməyə müraciət edərək, övladı xx.xx.2003-cü il təvəllüdlü Əliyeva Nuray Rasim qızının fəaliyyət qabiliyyəti olmayan şəxs hesab edilməsi barədə qətnamə qəbul edilməsini xahiş etmişdir. Ərizəçi ərizəsini onunla əsaslandırmışdır ki, övladı xx.xx.2003-cü il təvəllüdlü Əliyeva Nuray Rasim qızı “Kvadroplegik spastik serebral iflic”, “USİ kvadriplegik forma (ağırlaşma)”, “Hərəkətin və yerişin pozulmaları”, “Yerişin kəskin pozulması”, “Spastik tetraplegiya”, “Spastik tetraparez (aşağı ətraflarda nəzərəçarpan kəskin olmaqla)” diaqnozu əsasında birinci dərəcəli ömürlük əlil hesab edilmişdir. Sağlamlıq vəziyyəti ağır olduğu üçün onu ailə üzvü olaraq əriylə o himayə edir, hazırda da ona qulluq edir. Birinci dərəcəli əlil və yataq xəstəsi olaraq, onun kənar şəxsin qulluğuna ehtiyacı vardır. Bəzi hallarda hüquq müəyyənedici sənədlərin imzalanması zərurəti yarandığından ailəsi bir sıra çətinliklərlə üzləşir. Sərbəst surətdə hərəkətlərini idarə edə bilməməsi, öz mənafeyini qoruya bilməməsi səbəbindən onun fəaliyyət qabiliyyətinin olmaması barədə qərar verilməsi üçün məhkəməyə müraciət etməli olub. Məhkəmə iclasında Ərizəçi ərizəsinin məzmununa uyğun izahat vermiş və ərizəsinin təmin olunmasını xahiş etmişdir. Məhkəmə iclasının yeri və vaxtı barədə lazımi qaydada xəbərdar edilməsinə baxmayaraq, maraqlı şəxs Quba RİH-nin Qəyyumluq və Himayəçilik Komissiyası nümayəndəsinin məhkəmə iclasında iştirakını təmin etməmiş və səbəbləri barədə məlumat verməmişdir. Məhkəmə, işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə ərizəçinin izahatını dinləyərək iş materiallarını tədqiq edərək hesab edir ki, ərizə əsaslı olduğundan təmin edilməlidir. Belə ki, iş materiallarında olan AZ-İ 362713 seriya və nömrəli “Doğum haqqında şəhadətnamə”nin surətindən göründüyü kimi, Əliyeva Nuray Rasim qızı 30 may 2003-cü ildə anadan olmuş, atası X9, anası Ərizəçi qeyd edilib. İş materiallarında olan Vİİ-ЖГ 250248 seriyalı “Nikahın bağlanması haqqında şəhadətnamə”dən göründüyü kimi, X9 ilə X3 arasında 24 iyun 1995-ci il tarixdə Quba rayon İHBnın Zərqava İƏD üzrə nümayəndəliyində nikah bağlanmış, bu barədə akt qeydləri kitabında 57 nömrə ilə qeyd edilmişdir. Nikahdan sonra qadına “Əliyeva” soyadı verilmişdir. İş materiallarında olan AZE 04035946 seriya və nömrəli şəxsiyyət vəsiqəsinin təsdiq edilmiş surətindən görünür ki, X2 rayonu, Gədikqışlaq kəndində qeydiyyatdadır. İş materiallarında olan ******* nömrəli vəsiqədən və müayinə məlumatlarından görünür ki, Əliyeva Nuray Rasim qızı sağlamlıq imkanları məhdud şəxs kimi DSMF-nin Quba rayon şöbəsində 1-ci qrup əlil kimi qeydiyyata alınıb. Quba RMX-dan verilmiş arayışdan görünür ki, xx.xx.2003-cü il təvəllüdlü Əliyeva Nuray Rasim qızına “Kvadroplegik spastik serebral iflic”, “USİ kvadriplegik forma (ağırlaşma)”, “Hərəkətin və yerişin pozulmaları”, “Yerişin kəskin pozulması”, “Spastik tetraplegiya”, “Spastik tetraparez (aşağı ətraflarda nəzərəçarpan kəskin olmaqla)” diaqnozu qoyulmuşdur. İş materiallarında olan Azərbaycan Respublikası Səhiyyə Nazirliyi “Məhkəmə Psixiatrik Ekspertza Mərkəzi” Publik Hüquqi şəxsinin xx.xx.2024-cü il tarixli 555 saylı ekspert rəyindən göründüyü kimi, Əliyeva Nuray Rasim qızında ağır dərəcəli əqli gerilik uşaq serebral iflici nəticəsində aşkar olunur, Əliyeva Nuray Rasim qızının psixi vəziyyətlərinə görə hərəkətlərinin mənasını dərk etmək və onları idarə etmək iqtidarına malik deyil. Əliyeva Nuray Rasim qızı fəaliyyət qabiliyyəti olmayan şəxs kimi hesab edilməlidir. Azərbaycan Respublikası Mülki-Prosessual Məcəlləsinin 305.1.3-cü maddəsinə əsasən şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi haqqında işlərə məhkəmə xüsusi icraat qaydasında baxır. Azərbaycan Respublikası Mülki Məcəlləsinin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər də məhkəmə tərəfindən fəaliyyət qabiliyyəti olmayan sayıla bilər. Onlar üzərində qəyyumluq müəyyənləşdirilir. Həmin Məcəllənin 33.1-ci maddəsinə əsasən qəyyumluq və himayəçilik fəaliyyət qabiliyyəti və ya məhdud fəaliyyət qabiliyyətli fiziki şəxslərin hüquq və mənafelərinin müdafiəsi üçün təyin edilir. Azərbaycan Respublikası Mülki-Prosessual Məcəlləsinin 318.2-ci maddəsinə əsasən şəxsin fəaliyyət qabiliyyəti olmayan hesab edilməsi haqqında ərizədə psixi qüsurun nəticəsində şəxsin öz hərəkətlərinin mənasını anlaya bilməməsini və ya öz hərəkətlərini idarə edə bilməməsini təsdiq edən hallar şərh edilməlidir. Həmin Məcəllənin 321.2-ci maddəsinə əsasən şəxsin fəaliyyət qabiliyyəti olmayan hesab edilməsinə dair məhkəmə qətnaməsi fəaliyyət qabiliyyəti olmayan hesab edilən şəxs üzərində qəyyum təyin etmək üçün əsasdır. Qeyd olunanlara əsasən məhkəmə hesab edir ki, Əliyeva Nuray Rasim qızı öz psixi vəziyyətinə görə hərəkətlərinin mənasını dərk etmək və onları şüurlu idarə etmək iqtidarına malik olmadığından ərizə təmin edilməli, 30 may 2003-cü il Quba şəhərində anadan olmuş Əliyeva Nuray Rasim qızı fəaliyyət qabiliyyəti olmayan şəxs hesab edilməlidir. Azərbaycan Respublikası Mülki Məcəlləsinin 34.2-ci maddəsinə əsasən fiziki şəxsin fəaliyyət qabiliyyəti olmayan sayılması və ya fəaliyyət qabiliyyətinin məhdudlaşdırılması barədə qərarın qanuni qüvvəyə mindiyi gündən etibarən üç gün ərzində məhkəmə həmin fiziki şəxs üzərində qəyyumluq və himayəçilik təyin edilməsi üçün onun yaşayış yeri üzrə qəyyumluq və himayəçilik orqanına bu barədə məlumat verməlidir. Şərh edilənlərə əsasən və Azərbaycan Respublikası MPM-nin 216-220, 305, 317-321 və 360-cı maddələrini rəhbər tutaraq, məhkəmə qət etdi: Ərizə təmin edilsin. 30 may 2003-cü il Quba şəhərində anadan olmuş Əliyeva Nuray Rasim qızı fəaliyyət qabiliyyəti olmayan şəxs hesab edilsin. Əliyeva Nuray Rasim qızı üzərində qəyyumluq təyin edilməsi üçün onun yaşayış yeri üzrə qəyyumluq və himayəçilik orqanına məlumat verilsin. Ödənilmiş 100 manat məbləğində dövlət rüsumu ərizəçiyə aid edilsin. Qətnamədən rəsmi qaydada verildiyi gündən 1 (bir) ay müddətində Quba rayon Məhkəməsi vasitəsilə (elektron kabinet vasitəsilə) Sumqayıt Apellyasiya Məhkəməsinə apellyasiya şikayəti verilə bilər. Sədrlik edən: Aydın Babayev