Gəncə Şəhəri Nizami Rayon Məhkəməsi Qərardad — İş №2(044)-2767/2021

Azərbaycan Respublikası adından QƏRARDAD Gəncə şəhəri İş № 2(044)-2767/2021 17.07.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizmai Rayon Məhkəməsinin hakimi Hünmətov Zaur Adil oğlu, İddiaçılar İddiaçı1 və Məmmədova (Cəfərova) Yeganə Cəfər qızının cavabdehlər Abbasova (Cəfərova) Xatirə Cəfər qızına, Cavabdeh2 və Cavabdeh3 oğluna qarşı “vərəsəliyin qəbul edilməsi və payların müəyyən edilməsi” tələbinə dair iddia ərizəsini və ona əlavə olunmuş sənədləri məhkəmənin inzibati binasında nəzərdən keçirərək, M Ü Ə Y Y Ə N E T D İ M: İddiaçı1 və Məmmədova (Cəfərova) Yeganə Cəfər qızı ərizə ilə məhkəməyə müraciət edərək məhrum həyat yoldaşı X1 18.10.2010-cu il tarixli, AN-İ ******* saylı vəsiyyətnamə üzrə vərəsəsi hesab edilməklərinə və ünvan 1 ünvanda 3 yaşayış otağından ibarət, ümumi sahəsi 48.8 kv.m olan mənzilin ½ hissəsinin İddiaçı1 və ½ hissəsinin Məmmədova (Cəfərova) Yeganə Cəfər qızının adına qeyd edilməsinə dair qətnamə çıxarılmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, iddia yolverilməz olduğuna görə iddia ərizəsinin icraata qəbul edilməsindən imtina olunmalıdır. Çünki iddia ərizəsinin məzmunundan görünür ki, tələb vərəsəliyin qəbul edilməsi, payların müəyyən edilməsi ilə bağlıdır. Vərəsəlik hüququnun müəyyən edilməsini əks etdirən sənəd isə vərəsəlik hüququ haqqında şəhadətnamə olduğundan, iddiaçının marağı dolayısı ilə həmin şəhadətnamənin alınmasından ibarətdir. Azərbaycan Respublikası Mülki Məcəlləsinin 1243.1-ci maddəsinə əsasən mirası istər qanun üzrə, istərsə də vəsiyyət üzrə vərəsə qəbul edir. Həmin Məcəllənin 1243.2-ci maddəsinə əsasən vərəsə mirasın açıldığı yer üzrə notariat kontoruna mirası qəbul etdiyi barədə ərizə verdikdə və ya əmlaka sahiblik etməyə və ya əmlakı idarə etməyə faktik başladıqda və bununla da mirası qəbul etdiyini şəksiz nümayiş etdirdikdə miras vərəsə tərəfindən qəbul edilmiş sayılır. Həmin Məcəllənin 1321.1-ci maddəsinə əsasən vərəsəliyə çağırılmış şəxslər mirasın açıldığı yerdəki notariat orqanından vərəsəlik şəhadətnaməsi tələb edə bilərlər. Qeyd olunan normaların məzmunundan görünür ki, İddiaçı1 və Məmmədova (Cəfərova) Yeganə Cəfər qızının vərəsə kimi miras əmlakı qəbul etməsinin başqa qaydası mümkündür, yəni, iddiaçılar İddiaçı1 və Məmmədova (Cəfərova) Yeganə Cəfər qızı vərəsəliklə bağlı hüquqlarının təmini üçün mirasın açıldığı yer üzrə notariat orqanına müraciət etməlidir.İddiaçılar bununla bağlı notariat kontoruna müraciət etsələr də, notarius vərəsələr arasında mübahisə olması əsası ilə aidiyyəti üzrə məhkəməyə müraciət edilməli olduğunu bildirmişdir.Ərizəyə əlavə edilmiş sənədlərdən göründüyü kimi mirasın qəbulu faktını müəyyən edən vəsiyyətnamə olduğu halda notariat orqanı həmin vəsiyyətynaməyə hər hansı münasibət bildirməmişdir. Mirasın vərəsə tərəfindən faktiki qəbul olunması birbaşa, mötəbər sübutlarla təsdiq olunursa, lakin notarius vərəsəlik şəhadətnaməsi verməkdən imtina edibsə, belə olan halda şəxs məhkəməyə mirasın qəbulu faktının müəyyən olunması üçün ərizə deyil, notariusun imtina qərarından qanunla müəyyən edilmiş qaydada şikayət verməlidir. Azərbaycan Respublikası Mülki Prosessual Məcəlləsinin 153.2 və 153.2.1-ci maddəsinə əsasən ərizəyə məhkəmə qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 153, 263, 264, 267 və 268-ci maddələrini rəhbər tutaraq QƏRARA A L D İ M: İddiaçılar İddiaçı1 və Məmmədova (Cəfərova) Yeganə Cəfər qızının cavabdehlər Abbasova (Cəfərova) Xatirə Cəfər qızına, Cavabdeh2 və Cavabdeh3 oğluna qarşı “vərəsəliyin qəbul edilməsi və payların müəyyən edilməsi” tələbinə dair iddia ərizəsinin məhkəmənin icraata qəbul olunmasından imtina edilsin, iddia ərizəsi və ona əlavə edilmiş sənədlər iddiaçıya geri qaytarılsın. İddiaçılara hazırki tələblə mirasın açıldığı yer üzrə notariat orqanına, həmin notariat orqanı imtina etdikdə Azərbaycan Respublikası Mülki Prosessual Məcəlləsinin 35.1-ci maddəsinə əsasən notariat orqanının (cavabdehin) yerləşdiyi yer üzrə rayon (şəhər) məhkəməsinə şikayət etmək hüququ izah edilsin. Qərardaddan 10 gün müddətində Gəncə şəhəri Nizami Rayon Məhkəməsinə şikayət verilə bilər. Hakim: Zaur Hünmətov