İmişli Rayon Məhkəməsi Qətnamə — İş №2(036)-1069/2023

Azərbaycan Respublikası adından QƏTNAMƏ İmişli rayonu İş № 2(036)-1069/2023 26.04.2023 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlunun sədrliyi, Tağıyev Rasət Şaiq oğlunun katibliyi və Ərizəçi iştirakı ilə, Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizəsinə dair mülki işə açıq məhkəmə iclasında baxaraq MÜƏYYƏNETDİ: Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizə ilə məhkəməyə müraciət edib JN-152 saylı «Torpağa mülkiyyət hüququna dair» Dövlət aktında səhvən qeyd olunmuş adların düzəldilərək X2 Zəkaray Vilayət oğlu, X1 (Ağamirzəyeva) Şəbnəm Zəkaray qızı, X3 Raqil Zəkaray oğlu kimi oxunaraq həmin sənədin ona məxsus olması faktının müəyyən edilməsi haqqında qətnamə çıxarılmasını xahiş etmişdir. Ərizəçi izahatında göstərmişdir ki, o, ailə üzvləri ilə birlikdə İmişli rayonunun Cavadxanlı kəndində yaşayır.Rayonda aparılan torpaq islahatı nəticəsində 4.01 ha kənd təsərrüfatı təyinatlı torpaq sahəsi ailə üzvlərinin ümumi mülkiyyətinə verilmiş və JN-152 saylı «Torpağa mülkiyyət hüququna dair» Dövlət aktı ilə adlarına rəsmiləşdirilmişdir.Lakin həmin sənəddə texniki səhvə yol verilərək torpaq mülkiyyətçilərinin adı düzgün qeyd olunmamışdır.Ona görə də, JN-152 saylı «Torpağa mülkiyyət hüququna dair» Dövlət aktında səhvən qeyd olunmuş adların düzəldilərək X2 Zəkaray Vilayət oğlu, X1 (Ağamirzəyeva) Şəbnəm Zəkaray qızı, X3 Raqil Zəkaray oğlu kimi oxunaraq həmin sənədin onlara məxsus olması faktının müəyyən edilməsi haqqında ərizə vermişdir. İşdə olan JN-152 saylı «Torpağa mülkiyyət hüququna dair» Dövlət aktının surətinə əsasən əsasən İmişli rayon AİK-nin xx.xx.1998-ci il tarixli 7746 saylı qərarı ilə İmişli rayonunun Cavadxanlı kəndində yerləşən planda sərhədləri göstərilmiş 4.01 ha torpaq sahəsi X13, Ərizəçi, X15, X19, X21 və X10 ümumi mülkiyyətinə verilmişdir. İşdə olan Seriya AZE******** nömrəli AR X4 surətinə əsasən Ərizəçi xx.xx.1963-cü ildə anadan olmuşdur. İşdə olan Seriya AA0368946 nömrəli AR X4 surətinə əsasən X20 xx.xx.1983-cü ildə anadan olmuşdur. İşdə olan Seriya AA1616810 nömrəli AR X4 surətinə əsasən X7 xx.xx.1985-ci ildə anadan olmuşdur. İşdə olan İmişli RİHB-nin Cavadxanlı kənd İƏD üzrə İN tərəfindən verilmiş xx.xx.2023-cü il tarixli 66 nömrəli arayışına əsasən JN-152 saylı «Torpağa mülkiyyət hüququna dair» Dövlət aktında texniki səhv olaraq X8 adı X13, Məmmədova (Ağamirzəyeva) Şəbnəm Zəkaray qızının adı X15, X20 adı X6 yazılmışdır. AR MPM-nin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquqmüəyyənedici sənədin şəxsə məxsus olması faktını məhkəmə müəyyən edir. Həmin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ona görə də məhkəmə hesab edir ki, JN-152 saylı «Torpağa mülkiyyət hüququna dair» Dövlət aktında mülkiyyətçi kimi göstərilmiş X2 Zəkaray Vilayət oğluna, X1 (Ağamirzəyeva) Şəbnəm Zəkaray qızına, X3 Raqil Zəkaray oğluna aid edilməsi faktı müəyyən edilməlidir. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360-cı maddələrini rəhbər tutaraq Q Ə T E T D İ: Ərizə təmin olunsun. JN-152 saylı «Torpağa mülkiyyət hüququna dair» Dövlət aktında torpaq mülkiyyətçiləri sırasında qeyd olunmuş X2 Zəkaray Vilayət oğluna, X1 (Ağamirzəyeva) Şəbnəm Zəkaray qızına, X3 Raqil Zəkaray oğluna aid edilsin və həmin sənədin müvafiq olaraq onlara məxsus olması faktı müəyyən edilsin. Qətnamədən 1 (bir) ay müddətində İmişli Rayon Məhkəməsi vasitəsilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov