Qusar Rayon Məhkəməsi Qərardad — İş №2(029)-933/2022

Azərbaycan Respublikası adından QƏRARDAD Qusar şəhəri İş № 2(029)-933/2022 19.09.2022 QUSAR RAYON MƏHKƏMƏSİ Qusar rayon məhkəməsinin hakimi Cəlilov Əli İsa oğlu, İddiaçılar X1 və İddiaçı2 Sevləddin qızının cavabdehlər Cavabdeh1 Sevləddin oğluna, X3, Cavabdeh3 Sevləddin oğluna, Cavabdeh4, Cavabdeh5 və Qusar rayon Notariat Ofisinə qarşı “ümumi birgə mülkiyyətdə olan əmlaklardan payların müəyyən edilməsi və miras əmlaklarına vərəsəlik hüququnun tanınaraq həmin əmlaklardan vərəsələrin paylarının müəyyən edilməsi” tələbinə dair iddia ərizəsinin məhkəmə icraatına götürülməsinin mümkünlüyünə baxaraq məhkəmə, müəyyən etdi: İddiaçılar X4 və İddiaçı2 Sevləddin qızı cavabdehlər Cavabdeh1 Sevləddin oğluna, X3, Cavabdeh3 Sevləddin oğluna, Cavabdeh4, Cavabdeh5 və Qusar rayon Notariat Ofisinə qarşı “ümumi birgə mülkiyyətdə olan əmlaklardan payların müəyyən edilməsi və Miras əmlaklarına vərəsəlik hüququnun tanınaraq həmin əmlaklardan vərəsələrin paylarının müəyyən edilməsi” tələbinə dair iddia ərizəsi verərək, Qusar rayonu Qalacıq kəndində yerləşən təyinatı kənd təsərrüfatı təyinatlı torpaqlar olan 2.4139 və 1.3448 hektar torpaq sahələrinin ümumi birgə mülkiyyətçiləri olan İddiaçı2 Sevləddin qızının, İddiaçı1, Cavabdeh1 Sevləddin oğlunun, və mərhumlar X2 və X6 ümumi birgə mülkiyyətlərindən hər birinin 1/5 hsissədə payları müəyyən olunmasını, Qusar rayonu Qalacıq kəndində yerləşən təyinatı kənd təsərrüfatı təyinatlı torpaqlar olan 2.4139 və 1.3448 hektar torpaq sahələrindən mərhumlar X2 və X6 hər birinə çatacaq 1/5 hissədə miras əmlaklarından onların vərəsələri olna onlar iddiaçıların, yəni İddiaçı2 Sevləddin qızının və İddiaçı1 hər birinin vərəsəlik hüquqları tanınaraq payları müəyyən edilərək ayrılması və bu barədə Qusar rayon Notariat Ofisi tərəfindən vərəsəlik şəhadətnaməsinin verilməsi bartədə qətnamə çıxarılmasını məhkəmədən xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi ona əlavə edilmiş sənədlərlə birlikdə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 149.2.2-ci maddəsinə əsasən iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmalarınaparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) ərizədə göstərilməlidir. Həmin Məcəllənin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 36.1-ci maddəsinə əsasən yaşayış yeri məlum olmayan, yaxud Azərbaycan Respublikasında yaşayış yeri olmayan cavabdehə iddia onun əmlakının olduğu yerə görə və ya məlum olan axırıncı yaşayış yerinə görə verilə bilər. İddia ərizəsindən isə görünür ki, digər cavabdehlər Cavabdeh4 və Cavabdeh5 RFnın vətəndaşlarıdır. İş materiallarından görünür ki, digər cavabdehlər Cavabdeh4 və Cavabdeh5 qeydiyyat yerləri və ya sonuncu yaşayış yerləri barədə hər hansı sənədlər əlavə olunmamışdır. Həmçinin “Elektron Məhkəmə İnformasiya Sistemi”ndən edilmiş çıxarışdan da göründüyü kimi elektron məhkəmə sistemində digər cavabdehlər Cavabdeh4 və Cavabdeh5 dair FİN tapılmamışdır. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Həmin Məcəllənin 114.1.2-ci maddəsinə əsasən bu Məcəllə ilə nəzərdə tutulmuş əsaslarla ərizəni baxılmaq üçün qəbul etməkdən imtina edilərsə ödənilmiş dövlət rüsumu geri qaytarılır. Göstərilənlərə əsasən məhkəmə hesab edir ki, iddiaçılar X1 və İddiaçı2 Sevləddin qızının cavabdehlər Cavabdeh1 Sevləddin oğluna, X3, Cavabdeh3 Sevləddin oğluna, Cavabdeh4, Cavabdeh5 və Qusar rayon Notariat Ofisinə qarşı “ümumi birgə mülkiyyətdə olan əmlaklardan payların müəyyən edilməsi və Miras əmlaklarına vərəsəlik hüququnun tanınaraq həmin əmlaklardan vərəsələrin paylarının müəyyən edilməsi” tələbinə dair iddia ərizəsi və ona əlavə edilmiş sənədlər iddiaçıya geri qaytarılmalı, iddiaçılar İddiaçı2 Sevləddin qızının, İddiaçı1 məhkəmədə işə baxılması üçün ödədikləri 200 (iki yüz) manat dövlət rüsumu İddiaçı2 Sevləddin qızına və İddiaçı1 geri qaytarılmalı və icrası Azərbaycan Respublikası Maliyyə Nazirliyinin Qusar rayon maliyyə şöbəsinə tapşırılmalıdır. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 149-152, 263, 264 və 268-ci maddələrini rəhbər tutaraq məhkəmə, qərara aldı : İddiaçılar X1 və İddiaçı2 Sevləddin qızının cavabdehlər Cavabdeh1 Sevləddin oğluna, X3, Cavabdeh3 Sevləddin oğluna, Cavabdeh4, Cavabdeh5 və Qusar rayon Notariat Ofisinə qarşı “ümumi birgə mülkiyyətdə olan əmlaklardan payların müəyyən edilməsi və Miras əmlaklarına vərəsəlik hüququnun tanınaraq həmin əmlaklardan vərəsələrin paylarının müəyyən edilməsi” tələbinə dair iddia ərizəsi və ona əlavə edilmiş sənədlər iddiaçılara geri qaytarılsın. İddiaçılar İddiaçı2 Sevləddin qızının və İddiaçı1 məhkəmədə işə baxılması üçün ödədiyi 200 (iki yüz) manat dövlət rüsumu İddiaçı2 Sevləddin qızına və İddiaçı1 geri qaytarılsın və icrası Azərbaycan Respublikası Maliyyə Nazirliyinin Qusar rayon maliyyə şöbəsinə tapşırılsın. İddiaçılara izah edilsin ki, göstərilən nöqsan aradan qaldırıldıqdan sonra iddiaçılar təkrarən ümumi qaydada iddia ərizəsi ilə məhkəməyə müraciət edə bilər. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar. Hakim: Əli Cəlilov