İmişli Rayon Məhkəməsi Qətnamə — İş №2(036)-720/2023

Azərbaycan Respublikası adından QƏTNAMƏ İmişli rayonu İş № 2(036)-720/2023 16.02.2023 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlunun sədrliyi, Qəniyev Nurlan Mehman oğlunun katibliyi və Ərizəçi iştirakı ilə, Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizəsinə dair mülki işə açıq məhkəmə iclasında baxaraq MÜƏYYƏNETDİ: Ərizəçi hüquq müəyyənedici sənədin şəxsə məxsus olması faktının müəyyən edilməsi tələbi barədə ərizə ilə məhkəməyə müraciət edib JN-0031 saylı «Torpağa mülkiyyət hüququna dair» Dövlət aktında səhvən qeyd olunmuş adların düzəldilərək X1 Aytən Müslüm qızı, X9 Əfqan Əvəz oğlu, X6 Qurban Əvəz oğlu, X2 Kifayət Qiyaz qızı və X4 Əvəz Qurban oğlu kimi oxunaraq həmin sənədin onlara məxsus olması faktının müəyyən edilməsi haqqında qətnamə çıxarılmasını xahiş etmişdir. Ərizəçi izahatında göstərmişdir ki, o, ailə üzvləri ilə birlikdə İmişli rayonunun Ağamallar kəndində yaşayır. Rayonda aparılan torpaq islahatı nəticəsində 4.80 ha kənd təsərrüfatı təyinatlı torpaq sahəsi ailə üzvlərinin ümumi mülkiyyətinə verilmiş və JN-0031 saylı «Torpağa mülkiyyət hüququna dair» Dövlət aktı ilə adlarına rəsmiləşdirilmişdir. Lakin həmin sənəddə texniki səhvə yol verilərək torpaq mülkiyyətçilərinin adı düzgün qeyd olunmamışdır. Ona görə də, JN-0031 saylı «Torpağa mülkiyyət hüququna dair» Dövlət aktında səhvən qeyd olunmuş adların düzəldilərək X1 Aytən Müslüm qızı, X9 Əfqan Əvəz oğlu, X6 Qurban Əvəz oğlu, X2 Kifayət Qiyaz qızı və X4 Əvəz Qurban oğlu kimi oxunaraq həmin sənədin onlara məxsus olması faktının müəyyən edilməsi haqqında ərizə vermişdir. İşdə olan JN-0031 saylı «Torpağa mülkiyyət hüququna dair» Dövlət aktının surətinə əsasən əsasən İmişli rayon AİK-nin xx.xx.1996-cı il tarixli 12 saylı qərarı ilə İmişli rayonunun Ağamallar kəndində yerləşən planda sərhədləri göstərilmiş 4.80 ha torpaq sahəsi Ərizəçi, X12, X13, X7, X14, X10, X11, X34, X27, X15 və X18 ümumi mülkiyyətinə verilmişdir. İşdə olan Seriya AA ******* nömrəli AR X5 surətinə əsasən X32 xx.xx.1994-cü ildə anadan olmuşdur. İşdə olan Seriya AA ******* nömrəli AR X5 surətinə əsasən X43 xx.xx.1972-ci ildə anadan olmuşdur. İşdə olan Seriya AA ******* nömrəli AR X5 surətinə əsasən X26 xx.xx.1970-ci ildə anadan olmuşdur. İşdə olan Seriya AA ******* nömrəli AR X5 surətinə əsasən X44 xx.xx.1996-cı ildə anadan olmuşdur. İşdə olan İmişli rayon Qeydiyyat şöbəsinin V-JQ № 475966 nömrəli nikah haqqında şəhadətnamənin surətinə əsasən X3 Qurban Əvəz oğlu ilə xx.xx.1995-ci ildə rəsmi nikaha daxil olmuş və Həsənova soyadını qəbul etmişdir. İşdə olan İmişli RİHB-nin Ağamallar kənd İƏD üzrə İN tərəfindən verilmiş xx.xx.2023-cü il tarixli 02 saylı arayışına əsasən «Torpağa mülkiyyət hüququna dair» Dövlət aktında texniki səhv olaraq X19 adı X22, X35 adı X48, X29 adı X42, X16 adı X25 və X30 adı X8 yazılmışdır. AR MPM-nin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquqmüəyyənedici sənədin şəxsə məxsus olması faktını məhkəmə müəyyən edir. Həmin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ona görə də məhkəmə hesab edir ki, JN-0031 saylı «Torpağa mülkiyyət hüququna dair» Dövlət aktında mülkiyyətçi kimi göstərilmiş X1 Aytən Müslüm qızına, X9 Əfqan Əvəz oğluna, X6 Qurban Əvəz oğluna, X2 Kifayət Qiyaz qızına və X4 Əvəz Qurban oğluna aid edilməsi faktı müəyyən edilməlidir. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360-cı maddələrini rəhbər tutaraq Q Ə T E T D İ: Ərizə təmin olunsun. JN-0031 saylı «Torpağa mülkiyyət hüququna dair» Dövlət aktında torpaq mülkiyyətçiləri sırasında qeyd olunmuş X1 Aytən Müslüm qızına, X9 Əfqan Əvəz oğluna, X6 Qurban Əvəz oğluna, X2 Kifayət Qiyaz qızına və X4 Əvəz Qurban oğluna aid edilsin və həmin sənədin müvafiq olaraq onlara məxsus olması faktı müəyyən edilsin. Qətnamədən 1 (bir) ay müddətində İmişli Rayon Məhkəməsi vasitəsilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov