İmişli Rayon Məhkəməsi Qətnamə — İş №2(036)-1247/2020

Azərbaycan Respublikası adından QƏTNAMƏ İmişli rayonu İş № 2(036)-1247/2020 01.06.2020 İMİŞLİ RAYON MƏHKƏMƏSİ Hakim Hacıyev Qurban Hamid oğlunun sədrliyi, Hacıyeva Nuranə Busat qızının katibliyi, Ərizəçi iştirakı ilə, Ərizəçi “hüquq müəyyənedici sənədin şəxsə məxsus olması faktının müəyyən edilməsi tələbi barədə” iddia ərizəsi üzrə mülki işə İmişli Rayon Məhkəməsinin binasında açıq məhkəmə iclasında baxaraq, Müəyyən etdi: Ərizəçi ərizə ilə məhkəməyə müraciət edərək «Torpağın mülkiyyətə verilməsinə dair» JN-020A nömrəli 90712018 kodlu Dövlət aktında səhvən qeyd olunmuş “x5” x11 və “x6” x1 oxunaraq həmin sənədin onlara məxsus olması faktının müəyyən edilməsi barədə qətnamə qəbul edilməsini xahiş etmişdir. Məhkəmə iclasında Ərizəçi izahatında göstərmişdir ki, JN-0014, KOD 90716038 saylı torpağa mülkiyyət hüququna dair dövlət aktında torpaq mülkiyyətçilərinin adları düzgün yazılmamışdır. Bu yalnışlığa görə həmin hüquqmüəyyənedici sənəddən istifadə etmələrinə mane olur.Sözü gedən dövlət aktına müvafiq düzəlişlərin edilməsi üçün Daşınmaz Əmlakın Dövlət Reyestri Xidmətinin 6 saylı x10 müraciət edilmişdir.Həmin ərazi idarəsində düzəlişlərin edilməsindən imtina edilmiş, 6 saylı x9 göstərilən məsələyə hər hansı köməklik etmək səlahiyyətinə malik olmadığı üçün aidiyyəti məhkəməyə müraciət etməsi tövsiyyə olunmuşdur. Dövlət aktını vermiş Aqrar islahat komissiyası və torpaq şöbələri ləğv edildiyindən torpaq sənədinin məhkəmədən kənar dəyişdirilməsi mümkünsüzdür. Odur ki, qeyd olunanların nəzərə alınmaqla ərizənin təmin olunmasını xahiş edir. Maraqlı şəxs Daşınmaz Əmlakın Dövlət Reyestri Xidmətinin 6 saylı x10 məhkəmə iclasının vaxtı və yeri barədə lazımi qaydada məlumat verilməsinə baxmayaraq məhkəmə baxışı iclasına gəlməmiş və gəlməməsinin səbəbləri barədə məhkəməyə məlumat verməmişdir. Məhkəmə Azərbaycan Respublikası MPM-nin 185.6-cı maddəsinə əsaslanaraq mülki işə onun iştirakı olmadan baxılmasını mümkün hesab etdi. Məhkəmə ərizəçini dinləyib, iş materiallarını tədqiq edərək hesab edir ki, ərizə təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. İşmateriallarında olan JN-020A nömrəli 90712018 kodlu «Torpağın mülkiyyətə verilməsinə dair» dövlət aktının surətinə əsasən İmişli rayon AİK-nin 24.12.1997-ci il tarixli 13 saylı qərarı ilə planda sərhədləri göstərilmiş 0.93 ha torpaq sahəsi ərizəçinin və onun ailə üzvlərinin ümumi mülkiyyətinə verilmişdir. İşdə olan İmişli rayon İHB-nın Muradallı kənd İƏD üzrə nümayəndəliyi tərəfindən verilmiş 13.01.2020-ci il tarixli 25 və 26 nömrəli arayışlarına əsasən İmişli rayonunun Muradallı kəndində x12 və x13 adlı şəxsl olmamışdır, onların adına verilmiş JN-020A nömrəli 90712018 kodlu «Torpağın mülkiyyətə verilməsinə dair» dövlət aktında adları səhv yazılmışdır, x11 və x8 həmin dövlət aktına əsasən verilmiş torpaq mülkiyyətçilərindəndir. İşin araşdırılan hallarından müəyyən olunmuşdur ki, «Torpağın mülkiyyətə verilməsinə dair» JN-020A nömrəli 90712018 kodlu Dövlət aktında texniki səhvə yol verilərək torpaq mülkiyyətçilərindən x7 adı səhvən x12, x3 adı isə x2 qeyd olunmuşdur. Azərbaycan Respublikası Mülki Prosessual Məcəlləsinin: 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda məhkəmə hüquqmüəyyənedici sənədin şəxsə məxsus olması faktını müəyyən edir. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə hesab edir ki, ərizə tmin edilməli, torpağın mülkiyyətə verilməsinə dair JN-020A nömrəli 90712018 kodlu Dövlət aktının x11 və x4 aid edilməsi və həmin sənədin onlara məxsus olması faktı müəyyən edilməlidir. Yuxarıda göstərilənlərə əsasən Azərbaycan Respublikası Mülki-Prosessual Məcəlləsinin 216-220, 227, 233, 357 və 360-cı maddələrini rəhbər tutaraq, məhkəmə Qət etdi: Ərizə təmin edilsin. Torpağın mülkiyyətə verilməsinə dair JN-020A nömrəli 90712018 kodlu Dövlət aktının x11 və x4 aid edilməsi və həmin sənədin onlara məxsus olması faktı müəyyən edilsin. Qətnamədən rəsmi qaydada verildiyi gündən 1 ay müddətində İmişli Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Hakim: Qurban Hacıyev