İmişli Rayon Məhkəməsi Qətnamə — İş №2(036)-2931/2020

Azərbaycan Respublikası adından QƏTNAMƏ İmişli rayonu İş № 2(036)-2931/2020 21.10.2020 İMİŞLİ RAYON MƏHKƏMƏSİ Hakim Hacıyev Qurban Hamid oğlunun sədrliyi, Hacıyeva Nuranə Busat qızının katibliyi, Ərizəçi iştirakı ilə, Ərizəçi “hüquq müəyyənedici sənədin şəxsə məxsus olması faktının müəyyən edilməsi tələbi barədə” ərizəsi üzrə mülki işə İmişli rayon məhkəməsinin binasında açıq məhkəmə iclasında baxaraq, Müəyyən etdi: Ərizəçi ərizə ilə məhkəməyə müraciət edərək «Torpağın mülkiyyətə verilməsinə dair» JN- 349A nömrəli, 90710005 saylı torpaq şəhadətnaməsində səhvən qeyd olunmuş “X3” X1 oxunaraq həmin sənədin onlara məxsus olması faktının müəyyən edilməsi barədə qətnamə qəbul edilməsini xahiş etmişdir. Məhkəmə iclasında Ərizəçi izahatında göstərmişdir ki, JN-349A nömrəli, 90710005 saylı «Torpağın mülkiyyətə verilməsinə dair» şəhadətnaməsində torpaq mülkiyyətçisi kimi oğlunun adı düzgün yazılmamışdır. Bu yalnışlığa görəonlar həmin hüquqmüəyyənedici sənəddən istifadə edə bilmir.Sözü gedən Dövlət aktına müvafiq düzəlişlərin edilməsi üçün Daşınmaz Əmlakın Dövlət Reyestri Xidmətinin 6 saylı X11 müraciət edilmişdir.Həmin ərazi idarəsində düzəlişlərin edilməsindən imtina edilmiş, 6 saylı X7 göstərilən məsələyə hər hansı köməklik etmək səlahiyyətinə malik olmadığı üçün aidiyyəti məhkəməyə müraciət etməsi tövsiyyə olunmuşdur. Dövlət aktını vermiş Aqrar islahat komissiyası və torpaq şöbələri ləğv edildiyindən torpaq sənədinin məhkəmədən kənar dəyişdirilməsi mümkünsüzdür. Odur ki, qeyd olunanların nəzərə alınmaqla ərizənin təmin olunmasını xahiş edir. Maraqlı şəxs Daşınmaz Əmlakın Dövlət Reyestri Xidmətinin 6 saylı X11 məhkəmə iclasının vaxtı və yeri barədə lazımi qaydada məlumat verilməsinə baxmayaraq məhkəmə baxışı iclasına gəlməmiş və gəlməməsinin səbəbləri barədə məhkəməyə məlumat verməmişdir. Məhkəmə Azərbaycan Respublikası MPM-nin 185.6-cı maddəsinə əsaslanaraq mülki işə onun iştirakı olmadan baxılmasını mümkün hesab etdi. Məhkəmə ərizəçini dinləyib, iş materiallarını tədqiq edərək hesab edir ki, ərizə təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. İş materiallarında olan JN-349A nömrəli 90710005 kodlu «Torpağın mülkiyyətə verilməsinə dair» torpaq şəhadətnaməsinin surətinə əsasən İmişli rayon AİK-nin xx xxxxxx 1998-ci il tarixli 11 saylı qərarı ilə planda sərhədləri göstərilmiş 0.21 ha torpaq sahəsi Ərizəçi, X12, X13, X9, X5 ümumi mülkiyyətlərinə verilmişdir. İşdə olan doğum haqqında şəhadətnamənin surətindən görünür ki, X8 xx.xx.1985-ci ildə İmişli rayonu Məzrəli kəndində anadan olmuşdur. İşdə olan AZE13614328 nömrəli şəxsiyyət vəsiqəsinin surətindən görünür ki, X3 adı, soyadı və ata adı şəxsiyyət vəsiqəsində X1 qeyd edilmişdir. İş materiallarında olan AZ-İ 817928 nömrəli nikah haqqında şəhadətnamənin surətindən görünür ki X8 ilə X10 arasında nikah xx xxx 2013-cü il tarixdə İmişli RİHB-nin Məzrəli KİƏD-si üzrə nümayəndəliyi tərəfindən bağlanmış və həmin nikah 15 nömrəli akt qeydi ilə qeydə alınmışdır. İşdə olan İmişli rayon İcra Hakimiyyəti Başçısının Məzrəli kənd İnzibati ərazi dairəsi üzrə nümayəndəliyi tərəfindən verilmiş xx.xx.2020-ci il tarixli 837 nömrəli arayışdan görünür ki, JN- 349A nömrəli 90710005 saylı torpağın mülkiyyətə verilməsinə dair şəhadətnamədə adının X2 qeyd olunması səhvdir, əslində həmin sənəddə adı X1 qeyd olunmalı idi. X9 adında İmişli rayon Məzrəli kəndində adam yoxdur və yaşamır. İşin araşdırılan hallarından müəyyən olunmuşdur ki, «Torpağın mülkiyyətə verilməsinə dair» JN-349A nömrəli 90710005 kodlu torpaq şəhadətnaməsində açıq səhvə yol verilərək torpaq mülkiyyətçilərindən X4 adı səhvən “X9” kimi, qeyd olunmuşdur, onun şəxsiyyət vəsiqəsində, o cümlədən digər sənədlərində qeyd olunan adı ilə torpaq şəhadətnaməsində göstərilən adı düz gəlmir. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda məhkəmə hüquqmüəyyənedici sənədin şəxsə məxsus olması faktını müəyyən edir. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə hesab edir ki, ərizə təmin edilməli, torpağın mülkiyyətə verilməsinə dair JN-349A nömrəli 90710005 kodlu torpaq şəhadətnaməsinin Ərizəçi, X12, X13, X8, X6 məxsus olması faktı müəyyən edilməlidir. Yuxarıda göstərilənlərə əsasən Azərbaycan Respublikası Mülki-Prosessual Məcəlləsinin 216-220, 227, 233, 357 və 360-cı maddələrini rəhbər tutaraq, məhkəmə Qət etdi: Ərizə təmin edilsin. Torpağın mülkiyyətə verilməsinə dair JN-349A nömrəli 90710005 kodlu torpaq şəhadətnaməsinin Ərizəçi, X12, X13, X8, X6 məxsus olması faktı müəyyən edilsin. Qətnamə qeyd olunan sənəddə torpaq mülkiyyətçisi kimi göstərilmiş X3 X1 oxunmasına və həmin adlar üzrə müvafiq qeydlərin aparılmasına əsasdır. Qətnamədən rəsmi qaydada verildiyi gündən 1 ay müddətində İmişli Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Hakim: Qurban Hacıyev