Qusar Rayon Məhkəməsi Qərardad — İş №2(029)-841/2020

Azərbaycan Respublikası adından QƏRARDAD Qusar şəhəri İş № 2(029)-841/2020 02.09.2020 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu Ərizəçi Maraqlı şəxsnə qarşı Azərbaycan Respublikasında daimi yaşama faktının müəyyən edilməsinə dair ərizəsinə baxaraq, Müəyyən etdim: Ərizəçi maraqlı şəxs Qusar rsyon Polis Şöbəsinə qarşı Azərbaycan Respublikasında daimi yaşama faktının müəyyən edilməsinə dair ərizə ilə məhkəməyə müraciət etmişdir. Ərizədən və ona əlavə olunmuş sənədlərdən görünür ki, Dövlət Miqrasiya Xidməti tərəfindən vətəndaşlıq məsələsi ilə bağlı həmin xidmətin Xaçmaz regional miqrasiya idarəsinə müraciət etməsi ərizəçiyə tövsiyyə olunmuşdur. Lakin, ərizəçinin həmin idarəyə müraciət etməsi və oradan müvafiq cavab alınması barədə heç bir sənəd ərizəyə əlavə olunmamış, ərizədə həmin idarə maraqlı şəxs kimi göstərilməmişdir. Azərbaycan Respublikasının MPM-nin 149.2.2-ci maddəsinə əsasən ərizədə işdə iştirak edən şəxslərin adları, onların poçt ünvanları göstərilməlidir. Həmin Məcəllənin 150.0.5-ci maddəsinə əsasən iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri iddia ərizəsinə əlavə edilir. Beləliklə, ərizə Azərbaycan Respublikasının MPM-nin 149-cu maddəsinin tələbləri pozulmaqla məhkəməyə verilmişdir. Azərbaycan Respublikasının MPM-nin 152.1.1-ci maddəsinə əsasən ərizənin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Ona görə də, hesab edirəm ki, ərizə geri qaytarılmalıdır. Yuxarıda göstərilənlərə əsasən və Azərbaycan Respublikasının MPM-nin 152.1.1, 263- 264, 267-268-ci maddələrini rəhbər tutaraq, Qərara aldım: Ərizə və ona əlavə edilmiş sənədlər Ərizəçi geri qaytarılsın. Ərizəçi izah edilsin ki, göstərilən nöqsanlar aradan qaldırıldıqdan sonra yenidən ümumi qaydada ərizə ilə məhkəməyə müraciət edilə bilər. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar