Yevlax Rayon Məhkəməsi Qərardad — İş №2(039)-697/2022

Azərbaycan Respublikası adından QƏRARDAD Yevlax Rayou İş № 2(039)-697/2022 28.02.2022 YEVLAX RAYON MƏHKƏMƏSİ Yevlax Rayon Məhkəməsinin hakimi Əlizadə Ruslan Əliyar oğlu Ərizəçi maraqlı şəxs Azərbaycan Respublikası Müdafiə Nazirliyinə qarşı «döyüş bölgəsində iştirak etmə faktının müəyyən edilməsi» haqqında ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: Ərizəçi maraqlı şəxs Azərbaycan Respublikası Müdafiə Nazirliyinə qarşı «döyüş bölgəsində iştirak etmə faktının müəyyən edilməsi» haqqında ərizə ilə məhkəməyə müraciət edərək, onun yanvar 1992-ci ildən iyun 1994-cü il tarixədək Azərbaycan Respublikası Daxili İşlər Nazirliyinin daxili Qoşunların N () saylı hərbi hissəsində Azərbaycan Respublikası ərazi bütövlüyü uğrunda gedən döyüş əməliyyatlarında iştirak etmə faktının təsdiq edilməsinə dair qətnamə çıxarılmasını xahiş etmişdir. Məhkəmə təqdim edilmiş ərizəni və əlavə edilmiş sənədləri nəzərdən keçirərək belə qənaətə gəlir ki, iddianın yolverilməzliyinə görə iddia ərizəsinin qəbul edilməsindən imtina olunmalıdır. Belə ki, iddia ərizəsinin məzmunundan görünür ki, ərizəçi 1992-1994-cü illərdə hərbi xidmət keçməyi döyüş əməliyyatında iştirakı və yaralanmağı haqda faktın müəyyən olunması barədə qətnamə çıxarılmasını xahiş edir. “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” Ali Məhkəmənin Plenumunun 12 aprel 2019-cu il tarixli 3 nömrəli Qərarının 14-cü bəndində qeyd edilir ki, məhkəmələr nəzərə almalıdırlar ki, müvafiq qanunvericiliklə başqa qaydada müəyyən edilməsi nəzərdə tutulan hərbi xidmət keçmə, döyüş əməliyyatlarında iştirak etmə, döyüşlərdə yaralanma, müharibə iştirakçısı, müharibə veteranı kimi tanınma, əmək qabiliyyətinin itirilməsinin səbəb və dərəcəsi, əlilliyin baş verməsi anı və əlillik qrupları, xəstəyə qulluq etmə, yaşın müəyyən edilməsi, eləcə də, hər hansı təhsil müəssisəsini bitirmə kimi hüquqi əhəmiyyətli faktların məhkəmə qaydasında müəyyən edilməsi yolverilməzdir. Lakin qeyd edilməlidir ki, hərbi xidmət dövründə döyüşlərdə yaralanma, müalicədə olma və s. barədə hərbi hissələr, hərbi komissarlıqlar, hospitallar tərəfindən verilmiş arayışların, bildirişlərin və digər sənədlərin şəxsə məxsus olması faktı məhkəmələr tərəfindən xüsusi icraat qaydasında müəyyən oluna bilər Mülki Prosessual Məcəllə: Maddə 153.2. Hakim aşağıdakı hallarda iddianın yolverilməzliyinə görə iddia ərizəsini qəbul etməkdən imtina edir: 153.2.1. ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə; 153.3. Hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında və ya mülki məhkəmə icraatı qaydasında baxılmalı deyildirsə, iddiaçının hansı orqana və ya məhkəməyə müraciət etməli olmasını orada göstərir. Beləliklə, məhkəmə belə qənaətə gəlir ki, Ərizəçi ərizəsində qeyd edilən faktın məhkəmə qaydasında müəyyən edilməsi yolverilməz olduğundan onun ərizəsinin qəbul edilməsindən imtina olunmalı, ərizə və ona əlavə edilmiş sənədlər geri qaytarılmalıdır. Ərizəçiyə izah edilməlidir ki, ərizədə qeyd edilən məsələ ilə bağlı səlahiyyətli orqana müraciət etməli, imtina edildiyi təqdirdə müvafiq inzibati məhkəməyə ərizə təqdim etməlidir. Şərh olunanlara əsasən və Mülki Prosessual Məcəllənin 153.2.1, 264, 269-cu maddələrini rəhbər tutaraq, məhkəmə QƏRARA ALDİM: Ərizəçi 1991-1994-cü illərdə hərbi xidmət keçməyi, döyüş əməliyyatında iştirakı və yaralanmağı barədə faktın müəyyən olunmasına dair iddia ərizəsinin qəbulundan iddianın yolverilməzliyinə görə imtina edilsin. Ərizəçi ərizəsi və ona əlavə edilmiş sənədlər geri qaytarılsın. Qərardaddan 10 (on) gün müddətində Yevlax Rayon Məhkəməsinə şikayət verilə bilər. Sədrlik edən Ruslan Əlizadə