Qubadlı Rayon Məhkəməsi Qərardad — İş №2(028)-620/2022

Azərbaycan Respublikası adından QƏRARDAD Sumqayıt şəhəri İş № 2(028)-620/2022 01.11.2022 QUBADLI RAYON MƏHKƏMƏSİ X2 Ruvinov Ərizəçi maraqlı tərəf Qubadlı rayon İcra Hakimiyyətinə qarşı fəaliyyət qabiliyyətsiz hesab edilmə tələbinə dair ərizəsinə və ona əlavə edilmiş sənədlərə baxaraq, müəyyən etdi: Ərizəçi maraqlı tərəf Qubadlı rayon İcra Hakimiyyətinə qarşı fəaliyyət qabiliyyətsiz hesab edilmə tələbinə dair ərizəsi ilə məhkəməyə müraciət edərək, xx.xx.1976-cı ildə anadan olmuş atası X1 fəaliyyət qabiliyyətsiz hesab edilməsi barədə qətnamə qət edilməsini xahiş etmişdir. Məhkəmə iddia ərizəsini və ona əlavə edilmiş sənədləri araşdırıb belə nəticəyə gəlir ki, iddia ərizəsi ona əlavə edilmiş sənədlərlə birlikdə geri qaytarılmalıdır. Belə ki, AA3389565 seriya nömrəli şəxsiyyət vəsiqəsinin surətindən görünür ki, ərizəçinin atası xx.xx.1976-cı il təvəllüdlü X1 qeydiyyat ünvanı (yaşayış yeri) Sumqayıt şəhəri, 18-ci mikrorayon, 41, 28-dir. Azərbaycan Respublikasının Mülki Prosessual Məcəlləsinin 317.3-cü maddəsinə əsasə şəxsin məhdud fəaliyyət qabiliyyətli və ya fəaliyyət qabiliyyəti olmayan hesab edilməsi barədə ərizə həmin şəxsin yaşayış yeri üzrə məhkəməyə, əgər şəxs psixiatriya (psixonevroloji) müəssisəsində yerləşdirilmişsə, həmin müəssisənin olduğu yerin məhkəməsinə verilir. Həmin Məcəllənin 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Məhkəmə yuxarıda qeyd olunanları ərizəçi tərəfindən aidiyyət qaydalarının pozulması kimi qiymətləndirir və Azərbaycan Respublikasının Mülki Prosessual Məcəlləsinin 152.1.3-cü maddəsinə istinad edərək hesab edir ki, ərizə və ona əlavə olunmuş sənədlər geri qaytarılmalıdır. Azərbaycan Respublikasının Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263- 268, 317-ci maddələrini rəhbər tutaraq qərara aldi: Ərizəçi maraqlı tərəf Qubadlı rayon İcra Hakimiyyətinə qarşı fəaliyyət qabiliyyətsiz hesab edilmə tələbinə dair ərizəsi və ona əlavə olunmuş sənədlər geri qaytarılsın. Ərizəçiyə izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan, rəsmi qaydada verildiyi (və ya alındığı) gündən 10 (on) gün müddətində Qubadlı Rayon Məhkəməsinə şikayət verilə bilər. HAKİM VLADİMİR RUVİNOV