Göyçay Rayon Məhkəməsi Qərardad — İş №2(046)-1257/2023

Azərbaycan Respublikası adından QƏRARDAD Göyçay rayonu İş № 2(046)-1257/2023 27.07.2023 GÖYÇAY RAYON MƏHKƏMƏSİ Qurbanov Elçin Firudin oğlunun sədrliyi, Qəniyev Nurlan Mehman oğlunun katibliyi ilə, İddiaçı Cavabdeh İB-nə qarşı abonent koduna yazılmış məbləğin silinməsi tələbinə dair mülki işə açıq məhkəmə hazırlıq iclasında baxaraq, müəyyən etdi: İddiaçı iddia ərizəsi ilə məhkəməyə müraciət edərək Cavabdeh İB-in əməkdaşları tərəfindən tərtib edilmiş akta əsasən hesablanmış 1555 manat 20 qəpik sayğaca müdaxiləyə görə hesablanmış pulun və 65 manat yeni sayğacın dəyərinin hesabından silinməsi barədə qətnamə çıxarılmasını xahiş etmişdir. Məhkəmə baxışı xx.xx.2023-cü il tarixə saat 11.30-a təyin edilmiş,məhkəmə iclasının vaxtı və yeri barədə tərəflərə məhkəmə bildirişi göndərilmiş,İddiaçı qeydiyyatda olduğu yer üzrə göndərilmiş məhkəmə bildirişi həmin ünvandan köçməsi səbəbindən zərf geri qaytarılmışdır. Tərəflər məhkəmə iclasına gəlmədiyindən məhkəmə baxışı 27 iyul 2023-cü il tarixə saat 10:30-a təxirlə salınmış, məhkəmə iclasının vaxtı və yeri barədə Cavabdeh İB-nə məlumat verilmiş,cavabdeh X1 SMS vasitəsilə məhkəmə iclasının vaxtı və yeri barədə məlumat verilmiş,habelə məhkəmə bildirişi təqdim edilməsi üçün onun qeydiyyatda olduğu Göyçay rayon İHB-nn Ulaşlı-Şıxlı kənd inzibati ərazi dairəsi üzrə nümayəndəliyinə göndərilmiş,lakin tərəflər təkrarən məhkəmə iclasına gəlməmişlər. Azərbaycan Respublikası Mülki Prosessual Məcəlləsinin 259.0.6-ci maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Məhkəmə hesab edir ki,tərəflər təkrarən məhkəməyə gəlmədiyindən və işə onların iştirakı olmadan baxılması barədə vəsatətləri məhkəməyə daxil olmadığından iddia ərizəsi baxılmamış saxlanılmalıdır. Şərh olunanlara əsasən və Azərbaycan Respublikası MPM-nin 263, 264, 268-ci maddələrini rəhbər tutaraq, məhkəmə qərara aldı: İddiaçı Cavabdeh İB-nə qarşı abonent koduna yazılmış məbləğin silinməsi tələbinə dair iddia ərizəsi baxılmamış saxlanılsın. İddiaçıya izah edilsin ki,iddianın baxılmamış saxlanılması üçün səbəb olan şərait aradan qaldırıldıqdan sonra ümumi qaydada ərizə ilə məhkəməyə yenidən müraciət edə bilər. Qərardaddan 10 gün müddətində Göyçay Rayon Məhkəməsinə şikayət verilə bilər. Sədrlik edən: Elçin Qurbanov