İmişli Rayon Məhkəməsi Qətnamə — İş №2(036)-2531/2020

Azərbaycan Respublikası adından QƏTNAMƏ İmişli rayonu İş № 2(036)-2531/2020 28.10.2020 İMİŞLİ RAYON MƏHKƏMƏSİ İmişli rayon Məhkəməsi Qənbərov Ülvi Oktay oğlunun sədrliyi, Qəniyev Nurlan Mehman oğlunun katibliyi, X1nın və cavabdeh «xxxxxxxx» ASC-nin nümayəndəsi Əliyev Rövşən Yolçu oğlunun iştirakı ilə, X1nın cavabdeh «xxxxxxxx» ASC Aran RESTİ-ə qarşı «elektrik enerjisindən istifadə qaydalarının pozulması haqqında» aktın etibarsız hesab edilməsi və debitor borcun ləğv edilməsi tələbi barədə iddiasına dair mülki işə baxaraq M Ü Ə Y Y Ə N E T D İ: X1 cavabdeh «xxxxxxxx» ASC-ə qarşı «elektrik enerjisindən istifadə qaydalarının pozulması haqqında» aktın etibarsız hesab edilməsi və debitor borcun ləğv edilməsi tələbi barədə iddia ərizəsi ilə məhkəməyə müraciət edib «xxxxxxxx» ASC ARAN RESTİ üzrə tərtib edilmiş «elektrik enerjisindən istifadə qaydalarının pozulması haqqında» xx xxxxxx 2019-cu il tarixli AKT R № 157350 nömrəli aktın etibarsız hesab edilməsi və hesablanmış debitor borcun ləğv edilməsi barədə qətnamə çıxarılmasını xahiş etmişdir. X1 iddia tələbini müdafiə edərək izahatında göstərmişdir ki, o, ailə üzvləri ilə birlikdə İmişli rayonu, Muradxanlı kəndində yaşayır və yaşadığı evdə istifadə olunan elektrik enerjisinin haqqı həmişə vaxtıvaxtında ödənilmişdir. Lakin yaşadığı ünvanda sayğacdankənar elektrik enerjisindən istifadə olunması faktına görə «elektrik enerjisindən istifadə qaydalarının pozulması haqqında» xx xxxxxx 2019-cu il tarixli AKT R № 157350 nömrəli akt tərtib edilib və mərhum əri X7 adına açılmış abonent hesabına borc yazılmışdır. X2 (kod: **********0) adına tərtib edilən «elektrik enerjisindən istifadə qaydalarının pozulması haqqında» aktdan onun xəbəri olmamış və həmin aktın surətini almamışdır. Ona görə də, «elektrik enerjisindən istifadə qaydalarının pozulması haqqında» xx xxxxxx 2019-cu il tarixli AKT R № 157350 nömrəli aktın etibarsız hesab edilməsi və hesablanmış debitor borcun ləğv edilməsi tələbi barədə iddia qaldırmışdır. Cavabdeh «xxxxxxxx» ASC-nin nümayəndəsi Əliyev Rövşən Yolçu oğlu iddia tələbini qəbul etməyərək izahatında göstərmişdir ki, «xxxxxxxx» ASC Aran RESTİ-nin yoxlayıcıları tərəfindənn xx.xx.2020-ci il tarixdə istehlakçılar tərəfindən enerjidən istifadə qaydalarına əməl olunmasına nəzarət həyata keçirilərkən X4 məxsus olan İmişli rayonu, Muradxanlı kəndində yerləşən fərdi yaşayış evində sayğacdankənar elektrik enerjisindən istifadə olunması faktı aşkar edildiyinə görə «elektrik enerjisindən istifadə qaydalarının pozulması haqqında» xx xxxxxx 2019-cu il tarixli AKT R № 157350 nömrəli akt tərtib edilmiş, EEİQ-nin pozulması ilə əlaqədar hesabat aparılaraq qoşulmuş xəttin gücünə görə enerji sərfiyyatı müəyyən edilmiş və debitor borc hesablanmışdır. Ona görə də, aktın ləğv edilməsi üçün heç bir əsas yoxdur. Məhkəmə tərəflərin izahatını dinləyib işdə olan materialları tədqiq edərək aşağıda qeyd olunanlara görə hesab edir ki, iddia tələbi təmin edilməlidir. İşdə olan İmişli rayon Qeydiyyat şöbəsinin xx.xx.2020-ci il tarixli 05/70-222 saylı nömrəli arayışına əsasən X11 xx.xx.2017-ci il tarixdə vəfat etmişdir. İşdə olan İmişli rayon Qeydiyyat şöbəsinin İ-İE № 054740 nömrəli nikah haqqında şəhadətnamənin surətinə əsasən X6 X11 ilə xx.xx.1964-cü ildə rəsmi nikaha daxil olmuş və Abbasova soyadını qəbul etmişdir. İşin materiallarında olan «xxxxxxxx» ASC ARAN RESTİ üzrə tərtib edilmiş «elektrik enerjisindən istifadə qaydalarının pozulması haqqında» xx xxxxxx 2019-cu il tarixli AKT R № 157350 nömrəli aktın surətinə əsasən istehlakçılar tərəfindən enerjidən istifadə qaydalarına əməl olunmasına nəzarətin həyata keçirilməsi məqsədilə xx xxxxxx 2019-cu il tarixdə aparılmış yoxlama nəticəsində X4 məxsus olan İmişli rayonu, Muradxanlı kəndində yerləşən fərdi yaşayış evində sayğacdankənar elektrik enerjisindən istifadə olunması faktı aşkar edilmiş və hesabat aparılaraq qoşulmuş xəttin gücünə görə enerji sərfiyyatı müəyyən edilib abonentlə yenidən hesablaşma aparılmışdır. AR Nazirlər Kabinetinin xx.xx.2005-ci il tarixli 18 nömrəli qərarı ilə təsdiq olunmuş «Elektrik enerjisindən istifadə Qaydaları» nın 7.13-cü bəndinə əsasən məişət abonentləri ilə elektrik enerjisinə görə hesablaşmalar quraşdırıldığı yerdən asılı olmayaraq, hesablaşma yalnız elektrik sayğacının göstərişinə və bu istehlakçı qrupu üçün müəyyən edilmiş tarifə əsasən aparılır. Qaydaların 8.2-ci bəndinə əsasən enerji təchizatı müəssisəsi istehlakçıya verdiyi elektrik enerjisinin dəyərini yalnız sayğacın göstəricilərinə əsasən tam hesablamalı və hər ay istehlakçıya məlumat (hesab) təqdim etməlidir Qaydaların 8.17-ci bəndinə əsasən elektrik enerjisinin uçotunda səhv aşkar edildikdə, enerjitəchizatı müəssisəsi Azərbaycan Respublikasının Mülki Məcəlləsində nəzərdə tutulmuş iddia müddətindən kənara çıxmamaq şərti ilə elektrik sayğaclarının sonuncu dəfə əvəz olunması və ya qoşulma sxeminin yoxlanılması müddətindən sonrakı dövr üçün yenidən hesablaşma aparmalıdır. Qaydaların 8.33-cü bəndinə əsasən məişət abonenti tərəfindən elektrik enerjisindən istifadədə pozuntuya yol verildiyi aşkar edildikdə, enerji təchizatı müəssisəsinin nümayəndəsi onun və iki nəfər hal şahidinin iştirakı ilə akt tərtib edir və aktların bir nüsxəsini məişət abonentinə təqdim verir. Akt energi təchizatı müəssisəsinin nümayəndəsi, məişət abonenti və iki nəfər hal şahidi tərəfindən imzalanmalıdır. Məişət abonenti aktı imzalamaqdan imtina etdikdə bu barədə aktda müvafiq qeyd aparılır. Məişət abonenti izahatlar və aktların məzmumu barədə öz mülahizələrini təqdim etmək, habelə aktı imzalamaqdan imtina etməsinin səbəblərini göstərmək hüququna malikdir, bu izahatlar və mülahizələr akta əlavə edilmişdir. AR MPM-nin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəlllənin 81-ci maddəsinə əsasən qanuna və ya digər normativ aktlara əsasən müəyyən sübutetmə vasitələri ilə təsdiq edilməli olan işin halları başqa sübutlarla təsdiq oluna bilməz. Məhkəmə tədqiq olunmuş sübutlara yuxarıda qeyd olunan hüquq normalarına əsasən qiymət verərək hesab edir ki, «elektrik enerjisindən istifadə qaydalarının pozulması haqqında» xx xxxxxx 2019-cu il tarixli AKT R № 157350 nömrəli akt qanunvericilikdə nəzərdə tutulmuş qaydada tərtib edilmədiyindən özüözlüyündə etibarsız olduğundan abonent X11 ilə həmin sənədə əsasən yenidən hesablaşma aparıla bilməzdi. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360cı maddələrini rəhbər tutaraq Q Ə T E T D İ: İddia tələbi təmin olunsun. Cavabdeh «xxxxxxxx» ASC üzrə tərtib edilmiş «Elektrik enerjisindən istifadə qaydalarının pozulması haqqında» xx xxxxxx 2019-cu il tarixli AKT R № 157350 nömrəli akt etibarsız hesab edilsin və həmin akta əsasən X1nın abonent (kod: **********0) hesabına əlavə edilmiş debitor borc silinsin. Cavabdeh «xxxxxxxx» ASC -nin hesabından 20 (iyirmi) manat dövlət rüsumu tutulub dövlət büdcəsinə keçirilsin. Qətnamədən 1 (bir) ay müddətində İmişli Rayon Məhkəməsi vasitəsilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov İş№ 2(036)2531/2020 xx xxxxxxx 2020-ci il X4 İmişli rayonu, Muradxanlı kəndi Surəti: "xxxxxxxx" ASC-ə Bakı şəh, Nəsimi rayonu, Bakıxanov küç 13 İmişli rayon Məhkəməsinin xx xxxxxxx 2020-ci il tarixli 2(036)2531/2020 saylı qətnaməsinin surəti sizə göndərilir. Qoşma: “02” vərəqdə Hakim: Ülvi Qənbərov