Qusar Rayon Məhkəməsi Qərardad — İş №2(029)-579/2021

Azərbaycan Respublikası adından QƏRARDAD Qusar şəhəri İş № 2(029)-579/2021 21.06.2021 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu Qusar rayonu Köhnə Xudat bələdiyyəsinin sədri İddiaçı Cavabdeh qarşı qanunsuz tikilinin sökülməsi tələbinə dair iddia ərizəsinə baxaraq, Müəyyən etdim: Qusar rayonu Köhnə Xudat bələdiyyəsinin sədri İddiaçı Cavabdeh qarşı qanunsuz tikilinin sökülməsi tələbinə dair iddia ərizəsi ilə məhkəməyə müraciət etmişdir. İddia ərizəsindən görünür ki, ərizədə cavabdehin adı və poçt ünvanı göstərilməmiş, həmçinin iddia ərizəsi Mülki Prosessual Məcəllənin tələblərinə uyğun tərtib edilməmiş, iddia ərizəsi kimi deyil, ümumi ərizə kimi verilmişdir. Azərbaycan Respublikasının MPM-nin 149.2.2-ci maddəsinə əsasən ərizədə işdə iştirak edən şəxslərin adları, onların poçt ünvanları göstərilməlidir. Beləliklə, ərizə Azərbaycan Respublikasının MPM-nin 149-cu maddəsinin tələbləri pozulmaqla-yəni iddia ərizəsinin formasına və məzmununa riayət edilmədən məhkəməyə verilmişdir. Azərbaycan Respublikasının MPM-nin 152.1.1-ci maddəsinə əsasən ərizənin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Ona görə də, hesab edirəm ki, iddia ərizəsi geri qaytarılmalıdır. Yuxarıda göstərilənlərə əsasən və Azərbaycan Respublikasının MPM-nin 152.1.1, 263-264, 267-268-ci maddələrini rəhbər tutaraq, Qərara aldım: İddia ərizəsi və ona əlavə edilmiş sənədlər Qusar rayonu Köhnə Xudat bələdiyyəsinin sədri İddiaçı geri qaytarılsın. Qusar rayonu Köhnə Xudat bələdiyyəsinin sədri İddiaçı izah edilsin ki, göstərilən nöqsanlar aradan qaldırıldıqdan sonra yenidən ümumi qaydada ərizə ilə məhkəməyə müraciət edilə bilər. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar. Qusar rayon məhkəməsinin hakimi: Adil Vəliyev