Yevlax Rayon Məhkəməsi Qərardad — İş №2(039)-168/2023

Azərbaycan Respublikası adından QƏRARDAD Yevlax Rayou İş № 2(039)-168/2023 10.01.2023 YEVLAX RAYON MƏHKƏMƏSİ Hakim Əliyev Toğrul Məhəmməd oğlunun sədrliyi, Məhkəmə iclasının katibi Məmmədəliyeva Səriyyə Qoca qızının katibliyi ilə, Ərizəçi sənədin şəxsə məxsus olması faktının təsdiq edilməsinə dair mülki işə, Yevlax Rayon Məhkəməsinin inzibati binasında, açıq məhkəmə iclasında baxaraq, m ü ə y y ə n e t d i: Ərizəçi, maraqlı şəxs olaraq Azərbaycan Respublikasının İqtisadiyyat Nazirliyi Yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüququ şəxsi 17 saylı Yevlax Ərazi İdarəsini qeyd etməklə, ərizə ilə Yevlax Rayon Məhkəməsinə müraciət edərək JN 5342A nömrəli torpağın mülkiyyətə verilməsinə dair şəhadətnamədə hüquq subyektlərinin soyadlarının Xəlilov deyil, “Xasıyev” kimi oxunmaqla sənədin həmin subyektlərə məxsus olması və şəxsi mülkiyyət hüququ ilə evlərin texniki inventarizasiya və qiymətləndirilməsinə aid pasportda hüquq subyekti (mərhum atası) Xasıyev Alı ilə ölüm haqqında şəhadətnamədə göstərilən “X1” adında getmiş yanlışlığın düzəldilməsi, yəni sənədin (şəxsi mülkiyyət hüququ ilə evlərin texniki inventarizasiya və qiymətləndirilməsinə aid pasportun )həmin şəxsə məxsus olması faktının təstiq edilməsinə barədə qətnamə dair qətnamə çıxarılmasını xahiş etmişdir. Ərizəçi məhkəmə iclasının vaxtı və yeri barədə rəsmi qaydada məlumat verilməsinə baxmayaraq iclasa gəlməmiş və bunun səbəbləri barədə məlumat verməmişlər. Mülki Prossesual Məcəllə: Maddə 259.0.6. işə onların iştirakı olmadan baxılmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Maddə 114.1. Ödənilmiş dövlət rüsumu aşağıdakı hallarda qaytarılır: 114.1.5. bu Məcəllə ilə nəzərdə tutulmuş əsaslarla ərizə baxılmamış saxlanılarsa; Məhkəmə belə nəticəyə gəlir ki, iş üzrə ərizəçi iclasa gəlmədiyindən və bunun səbəbləri barədə hər hansı məlumat vermədiyindən ərizə baxılmamış saxlanılmalıdır. İddia ərizəsi baxılmamış saxlanıldığından ödənilmiş dövlət rüsumu tam olaraq iddiaçıya geri qaytarılmalıdır. Şərh olunanlara əsasən və Mülki Prosessual Məcəllənin 259.0.6, 263, 264 və 267-ci maddələrini rəhbər tuturaq, məhkəmə q ə r a r a a l d ı: Ərizəçi sənədin şəxsə məxsus olması faktının təsdiq edilməsinə dair ərizəsi baxılmamış saxlanılsın. Ödənilmiş dövlət rüsumu 100 (bir yüz) manat Ərizəçi qaytarılsın. Qərardaddan rəsmi qaydada verildiyi gündən 10 gün müddətində Yevlax Rayon Məhkəməsinə şikayət verilə bilər. Sədrlik edən: Toğrul Əliyev