Goranboy Rayon Məhkəməsi Qətnamə — İş №2(045)-270/2023

Azərbaycan Respublikası adından QƏTNAMƏ Goranboy rayonu İş № 2(045)-270/2023 09.03.2023 GORANBOY RAYON MƏHKƏMƏSİ X36 Məhəmməd oğlunun sədrliyi, Civəzadə Aygün Səlahəddin qızının katibliyi, Ərizəçi iştirakı ilə, Ərizəçi Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsin 7 saylı Bərdə Ərazi İdarəsi maraqlı şəxs kimi göstərilməklə, maraqlı şəxs qismində cəlb edilməklə) “sənədin şəxsə mənsub olması faktının müəyyən edilməsi haqqında” ərizəsi üzrə mülki işə məhkəmənin inzibati binasında, xüsusi icraat qaydasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi ərizə ilə məhkəməyə müraciət edərək, JN-0014, KOD 50915018 nömrəli Torpağa mülkiyyət hüququna dair Dövlət aktının ona yəni Ərizəçi məxsus olması faktının müəyyən edilməsi barədə qətnamə çıxarılmasını xahiş etmişdir. Ərizəçi ərizəni onunla əsaslandırmışdır ki, Goranboy rayon Aqrar İslahat Komissiyasının 17 dekabr 1997-ci il tarixli 41 saylı qərarına əsasən ona və digər ailə üzvlərinə verilən JN-0014 KOD 50915018 saylı “Torpaga mülkiyyət hüququna” dair Dövlət Aktında onun adı Ərizəçi əvəzinə səhvən “X18” kimi yazılmışdır. Bu uyğunsuzluq ərizəyə əlavə olunmuş doğum haqqında şəhadətnamənin surəti və digər sənədlərlə təsdiq olunur. Qeyd edilən səhvin düzəldilməsi üçün Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsin 7 saylı Bərdə Ərazi İdarəsinə rəsmi müraciət etmiş, lakin bu məsələ ilə əlaqədar məhkəməyə müraciət etməyi tövsiyə olunmuşdur. Faktın təsdiq edilmısi ona notariat əməliyyatı aparmaq üçün lazımdır. Məhkəmə iclasında Ərizəçi ərizəni müdafiə edərək, ərizənin məzmununa uyğun izahat verdi və təmin edilməsi barədə qətnamə çıxarılmasını xahiş etdi. Dövlət aktında adı göstərilən X22 onun əridir, X23, X24, X28, X25, X26 isə onun qızlarıdır. İş üzrə maraqlı şəxs Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsin 7 saylı Bərdə Ərazi İdarəsi və X19 məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, onlar məhkəmə iclasına gəlməmişdir. Məhkəmə, Azərbaycan Respublikası Mülki-Prosessual Məcəlləsinin (bundan sonra - MPM) 185.5-ci maddəsinə əsasən işə həmin maraqlı şəxslərin (nümayəndəsinin) iştirakı olmadan baxılmasını mümkün hesab etmişdir. İş materiallarında olan və məhkəmə iclasında tədqiq edilmiş JN-0014, KOD 50915018 nömrəli “Torpağa mülkiyyət hüququna dair Dövlət Aktı”nın surətindən görünür ki, Goranboy rayonu Aqrar İslahat Komissiyasının 17 dekabr 1997-ci il tarixli, 41 saylı qərarına əsasən 7,39 hektar torpaq sahəsi X11, X4, X5, X6, X12, X7, X8 mülkiyyətinə verilmişdir; İş materiallarında olan və məhkəmə iclasında tədqiq edilmiş Qasım İsmayılov rayonu XDS İK tərəfindən verilmiş İX-JQ seriyalı, 444928 nömrəli doğum haqqında şəhadətnamənin surətindən görünür ki, X24 xx.xx.1984-cü ildə Qasım İsmayılov rayonunun Qırıxlı kəndində doğulmuşdur. X3, anası X9r; İş materiallarında olan və məhkəmə iclasında tədqiq edilmiş AZE seriyalı, 0******* nömrəli Azərbaycan Respublikası vətəndaşının şəxsiyyət vəsiqəsinin surətindən görünür ki, Ərizəçi xx.xx.1956-cı ildə Ermənistan, Vardines rayonunda doğulmuşdur; İş materiallarında olan və məhkəmə iclasında tədqiq edilmiş AZE seriyalı, 08551923 nömrəli Azərbaycan Respublikası vətəndaşının şəxsiyyət vəsiqəsinin surətindən görünür ki, X29 xx.xx.1956-cı ildə Goranboy rayonunda doğulmuşdur; İş materiallarında olan və məhkəmə iclasında tədqiq edilmiş AZE seriyalı, AA0752124 nömrəli Azərbaycan Respublikası vətəndaşının şəxsiyyət vəsiqəsinin surətindən görünür ki, X23 xx.xx.1982-cı ildə doğulmuşdur; İş materiallarında olan və məhkəmə iclasında tədqiq edilmiş AZE seriyalı, AA3088746 nömrəli Azərbaycan Respublikası vətəndaşının şəxsiyyət vəsiqəsinin surətindən görünür ki, X24 xx.xx.1984-cü ildə doğulmuşdur; İş materiallarında olan və məhkəmə iclasında tədqiq edilmiş AZE seriyalı, AA3088746 nömrəli Azərbaycan Respublikası vətəndaşının şəxsiyyət vəsiqəsinin surətindən görünür ki, X20 xx.xx.1988-ci ildə doğulmuşdur; İş materiallarında olan və məhkəmə iclasında tədqiq edilmiş AZE seriyalı, 15157860 nömrəli Azərbaycan Respublikası vətəndaşının şəxsiyyət vəsiqəsinin surətindən görünür ki, X1 xx.xx.1989-cu ildə Goranboy rayonunda doğulmuşdur; İş materiallarında olan və məhkəmə iclasında tədqiq edilmiş AZE seriyalı, AA3484189 nömrəli Azərbaycan Respublikası vətəndaşının şəxsiyyət vəsiqəsinin surətindən görünür ki, X27 xx.xx.1996-cı ildə doğulmuşdur; İş materiallarında olan və məhkəmə iclasında tədqiq edilmiş Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsin 7 saylı Bərdə Ərazi İdarəsinin xx.xx.2020ci il tarixli, **********48 nömrəli məktubundan görünür ki, Azərbaycan Respublikasında aqrar islahat aparılmış və Aqrar İslahat Komissiyasının qərarları ilə vətəndaşların qanuni istifadəsində olan həyətyanı torpaq sahələri onların xüsusi mülkiyyətinə verilmişdir. Həmin torpaq sahələrinin qeydiyyata alınaraq torpağın mülkiyyətə verilməsinə dair Şəhadətnamə və dövlət Aktlarının hazırlanaraq vətəndaşlara verilməsi ləğv edilmiş Dövlət Torpaq və Xəritəçəkmə Komitəsinin müvafiq rayon şöbələri tərəfindən həyata keçirilmişdir. Goranboy rayonu Qırıxlı kəndinə yerləşən 7,39 ha torpaq sahəsinin torpağa mülkiyyət hüququna dair JN 0085, KOD 50915018 Dövlət aktında hansı səbəbdən Ərizəçi əvəzinə səhv olaraq X2 yazılması idarəyə məlum deyildir. Həmin səhvin düzəldilməsi 7 saylı Bərdə Ərazi İdarəsinin səlahiyyətlərinə aid deyildir. Məhkəmə, ərizəçini dinləyib, iş materiallarını araşdıraraq hesab edir ki, ərizə aşağıda qeyd edilənlərə əsasən təmin edilməlidir. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir; Azərbaycan Respublikası Mülki Prosessual Məcəlləsinin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır; Azərbaycan Respublikası Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın; Azərbaycan Respublikası Mülki Prosessual Məcəlləsinin 310-cu maddəsinə əsasən ərizədə həmin faktın müəyyən edilməsinin ərizəçiyə nə məqsəd üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasmm mümkünsüzlüyünü təsdiq edən sübutlar göstərilməlidir; Azərbaycan Respublikası Mülki Prosessual Məcəlləsinin 309-cu maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir; Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; Azərbaycan Respublikası Mülki Prosessual Məcəlləsinin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; Azərbaycan Respublikası Mülki Prosessual Məcəlləsinin 106.1-ci maddəsinə əsasən işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir; Azərbaycan Respublikası Mülki Prosessual Məcəlləsinin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. İşin araşdırılmış halları ilə müəyyən edildi ki, Goranboy rayon Aqrar İslahat Komissiyasının 17 dekabr 1997-ci il tarixli, 41 saylı qərarına əsasən 7,39 hektar torpaq sahəsi ərizəçinin və X10, X5, X6, X12, X7, X8 mülkiyyətlərinə ayrılmış, həmçinin JN-0014, KOD 50915018 saylı “Torpağa mülkiyyət hüququna dair Dövlət Aktı” verilmişdir. Torpaq sahəsi ərizəçiyə və X13, X14, X15, X21, X16, X17 ayrılsa da, “Torpağa mülkiyyət hüququna dair Dövlət Aktı”nda “Ərizəçi” əvəzinə “X18” kimi göstərilmişdir. Beləliklə, məhkəmə, tədqiq olunan sübutları qiymətləndirərək belə nəticəyə gəlir ki, JN- 0014, KOD 50915018 saylı “Torpağa mülkiyyət hüququna dair Dövlət Aktı”nın Ərizəçi məxsus olması faktı müəyyən olunmalıdır. Azərbaycan Respublikası Mülki-Prosessual Məcəlləsinin 218.3-cü maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Bu Məcəllənin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmçinin, məhkəmə hesab edir ki, Azərbaycan Respublikasının MPM-in 119-cu maddəsinə əsasən ərizə üzrə ödənilmiş 100 manat dövlət rüsumu ərizəçinin özünə aid edilməlidir. Yuxarıda göstərilənlərə əsasən və MPM-in 216-220, 227, 305-307, 320, 321 və 360cı maddələrini rəhbər tutaraq, məhkəmə QƏT ETDİ: Ərizə təmin edilsin. JN-0014, KOD 50915018 saylı “Torpağa mülkiyyət hüququna dair Dövlət Aktı”nın Ərizəçi məxsus olması faktı müəyyən olunsun. Ərizəçi tərəfindən ödənilmiş 100 manat dövlət rüsumu onun özünə aid edilsin. Qətnamədən rəsmi qaydada verildiyi gündən 1 (bir) ay müddətində Goranboy Rayon Məhkəməsi vasitəsilə Gəncə Apellyasiya Məhkəməsinə şikayət verilə bilər. Hakim: Toğrul Məmmədov