İmişli Rayon Məhkəməsi Qətnamə — İş №2(036)-345/2023

Azərbaycan Respublikası adından QƏTNAMƏ İmişli rayonu İş № 2(036)-345/2023 13.02.2023 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlunun sədrliyi, Qəniyev Nurlan Mehman oğlunun katibliyi və Ərizəçi iştirakı ilə, Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizəsinə dair mülki işə açıq məhkəmə iclasında baxaraq MÜƏYYƏNETDİ: Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizə ilə məhkəməyə müraciət edib JN-0284 saylı «Torpağa mülkiyyət hüququna dair» Dövlət aktında səhvən qeyd olunmuş X4 Elimdar Gülağa oğlu və X1 (Ağayeva) Kamilə Gülağa qızı kimi oxunaraq həmin sənədin onlara məxsus olması faktının müəyyən edilməsi haqqında qətnamə çıxarılmasını xahiş etmişdir. Ərizəçi izahatında göstərmişdir ki, o, ailə üzvləri ilə birlikdə İmişli rayonunun Bəcrəvan kəndində yaşayır. Rayonda aparılan torpaq islahatı nəticəsində 6.86 ha kənd təsərrüfatı təyinatlı torpaq sahəsi ailə üzvlərinin ümumi mülkiyyətinə verilmiş və JN-0284 saylı «Torpağa mülkiyyət hüququna dair» Dövlət aktı ilə adlarına rəsmiləşdirilmişdir. Lakin həmin sənəddə texniki səhvə yol verilərək torpaq mülkiyyətçilərinin adı düzgün qeyd olunmamışdır. Ona görə də, JN-0284 saylı «Torpağın mülkiyyətə verilməsinə dair» şəhadətnamədə səhvən qeyd olunmuş adların düzəldilərək X4 Elimdar Gülağa oğlu və X1 (Ağayeva) Kamilə Gülağa qızı kimi oxunaraq həmin sənədin onlara məxsus olması faktının müəyyən edilməsi haqqında ərizə vermişdir. İşdə olan JN-0284 saylı «Torpağa mülkiyyət hüququna dair» Dövlət aktının surətinə əsasən əsasən İmişli rayon AİK-nin xx.xx.2001-ci il tarixli 10 saylı qərarı ilə İmişli rayonunun Bəcrəvan kəndində yerləşən planda sərhədləri göstərilmiş 6.86 ha torpaq sahəsi X22, X24, X18, X19, X15, X20, Ərizəçi və X8 ümumi mülkiyyətinə verilmişdir. İşdə olan Seriya AA ******* nömrəli AR X3 surətinə əsasən Ərizəçi xx.xx.1986-cı ildə anadan olmuşdur. İşdə olan Seriya AA ******* nömrəli AR X3 surətinə əsasən X16 xx.xx.1982-ci ildə anadan olmuşdur. İşdə olan Seriya AA ******* nömrəli AR X3 surətinə əsasən X9 xx.xx.1980-cı ildə anadan olmuşdur. İşdə olan İmişli rayon Qeydiyyat şöbəsinin AZ-İ № 401411 nömrəli nikah haqqında şəhadətnamənin surətinə əsasən X2 Aqil Əmirxan oğlu ilə xx.xx.2008-ci ildə rəsmi nikaha daxil olmuş və Mikayılova soyadını qəbul etmişdir. İşdə olan İmişli RİHB-nin Bəcrəvan kənd İƏD üzrə İN tərəfindən verilmiş xx.xx.2022-ci il tarixli 372 nömrəli arayışa əsasən JN-0284 saylı «Torpağa mülkiyyət hüququna dair» Dövlət aktında texniki səhv olaraq Mikayılova (Ağayeva) Kamilə Gülağa qızının adı X5 yazılmışdır. İşdə olan İmişli RİHB-nin Bəcrəvan kənd İƏD üzrə İN tərəfindən verilmiş xx.xx.2022-ci il tarixli 73 nömrəli arayışa əsasən JN-0284 saylı «Torpağa mülkiyyət hüququna dair» Dövlət aktında texniki səhv olaraq X10 adı X6 yazılmışdır. AR MPM-nin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquqmüəyyənedici sənədin şəxsə məxsus olması faktını məhkəmə müəyyən edir. Həmin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ona görə də məhkəmə hesab edir ki, JN-0284 saylı «Torpağa mülkiyyət hüququna dair» Dövlət aktında mülkiyyətçi kimi göstərilmiş X4 Elimdar Gülağa oğluna və X1 (Ağayeva) Kamilə Gülağa qızına aid edilməsi faktı müəyyən edilməlidir. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360-cı maddələrini rəhbər tutaraq Q Ə T E T D İ: Ərizə təmin olunsun. JN-0284 saylı «Torpağa mülkiyyət hüququna dair» Dövlət aktında torpaq mülkiyyətçiləri sırasında qeyd olunmuş X4 Elimdar Gülağa oğluna və X1 (Ağayeva) Kamilə Gülağa qızına aid edilsin və həmin sənədin müvafiq olaraq onlara məxsus olması faktı müəyyən edilsin. Qətnamədən 1 (bir) ay müddətində İmişli Rayon Məhkəməsi vasitəsilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov