İmişli Rayon Məhkəməsi Qətnamə — İş №2(036)-2655/2020

Azərbaycan Respublikası adından QƏTNAMƏ İmişli rayonu İş № 2(036)-2655/2020 04.11.2020 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlunun sədrliyi, Qəniyev Nurlan Mehman oğlunun katibliyi və Ərizəçi iştirakı ilə, Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizəsinə dair mülki işə açıq məhkəmə iclasında baxaraq MÜƏYYƏN ETDİ: Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizə ilə məhkəməyə müraciət edib JN-0356 saylı «Torpağa mülkiyyət hüququna dair» Dövlət aktında səhvən qeyd olunmuş Xudiyeva Gövhər Adil qızı Xudiyeva Göhər Adil qızı kimi oxunaraq həmin sənədin ona məxsus olması faktının müəyyən edilməsi haqqında qətnamə çıxarılmasını xahiş etmişdir. Ərizəçi izahatında göstərmişdir ki, rayonda aparılan torpaq islahatı nəticəsində İmişli rayonunun Şahverdili kəndində yerləşən cizgidə sərhədləri göstərilmiş 3.18 ha kənd təsərrüfatı təyinatlı torpaq sahəsi onun və ailə üzvlərinin mülkiyyətinə verilmiş və JN-0356 saylı «Torpağa mülkiyyət hüququna dair» Dövlət aktı ilə rəsmiləşdirilmişdir. Lakin həmin sənəddə texniki səhvə yol verilərək torpaq mülkiyyətçilərinin adı düzgün qeyd olunmamışdır. Ona görə də, ərizə verib JN-0356 saylı «Torpağa mülkiyyət hüququna dair» Dövlət aktında səhvən qeyd olunmuş Xudiyeva Gövhər Adil qızı Xudiyeva Göhər Adil qızına aid edilməsi faktının müəyyən edilməsi barədə qətnamə çıxarılmasını xahiş etmişdir. İşdə olan JN-0356 saylı «Torpağa mülkiyyət hüququna dair» Dövlət aktının surətinə əsasən İmişli rayon AİK-nin xx.xx.2004-cü il tarixli 10 saylı qərarı ilə İmişli rayonunun Şahverdili kəndində yerləşən planda sərhədləri göstərilmiş 3.18 ha torpaq sahəsi X3, X2, X6, X7, X4 və Xudiyeva Gövhər Adil qızının ümumi mülkiyyətinə verilmişdir. İşdə olan Seriya AZE ******** nömrəli AR X1 surətinə əsasən Ərizəçi xx.xx.1977-ci ildə İmişli rayonunun Şahverdili kəndində anadan olmuşdur. İşdə olan İmişli rayon Qeydiyyat şöbəsinin İX-JQ № 276806 nömrəli doğum haqqında şəhadətnamənin surətinə əsasən Xudiyeva Göhər Adil qızı xx.xx.1977-ci ildə İmişli rayonunun Şahverdili kəndində anadan olmuşdur. İşdə olan İmişli rayon Qeydiyyat şöbəsinin 126696 nömrəli doğum haqqında şəhadətnamənin surətinə əsasən X8 xx.xx.1971-ci ildə Kirobabadi şəhərində anadan olmuşdur. İşdə olan İmişli RİHB-nin İmişli şəhər İƏD üzrə İN-nin xx.xx.2020-ci il tarixli 488 saylı arayışda göstərilmişdir ki, JN-0356 saylı «Torpağa mülkiyyət hüququna dair» Dövlət aktında texniki səhv edilərək Xudiyeva Göhər Adil qızının adı Xudiyeva Gövhər Adil qızı kimi yazılmışdır. AR MPM-nin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquqmüəyyənedici sənədin şəxsə məxsus olması faktını məhkəmə müəyyən edir. Həmin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ona görə də məhkəmə hesab edir ki, JN-0356 saylı «Torpağa mülkiyyət hüququna dair» Dövlət aktında mülkiyyətçi kimi göstərilmiş Xudiyeva Gövhər Adil qızı Xudiyeva Göhər Adil qızına aid edilməsi faktı müəyyən edilməlidir. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360-cı maddələrini rəhbər tutaraq Q Ə T E T D İ: Ərizə təmin olunsun. JN-0356 saylı «Torpağa mülkiyyət hüququna dair» Dövlət aktında torpaq mülkiyyətçiləri sırasında qeyd olunmuş Xudiyeva Gövhər Adil qızı Xudiyeva Göhər Adil qızına aid edilsin və həmin sənədin müvafiq olaraq onlara məxsus olması faktı müəyyən edilsin. Qətnamədən 1 (bir) ay müddətində İmişli Rayon Məhkəməsi vasitəsilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov İş №2(036)2655/2020 xx xxxxxx 2020-ci il Ərizəçi İmişli rayonu, Şahverdili kəndi Surəti: AR ƏM DK DƏDRX-nin 6 saylı Ərazi İdarəsi Beyləqan şəhəri, S.İmrəliyev küç. 95 İmişli rayon Məhkəməsinin xx xxxxxx 2020-ci il tarixli 2(036)2655/2020 saylı qətnaməsinin surəti məlumat üçün sizə göndərilir. Qoşma: “02” vərəqdə Hakim: Ülvi Qənbərov