İmişli Rayon Məhkəməsi Qərardad — İş №2(036)-807/2021

Azərbaycan Respublikası adından QƏRARDAD İmişli rayonu İş № 2(036)-807/2021 31.03.2021 İMİŞLİ RAYON MƏHKƏMƏSİ Hakim: Nüsrətov Tərlan Vaqif oğlunun sədrliyi, Məhkəmə iclasının katibi: Əhmədova Günel Mirzə qızının katibliyi, Ərizəçilər: Ərizəçi1 və X1 iştirakı ilə, Ərizəçilər Ərizəçi1, Ərizəçi3 və X1 “hüquqi əhəmiyyəti olan faktın müəyyən edilməsi” tələbinə dair ərizəsi əsasında mülki işə açıq məhkəmə iclasında baxaraq, məhkəmə MÜƏYYƏN ETDİ: Ərizəçilər Ərizəçi1, Ərizəçi3 və X2 “hüquqi əhəmiyyəti olan faktın müəyyən edilməsi” tələbinə dair ərizə ilə məhkəməyə müraciət etmişlər. Məhkəmə baxışı zamanı “hüquqi əhəmiyyəti olan faktın müəyyən edilməsi” tələbinə dair ərizənin Ərizəçi3 tərəfindən imzalanmadığı və səlahiyyəti olmayan başqa şəxs tərəfindən imzalandığı müəyyən edilmişdir. Azərbaycan Respublikasının Mülki Prosessual Məcəlləsinin 259.0.3-cü maddəsinə əsasən ərizə imzalanmadıqda, yaxud buna səlahiyyəti olmayan şəxs və ya vəzifəsi göstərilməyən şəxs tərəfindən imzalandıqda, iddia ərizəsi baxılmamış saxlanılır. Məhkəmə iş materiallarını tam və obyektiv araşdıraraq hesab edir ki, “hüquqi əhəmiyyəti olan faktın müəyyən edilməsi” tələbinə dair ərizə Ərizəçi3 tərəfindən deyil, səlahiyyəti olmayan başqa şəxs tərəfindən imzalandığı üçün ərizə baxılmamış saxlanmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 263, 264, 266-268-ci maddələrini rəhbər tutaraq, məhkəmə QƏRARA ALDİ: Ərizəçilər Ərizəçi1, Ərizəçi3 və X1 “hüquqi əhəmiyyəti olan faktın müəyyən edilməsi” tələbinə dair ərizəsi baxılmamış saxlansın. Qərardaddan 10 gün müddətində İmişli Rayon Məhkəməsinə şikayət verilə bilər. Sədrlik edən Tərlan Nüsrətov