Yevlax Rayon Məhkəməsi Qətnamə — İş №2(039)-1576/2022

Azərbaycan Respublikası adından QƏTNAMƏ Yevlax Rayou İş № 2(039)-1576/2022 29.06.2022 YEVLAX RAYON MƏHKƏMƏSİ Hakim Əlizadə Ruslan Əliyar oğlunun sədrliyi Məhkəmə iclasının katibi Cəlilov Ruslan Elmi oğlunun katibliyi Ərizəçi2 nümayəndəsi X5 iştirakı ilə, Ərizəçilər Ərizəçi2 və Ərizəçi1 maraqlı şəxs Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti “Daşınmaz Əmlakın Dövlət Kadastrı və Reyestri” publik hüquqi şəxsin 17 saylı Yevlax Ərazi İdarəsinə qarşı «sənədin məxsusluğu faktının müəyyən edilməsi» haqqında mülki işə Yevlax Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: Ərizəçilər Ərizəçi2 və Ərizəçi1 maraqlı şəxs Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti “Daşınmaz Əmlakın Dövlət Kadastrı və Reyestri” publik hüquqi şəxsin 17 saylı Yevlax Ərazi İdarəsinə qarşı «sənədin məxsusluğu faktının müəyyən edilməsi» haqqında ərizə ilə məhkəməyə müraciət edərək, Dövlət Torpaq və Xəritəçəkmə Komitəsinin Yevlax rayon şöbəsi tərəfindən tərtib edilmiş JN-307 saylı 90112028 kodlu torpağın mülkiyyətə verilməsinə dair dövlət aktında X3 qeyd edilmiş şəxsin XX.XX 1932-cı il tarixdə Yevlax rayonu, Nərimanabad kəndində anadan olmuş Yevlax rayonu, Nərimanabad kəndində qeydiyyatda olan Ərizəçi1 və X4 qeyd edilmiş şəxsin xx xxx 1959-cu il tarixdə Yevlax rayonu, Nərimanabad kəndində anadan olmuş Yevlax rayonu, Nərimanabad kəndində qeydiyyatda olan Ərizəçi2 məxsusluğu faktının müəyyən edilməsinə dair qətnamə çıxarılmasını xahiş etmişdir. Ərizəçi2 nümayəndəsi X14 ərizəni müdafiə edərək izah etdi ki, Yevlax rayon Aqrar İslahat Komissiyasının 01 avqust 1998-ci il tarixli 34 saylı qərarı ilə onlara və ailə üzvlərinə Yevlax rayonu, Nərimanabad kəndi ərazisində 2.05 hektar torpaq sahəsi verilmişdir. Dövlət Torpaq və Xəritəçəkmə Komitəsinin Yevlax rayon şöbəsi tərəfindən tərtib edilmiş JN-307 saylı 90112028 kodlu torpağın mülkiyyətə verilməsinə dair dövlət aktına əsasən 2.05 hektar torpaq sahəsi onların mlkiyyətinə verilmişdir. Torpağın mülkiyyətə verilməsinə dair dövlət aktında ərizəçilərin adları səhv olaraq Firuzə və Səhnə kimi qeyd edilmişdir. Hazırda Yevlax rayonu, Nərimanabad kəndində yerləşən 2.05 hektar torpaq sahəsinə dair Dövlət Reyestrindən çıxarışın alınması tələbi ilə DƏDRX-nin 17 saylı Ərazi İdarəsinə müraciət etmişdir¸ lakin Torpağın Mülkiyyətə verilməsinə dair şəhadətnamədə olan uyğunsuzluqla bağlı ərizənin icrasının mümkün olmadığı barədə onlara bildiriş göndərilmişdir. Maraqlı şəxs Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti “Daşınmaz Əmlakın Dövlət Kadastrı və Reyestri” publik hüquqi şəxsin 17 saylı Yevlax Ərazi İdarəsinə məhkəmə iclasının vaxtı və yeri barədə qanunla müəyyən olunmuş qaydada məlumat verilməsinə baxmayaraq maraqlı şəxsın nümayəndəsi məhkəmə iclasına gəlməmiş, gəlməməsinin səbəbləri barədə məhkəməyə məlumat verməmiş və işə onun iştirakı olmadan baxılmasını xahiş etməmişdir. Məhkəmə, Azərbaycan Respublikası MPM-nin 185.5-ci maddəsinə əsasən işə maraqlı şəxsın Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti “Daşınmaz Əmlakın Dövlət Kadastrı və Reyestri” publik hüquqi şəxsin 17 saylı Yevlax Ərazi İdarəsinin nümayəndəsinin iştirakı olmadan baxılmasını mümkün hesab edir. Məhkəmə ərizəçinin nümayəndəsinin izahatını dinləyib, iş materiallarını tədqiq edərək hesab edir ki, ərizə təmin edilməlidir. İş materiallarında olan və məhkəmə iclasında tədqiq edilən torpağa mülkiyyət hüququna dair JN-307 KOD 90112028 saylı dövlət aktından məlum olur ki, Yevlax rayon Aqrar İslahat Komissiyasının 01 avqust 1998-ci il tarixli 34 saylı qərarı ilə X7, X6, X8 və X9 2.05 hektar torpaq sahəsi verilmişdir. İş materiallarında olan və məhkəmə iclasında tədqiq edilən Azərbaycan Respublikası Dövlət Arxivinin Yevlax filialının 24 may 2022-ci il tarixli 134/10 saylı arayışından məlum olur ki, Dövlət Arxivində mühafizə olunan Yevlax rayon Səmədəbad kənd İƏV üzrə nümayəndəliyinin (Nərimanabad kənd üzrə) 1996-2000-ci illərə dair 01 saylı təsərrüfat başına kitabının 23-cü səhifəsinin 35 saylı qeydində Ərizəçi1 adı, soyadı və ata adı X11 yazılmışdır. İş materiallarında olan və məhkəmə iclasında tədqiq edilən Yevlax ŞİHB-nın Səmədabad kənd İnzibati Ərazi dairəsi üzrə Nümayəndəliyinin 23 may 2022-ci il tarixli 284 saylı arayışından məlum olur ki, torpağın mülkiyyət hüququna dair Dövlət aktında JN-307 kod 90112028 X1 Pürüzə Heydər qızı oxunmalıdır. İş materiallarında olan və məhkəmə iclasında tədqiq edilən Yevlax ŞİHB-nın Səmədabad kənd İnzibati Ərazi dairəsi üzrə Nümayəndəliyinin 20 may 2022-ci il tarixli 267 saylı arayışından məlum olur ki, torpağın mülkiyyət hüququna dair Dövlət aktında JN-307 kod 90112028 X2 Səkinə Məmməd qızı oxunmalıdır. İş materiallarında olan və məhkəmə iclasında tədqiq edilən Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti “Daşınmaz Əmlakın Dövlət Kadastrı və Reyestri” publik hüquqi şəxsin 17 saylı Yevlax Ərazi İdarəsindən verilmiş 25 may 2022-ci il tarixli, **********27 saylı məktubdan görünür ki, X14 JN-307 KOD 90112028 saylı şəhadətnamədə düzəlişin edilməsi üçün Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti “Daşınmaz Əmlakın Dövlət Kadastrı və Reyestri” publik hüquqi şəxsin 17 saylı Yevlax Ərazi İdarəsinə müraciət etmişdir. Azərbaycan Respublikası MPM-nin 217.2-ci maddəsinə əsasən qətnamə mübahisəli hüquq münasibətinin yarandığı zaman qüvvədə olan maddi hüquq normalarına və işin baxılması zamanı qüvvədə olan prosessual hüquq normalarına uyğun çıxarılmalıdır. Azərbaycan Respublikası MPM-nin 305.1 və 305.1.1-ci maddələrinin tələbinə görə məhkəmə xüsusi icraat qaydasında hüquqi əhəmiyyəti olan faktların müəyyən edilməsi haqqında işlərə baxır. Azərbaycan Respublikası MPM-nin 307.1 və 307.2.11-ci maddələrinin tələbinə görə qanunvericilikdə müəyyən edilməsinin başqa qaydası nəzərdə tutulmamışsa, hüquqi əhəmiyyəti olan digər faktları məhkəmə həmin şəxsə məxsus olması faktını müəyyən edir. «Torpaq islahatı haqqında» Azərbaycan Respublikasının Qanununun 9 və 10-cu maddələrinə və Azərbaycan Respublikası Prezidentinin 1997-ci il tarixli 534 №-li Fərmanı ilə təsdiq edilmiş «Vətəndaşların qanuni istifadəsindəki (fərdi yaşayış evlərinin, həyətyanı sahələrin, fərdi, kollektiv və kooperativ bağların, dövlət bağçılıq təsərrüfatının idarəçiliyindəki bağların) torpaqların onların mülkiyyətinə verilməsi haqqında» Əsasnamənin 1-ci bəndinə əsasən vətəndaşların qanuni istifadəsindəki fərdi yaşayış evlərinin, həyətyanı sahələrin, fərdi, kollektiv və kooperativ bağların, dövlət bağçılıq təsərrüfatının idarəçiliyindəki bağların altında olan torpaqlar əvəzsiz olaraq onların mülkiyyətinə verilir. Məhkəmə iclasında təkzib edilməz sübutlarla müəyyən edilir ki, Yevlax rayon Aqrar İslahat Komissiyasının 01 avqust 1998-ci il tarixli, 34 saylı qərarı əsasında ərizəçilərə və onların ailə üzvlərinə 2.05 hektar torpaq sahəsi verilmişdir. Torpağın mülkiyyətə verilməsinə dair JN-307 KOD 90112028 saylı dövlət aktında texniki səhvə yol verilmiş ərizəçilər Ərizəçi2 və Ərizəçi1 adı səhv qeyd edilmişdir. Məhkəmə hesab edir ki, ərizə təmin edilməli, ərizəçilərin və ailə üzvlərinin adına verilmiş Yevlax rayon Aqrar İslahat Komissiyası tərəfindən tərtib edilmiş JN-307 KOD 90112028 saylı torpağa mülkiyyətə hüququna dair dövlət aktının XX.XX 1932-cı il tarixdə Yevlax rayonu, Nərimanabad kəndində anadan olmuş Yevlax rayonu, Nərimanabad kəndində qeydiyyatda olan Ərizəçi1 və xx xxx 1959-cu il tarixdə Yevlax rayonu, Nərimanabad kəndində anadan olmuş Yevlax rayonu, Nərimanabad kəndində qeydiyyatda olan Ərizəçi2 məxsusluğu faktı müəyyən edilməlidir. Ödənilmiş dövlət rüsumu ərizəçiyə aid edilməlidir. Şərh olunanlara əsasən və Azərbaycan Respublikası MPM-in 216-220, 227, 233, 312-316 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. Ərizəçilərin və ailə üzvlərinin adına verilmiş Yevlax rayon Aqrar İslahat Komissiyası tərəfindən tərtib edilmiş JN-307 KOD 90112028 saylı torpağa mülkiyyətə hüququna dair dövlət aktının XX.XX 1932-cı il tarixdə Yevlax rayonu, Nərimanabad kəndində anadan olmuş Yevlax rayonu, Nərimanabad kəndində qeydiyyatda olan Ərizəçi1 və xx xxx 1959cu il tarixdə Yevlax rayonu, Nərimanabad kəndində anadan olmuş Yevlax rayonu, Nərimanabad kəndində qeydiyyatda olan Ərizəçi2 məxsusluğu faktı müəyyən edilsin. Ödənilmiş dövlət rüsumu ərizəçilərə aid edilsin. Qətnamə rəsmi qaydada verildiyi gündən bir ay müddətində Şəki Apellyasiya Məhkəməsinə Yevlax Rayon Məhkəməsi vasitəsilə apelyasiya şikayəti verilə bilər. Məhkəmə qətnaməsindən şikayət verilməmişdirsə, qəbul edildiyi gündən bir ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Sədrlik edən Ruslan Əlizadə