Gəncə Şəhəri Kəpəz Rayon Məhkəməsi Qərardad — İş №2(043)-1854/2020

Azərbaycan Respublikası adından QƏRARDAD Gəncə şəhəri İş № 2(043)-1854/2020 11.11.2020 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlunun sədrliyi, Cəfərova Təhminə Əlistan qızının katibliyi ilə, İddiaçı qızının cavabdehlər ləğv prosesində olan «xxxx» ASC-nin ləğvedicisi əmanətlərin sığortalanması fonduna, Cavabdeh2 və Gəncə şəhəri 4 saylı notariat ofisinə qarşı ipotekaya xitam verilməsi tələbinə dair iddia ərizəsi üzrə mülki işə məhkəmənin binasında, açıq məhkəmə iclasında baxaraq məhkəmə, müəyyən etdi: İddiaçı qızı cavabdehlər ləğv prosesində olan «xxxx» ASC-nin ləğvedicisi əmanətlərin sığortalanması fonduna, Cavabdeh2 və Gəncə şəhəri 4 saylı notariat ofisinə qarşı iddia ərizəsi ilə məhkəməyə müraciət edərək cavabdehlər «xxxx» ASC ilə Cavabdeh2 arasında bağlanmış xx.xx.2007-ci il tarixli, 298/1 nömrəli ipoteka müqaviləsi üzrə ipotekaya xitam verilməsinə dair qətnamə çıxarılmasını xahiş etmişdir. Məhkəmə iclasının keçirilməsi vaxtı və yeri barədə tərəflərə rəsmi qaydada məlumat verilməsinə baxmayaraq məhkəmə iclasına gəlməmişlər və gəlməmələrinin səbəbi barədə məhkəməyə məlumat verməmişlər. Məhkəmə Azərbaycan Respublikası Mülki Prosessual Məcəlləsinin (bundan sonra- MPM) 185.4-cü maddəsinə əsasən işə tərəflərin iştirakı olmadan baxılmasını mümkün hesab etmişdir. MPM-in 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə ərizə baxılmamış saxlanmalıdır. Belə olan halda məhkəmə hesab edir ki, İddiaçı qızının cavabdehlər ləğv prosesində olan «xxxx» ASC-nin ləğvedicisi əmanətlərin sığortalanması fonduna, Cavabdeh2 və Gəncə şəhəri 4 saylı notariat ofisinə qarşı ipotekaya xitam verilməsi tələbinə dair iddia ərizəsi baxılmamış saxlanmalıdır. İddiaçıya izah olunmalıdır ki, Azərbaycan Respublikasının Mülki Prosessual Məcəlləsinin 260.4-cü maddəsinə əsasən ümumi qaydada ərizə ilə məhkəməyə yenidən müraciət edə bilər. Göstərilənləri nəzərə alaraq və Azərbaycan Respublikasının MPM-in 259.0.6, 263, 264, 266-268-ci maddələrini rəhbər tutaraq məhkəmə, q ə r a r a a l d ı: İddiaçı qızının ləğv prosesində olan «xxxx» ASC-in ləğvedicisi əmanətlərin sığortalanması fonduna, Cavabdeh2 və Gəncə şəhəri 4 saylı notariat ofisinə qarşı ipotekaya xitam verilməsi tələbinə dair iddia ərizəsi baxılmamış saxlansın. Qərardadın surəti tərəflərə rəsmi qaydada verildikdən sonra 10 (on) gün müddətində Gəncə Şəhəri Kəpəz Rayon Məhkəməsinə şikayət verilə bilər. Hakim Cavid Tağıyev